【無懼白色恐怖！呼籲初選票投國際戰線】
感謝蘋果記者梁穎妍，替我和張崑陽在初選前夕，做了這個訪問。這張相，是在部署選舉期間，跟他在studio影的。當然，在國安法通過以後，我們也很難那麼輕鬆的，拍下一張這樣的照片了。
不過，縱然形勢何等惡劣，我跟他，還是一如既往的，繼續國際戰線，繼續頑強抵抗。我們知道，政權意圖將國際戰線一鋪清袋，刀峰已隨時對著我們二人，但正因如此，我們更需要大家的選民授權。
國際戰線，已到危急存亡的時刻，在這場自由與極權的搏鬥當中，有著大家給予的支持，成為強大民意基礎，將可讓我們有更多空間，鼓動世界與香港人站同一陣線。
明天初選，拜托各位，九龍東投黃之鋒 Joshua Wong，九龍西張崑陽 Sunny Cheung，衷心感激。
希望在九月六日，我們仍可這樣自然地，在立法會裡拍多一張相。
-------------------------------------
https://hk.appledaily.com/local/20200710/MHE4E6KOKMXGPW24IACHYFQX64/
「港版國安法」在香港主權移交23周年前夕實施，一夜之間香港時光快進27年，港澳辦主任夏寶龍稱《國安法》令「馬跑得更快，舞跳得更好」，不少人卻感覺「香港已死」，兩個年輕政治人，前民間外交網絡發言人張崑陽和前香港眾志秘書長黃之鋒接受《蘋果》訪問時分別說，擔心、恐懼是必然，「有啲人會驚、會縮，但沉澱期唔好咁耐，會一沉百踩」，但社運、街頭、議會戰線都不應放棄，而民主派初選便是國際線，「1萬、10萬定100萬（投票人數），呢個已經說明咗個民情去到幾大嘅反抗意志」，香港的確不再一切如常，但抗爭要繼續，「票照投，網照上，文宣照睇，黃店照去，繼續維持正常嘅抵抗」。
《國安法》列入《基本法》附件三，正式生效既成事實，七一當日沒有如傳聞般被捕，一周後仍東奔西跑擺街站的黃之鋒說，全港人包括他尚在消化《國安法》內容，「《國安法》係present continuous tense，係持續演化緊」，他覺得《國安法》來臨，民間社會被末日感籠罩，但他希望港人首先戰勝恐懼，「政權嘅打壓唔係零和遊戲，佢唔打壓，大家就全速前進，一天都光晒；佢打壓，大家就一潭死水，從此就收檔」。他坦言形勢惡劣，但「總好過係2015年嘅一潭死水」，因為那時事事去政治化，對社會運動更不利，「中間派興起，然後大家都話要休養生息嘅年代，但而家大家面對住一個惡法嘅壓迫，唔係講緊政治權利，而係講緊香港係咪仲係香港，咁嘅形勢有危就有機，危應該佔9成9，機就佔1%都唔知有冇，但呢個係民主運動必經階段。」
由國際線轉入政途的張崑陽則認為，香港問題依靠國際關注，2020年正是全球目光集中香港身上的時空，「我哋點確保10年後世界仲關注香港？或者10年後世界對中共仍係厭惡？嗰個uncertainty係仲大」。至於下一步如何是好，「每一條戰線都唔好放棄，過咗法例，有啲人會驚、縮，但沉澱期唔好咁耐，會一沉百踩，成個社運界、街頭、前線抗爭、議會，全部冇晒嘅話，我諗唔明10年後點解會有返晒出嚟」。
「我哋點確保10年後世界仲關注香港？」
曾經遊走美國國會山莊進行國際游說的二人，甚至曾高呼要求外國制裁，難免會成為政權眼中釘，但二人選擇留下來又如何安身立命？「香港眾志既不屬於傳統泛民，亦從來唔會定位為本土派，但定位係點樣作為一個投入抗爭運動嘅團體。」黃之鋒如是形容眾志，這個定位貫徹針對國際戰線的《國安法》實施後，他退出眾志，眾志也隨之解散，但他本人未有退場，「喺解散一個禮拜之後，（前眾志常委）羅冠聰喺外地繼續國際倡議工作，黃之鋒繼續呼籲大家初選投票」，形容不同崗位的變化是「好Organic嘅狀態」。
