我講多一次，癡親大陸都冇好野，而大陸癡過黎嘅話，就絕對係瀨野。
呢招好絕，依家同你講，唔駛開放你個邊境，因為我會開放俾你，你乜都唔駛付出，只需要默默地享受祖國懷抱— 覺唔覺得好熟口面？
無錯，所有二奶都係咁架啦。
「你唔俾名份我唔緊要，我已經當左你係我老公」、「請你俾我繼續為你付出」... 但日子耐左，上左床就會掀被，最大鑊係同你生仔，到時候才上演迫宮的戲碼也不遲。
你要記住：一扇門係雙向的，今日淨係香港人可以走入大陸，幾年後，就會有左膠走出黎以「公平」為理由，建議香港搞返個類似的證俾大陸人。單程證150個限額用來溝淡香港人也嫌太慢太麻煩，索性重新造一個新系統出黎，一夜之間打通羅湖橋，到時候你見到呢個二奶的鬼胎出世，想反抗也太遲了。
更糟糕的是，我肯定大陸將會不停對內宣傳，係咁講自己對香港幾好幾好。結果會令大陸人更不滿香港人— 為什麼自己呀媽做二奶，仲要對人地大婆個仔咁好？香港在內地的眼中已經長期被認為是「被寵壞的孩子」，今次仲要有個咁「偏心」的政策出爐，如果香港、台灣都不領情，就是不知感恩，那麼... 大家應該支持懲戒吧？我唔係講笑，當大家都等緊睇支爆的同時，你又認為冇人想睇香港好似張新五百蚊紙咁陸沉？
門，總是雙向的。
最後，大陸啲政策，永遠都好似隻騰訊咁，開頭一定有著數，但到最後總是要連本帶利嘔返晒出黎，你睇呢排幾多人輸到甩褲？無架，我們這一代八十後、九十後終於可以趁香港個朵未臭晒之前，上大陸撈埋最後呢一筆。但千禧班細路呢？佢哋仲有咩未俾上一代食晒？
傻啦，你有冇見過班十幾蚊揸左騰訊嘅人，出過一句聲？賺左，就唔會出聲架啦。
作為一隻資深港豬，我淨係會諗係咪代表一線城市啲大陸樓又可以炒？
#我討厭政治
#留名等睇各大媒體軟體吹捧大灣區
#返大陸發展幾好
#再留名等睇啲人一路鬧一路返大陸
#身體很誠實
#我仲可以講咩
#還是加快腳步幫親戚朋友移民啦
【懶人包】港澳台居民居住證9月起接受申領 手續權利重點一覽
https://m.mingpao.com/…/artic…/20180816/s00001/1534392313609
港澳台居民居住證 在 港澳台居民居住證申領發放辦法 - 台胞證 的相關結果
需要辦理居住證的台灣居民，可提前到照相館拍好居住證相片，持相片回執、本人有效出入境證件、居住滿半年的證明材料（符合有合法穩定就業、合法穩定住所、 ... ... <看更多>