《政府新聞網公然「搵老襯」，叫DSE學生報名北上求學》
聽日已經係3月，政府新聞網就提醒今年嘅DSE考生，可以考慮3月20日前報名北上求學。佢搞到勿失良機咁，仲大字標題以「免試收生」做招徠，成件事真係好鄭子誠，我就click 入去「知多啲」啦。我詳細咁陳述下政府宣傳嘅「免試收生」北上求學點「搵老襯」...
「免試收生」推銷嘅竟然有三本大學...
大陸大學係分一本二本三本，簡單來講就係band one band two band three 咁，北大，清華，復旦，中山大學呢啲就係一本重點大學。2015年，北大世界排名係42，港大係44。一本重點大學好似好勁咁，其實大陸有 n 間一本大學，香港侵大世界排名係351-400， 大陸嘅北京科技大學，四川大學同樣係一本重點大學，就已經排到601-800名。
今日政府新聞網推銷嘅「免試收生計劃」，參與嘅84間大學，好多都係二本大學，甚至北京師範大學珠海分校係三本大學。如果一本大學都排到800名，甚至800名以外，咁三本...咁即係雞校啦。
「咁喺香港考得唔好，北上求學，當然係入三本雞校啦，有咩問題？」
政府新聞網，係用政府之名推廣內地嘅大學，推介雞校，仲要推介D「貴價唔飽」嘅雞校。睇清楚，位於廣東省嘅呢間三本大學，北京師範大學珠海分校，金融學學士課程每年收近五萬蚊人仔。喂，未考DSE，叫DSE考生報名讀又貴又雞嘅大學，係唔係「搵老襯」先？
「可能入到一本大學，北大清華個啲呢」
你入到北大，清華，正路你都入港大中大啦，呢個「免試收生」計劃，好明顯就係搵成績唔夠入香港大學嘅學生笨，香港人北上自費讀雞校，呢個價錢入雞校，值唔值先？
※※※
點解政府咁落力推銷北上求學？
鼓勵香港學生北上求學，洗腦係其一。其二，參與「免試收生計劃」嘅大陸院校愈來愈多，呢個世界唔會咁著數，有無咁好死，好明顯呢啲係「等價交換」，大陸院校俾得香港學生北上求學，即係香港呢邊，會愈收愈多唔同省份嘅大陸學生。一眼睇穿仆街政府呢啲屎橋。所謂嘅香港大學愈來愈國際化，其實就係大陸化。
香港啲大學學位，成本點都高過大陸大學啦，雲南師範大學，學費係3400蚊人仔一年，香港如果要同大陸學位等價交換，我地咪蝕好多？
※※※
最恐怖莫過於呢個「免試收生計劃」，有好多二本醫科大學...
之前都嘈過架啦，醫管局擬以「免試」形式招聘海外醫生解決人手不足問題。如果，我話如果，將來香港真係實施「免試」形式招聘海外醫生，我諗之後喺香港見到嘅「海外醫生」極大可能就係呢啲大陸二本醫科大學培訓嘅大陸醫生。以香港回歸以來嘅情形，我覺得一啲都唔出奇囉。
叫雞我信北上好啲姐，求學我就覺得也咩爹囉。香港政府用政府新聞網去宣傳雞校，搵老襯之餘，仲陰謀重重。我呼籲所有心急想要學位，想讀大學嘅DSE學生，千其唔好做老襯呀。報名要先畀420蚊，一蚊都唔好蝕俾佢啦，唔好俾人呃呀。
老襯請入：
http://www.edb.gov.hk/…/p…/Pilot_scheme_2016/Booklet2015.pdf