「有乜嘢要做，有咩唔可以做，呢個要去思考係好合理。」黃之鋒承認《國安法》下有禁區，但他以擺街站太大聲、舉白紙都曾被警方指違國安法為例，執法標準無人說得準，「問題係《國安法》變咗另一個限聚令，拘捕嘅萬能key」，他坦承自己也有恐懼心理，但也反覆強調最大的恐懼是恐懼本身，「《國安法》立法前你有咩做緊，立法後完全冇迹象係違法嘅可能，你當然繼續去做，維持日常嘅抵抗就係咁既意思」。馬照跑舞照跳聽得多，黃說的是票照投，網照上，文宣照睇，黃店照去，「唔係話畀政權聽唔驚，咁梗係驚啦，送中喎，但驚唔代表要繑埋雙手，做順民做港豬。」
「每一條紅線我哋都要思考，係咪可以付上相應代價去挑戰佢」
黃之鋒不再做國際游說，張崑陽在7.1後派發的宣傳單張亦不再見制裁二字，但對於未來抗爭想像，張又更進一步覺得不止限於日常抗爭，認為要由政治人物帶頭挑戰不明確的紅線，「每一條紅線我哋都要思考，係咪可以付上相應代價去挑戰佢，唔係佢劃咗，我哋就要接受」，舉例指全部參選人都必須明確反對《國安法》，在不獲發不反對通知書下仍堅持集體遊行、示威，「例如而家大興文字獄，你手機貼光時貼紙，就話你顛覆國家，咁係唔合理；政治人物可唔可以集體有行動去同世界講或者本地講，起碼我哋覺得呢樣係荒謬，我哋要提醒世界呢樣係荒謬」。
實行有關行動背後恐惹上官非，面臨《國安法》數以年計的刑期，張崑陽覺得若發生港版「美麗島大審判」，能催化本地及國際情緒反彈，「咁更加認證咗本地政治人物就係要集體燃燒自己生命，延續抗爭，每一條紅線都嘗試去踩」。其說法是否太浪漫主義？他不這樣認為，指香港正走上一條不歸路，「注定係悲壯」，但一批人被封殺、被捕甚至身陷囹圄，總會有人補上，亦認為要兩手準備繼續搶攻立法會，「我梗係想速戰速決，但如果要打十幾廿年，議會戰線係雞肋，一定冇可能反守為攻。但如果有啲入到去真係攞佢哋議員身份、資源，可以公開或者地下化供養到公民社會運動嘅持續」。
「《國安法》通過咗但我唔驚，呢個係好重要嘅信號」
本來民主陣營在立法選舉下，就議會戰線再泛起路線之爭，傳統泛民被抨擊沒有足夠抗爭意志，但黃之鋒指，初選結果自然會說明參選人在運動中的投入程度，但現時不再是比拼政綱的時候，「根本最核心既問題係10月開會前，9月6（日）至10月中會發生咩事，我冇完整嘅答案，但呢個方向唔係比拼10月中嘅肢體抗爭，可以去到有幾激進嘅程度，而係諗10月中前有足夠嘅壓力畀到北京政府，以至到整個民意授權，若9月6日仲有票投嘅話，點可以成為槓桿，讓我哋有更多反抗空間？呢個好關鍵」。他指周末舉行的初選就別具意義，「對北京嚟講係好關鍵既指標，1萬、10萬定100萬？呢個已經說明咗個民情去到幾大既反抗意志」。
港府打開口牌指初選或違《國安法》，張崑陽亦認為，搞初選就是打國際戰線，「如果有數以萬計既人出嚟投票，同世界或者共產黨講，《國安法》通過咗但我唔驚，呢個係好重要嘅信號」。但始終更重要是在港的人，他指每一場運動都是一種累積，「如果去到初選第二日，報紙寫50萬人無懼風雨、白色恐怖，出嚟排隊排5個鐘照投，嗰個人會受感動，下一次抗爭佢會出嚟」。
泛 民 解散 在 [新聞] 巴比妥數值誰對誰錯侯辦：何不請賴清德- 看板Gossiping 的八卦