（六十六.上） 紋身跟一世
早兩日，同個女紋身師傅friend傾開計，講起而家好多潮人就咁拎張「圖案」上黎，都唔理個「公仔」乜頭乜路乜意思，總之望落夠「潮」就話紋上身。
D潮人通常見到d artist紋佢地又紋，有d就唔知上網喺邊摷到張圖覺得懶懸疑懶高深又話要紋，幾無自己。
Between，我唔係唔主張大家紋身，大家幫襯多d仲好，無謂我個frd話我倒佢米。不過，我呢個frd都唔係隨便幫人紋嘅，佢會喺幫你落筆之前，同你傾返轉計，聽聽你個故事，聽聽你對紋身嘅睇法。
每個人紋身總有個理由嘅，佢話。
可能你係放唔低一樣嘢、可能你係好想放低一樣嘢、可能你好想身體上面有個獨特嘅記認，萬一有乜依郁都認到你、又可能你係想經歷一段痛楚去埋藏另一段痛楚，等等。
至於，如果你淨係見人地big bang紋得型，你又想抄足人地個公仔紋喺自己到嘅話，sorry喇，我呢個frd一概唔會幫你紋，話紋咗都對唔住自己。
因為佢知道，佢每幫你紋落黎嘅每一筆，都會跟足你一世。
而佢，就同我講咗佢有個客仔朋友阿蠔豉喺泰國紋身嘅經歷。
蠔豉同班frd去泰國旅行，班frd興高采烈話要去紋身，蠔豉本身白雪雪，乾乾淨淨。但大圍講到興起，自己又唔太抗拒，就ok紋啦。
之但係，問題黎喇，個個frd子其實都有大約構思去紋咩嘢嘅，而佢？
…無。
真係唔知紋乜９先好？
「紋比卡．比卡超啦！」有個friend仲笑佢咁動議。
去到曼谷紋身現場，鋪頭入面有人同佢講一係紋你女友個名啦，蠔豉欲哭無淚咁話：「鳴呀我無女朋友…」
另一個frd仲忍唔住大叫揶揄：「嘻，咁你紋隻左手落去啦！」
眾人一片笑聲，蠔豉就自己走咗埋一角揀下d圖同睇睇d雜誌喇。
最終佢唔知晌邊樹搵咗個圖出黎，係類似七行經文加隻壁虎嘅。
蠔豉好鍾意：「就紋呢個啦！幾有氣勢！」
師傅：「你真係要紋呢個？」
蠔豉：「梗係啦！一場黎到，實要紋返d嘢嘅。」
朋友A：「紋隻『左手』喺右手都得架，嘻！」
朋友B：「好喇，唔好玩喇，迴避下喇。」
師傅就開始一邊念經一邊幫佢紋喇。
結果，呢個紋身就係咁跟咗佢返香港。
返到香港，奇怪事就出現喇。
蠔豉成日見到同一個泰國小朋友，四、五歲到，出現喺佢附近。
試過搭搭下巴士，望出出面，見個小朋友排緊隊上車；
Lunch 晌後街煲煙，又見佢企喺馬路安全島遙遙望住自己；
甚至乎，有一次返屋企，搭lift關lift門嗰下，突然發現個小朋友撲埋黎想截住架lift咁，佢本能反應，見有人想衝入lift就即刻噤返開部lift。
點知：無人。
得條空空如也嘅走廊…
頭一兩次，都以為咁橋啫，見得多幾次，都知道自己奶嘢喇呢鑊。
佢好清楚…怪事係從佢紋咗個身之後開始...
呢篇長咗少少，要分集出，嗱，Tag 定d公仔frd或者想紋身嘅frd入，齊齊等下集一齊驚，一齊睇下蠔豉點算，IG 嗰邊集氣中，夠150個心心就嚟！
PS.自己都唔敢post嗰張泰國紋身圖
IG : donotsayhello
#真人真事 #離奇 #鬼故 #鬼 #靈異 #不可思議 #離奇家遮 #恐怖 #香港 #口耳相傳 #文字 #紋身
泰國紋身 在 我要刺青啦？！｜泰國透明油法力刺青會痛嗎？！ - YouTube 的八卦
其實我在五年前就已經刺青過一次了但是是透明油刺青所以看不出來這次我看上了一張我很喜歡的圖所以打算再來刺青一次"泰國透明油法力刺青"不知道這次會 ... ... <看更多>