最近我好鍾意問人:「如果可以比你返去讀書時期重新嚟過，你會想返去邊?」
而我，最想返去嘅地方就係大學。
當年捱過無數次嘅公開試，又趺過落低谷嘅我，最後好幸運咁讀到大學。對我嚟講，大學係一個我人生永遠都會想留戀嘅地方。
大學入面有好多唔同類型嘅人，有人好潮、有人好活躍咩都參加好Social、有人好摺只關心GPA、亦有人渾渾噩噩咁返學唔知為咩.....仲有好多唔同強項技能嘅人，感覺自己好似踏入一個好多元化嘅世界，唔會再好似中學咁樣，大家都比較單一化或目標比較一致。
當年我抱住燃燒青春嘅心態入讀大學，諗住享受埋人生最後一段校園生活
我地香港學生成日都要「J」其他地方嘅青春電影，例如那些年呀我的少女時代呀......奈何香港係無咩青春代表作
所以我希望可以喺大學燃燒下青春、製造自己好多嘅「第一次」。
師兄同我講，入咗大學一定會走堂。
我即刻想笑佢，我比咁多錢付出咁多努力就係為咗享受大學生活，走堂? 挑!點會呀
結果，唔洗一星期，我就走咗人生第一次堂。
而且仲會上癮，渣住 "讀萬卷書不如走萬次堂"嘅心態去做人。
以前讀中學，自己就好似灰姑娘咁唔可以過夜同埋12點前一定要返屋企
可能入咗大學光宗耀祖，屋企人都開始唔會點管你
入到大學即刻申請張學生信用卡渣住佢出去玩都好似大個仔咁～
以前啲衫褲鞋成年都係著嗰幾件，呢家無校服著就日日要換唔同嘅衫，廢事比人覺得毒呀嘛，再唔係就著件頹Camp Tee踢住拖鞋返學，其實都幾爽
同班同學一齊「屈蛇」摺Hall，通頂打麻雀煮飯仔食糖水玩天光飲早茶再一齊走堂瞓覺，一下子將以前想做但無得做嘅嘢通通做哂，每日都過住酒池肉林嘅生活
當然，遇到考試做Project，我地又會一齊認真咁做
我地都抱住一個 " 唔洗做到最叻，但至少唔會係最差 "嘅心態去對待學業
亦都因為咁識咗一大班戰友，一識就好多年。
大學嗰幾年，話長唔長，話短唔短，在於自己點好好利用呢段時間
學生最值錢嘅地方，就係大把時間同空間去做自己想做嘅嘢
唔好在意嗰樣嘢有冇意義或者有冇用，應該要諗下人生流流長，呢家唔做等幾時?
自從出嚟做嘢之後，每一日只有返工同放工，加上工作壓力同負擔令你有時間都想抖下喇，仲講咩鬼想做自己嘢丫
前幾日JUPAS放榜，入到大學嘅你我當然為你高興，希望你地可以好好利用大學時間，去做更多更多屬於自己嘅第一次
記住，想做就做，因為你唔做，你將來一定會後悔自己無做多過後悔自己做咗。
P.S
條片雖然唔係我拍，但係我好兄弟 藍橘子寫Ga～我當然要支持下佢！
其實信用卡最好就係用嚟交學費，而家簽夠額仲免費有6張MCL戲飛送，堅爽
睇詳情去呢度: http://bit.ly/2aIkGGC
【永遠懷念，那段頹廢但自由嘅大學生涯】
雞Wing 微辣 Manner 永遠懷念自己同 @江嘉敏 Kaman Kong 喺大學時代發生唔同嘅第一次… (我都想呀…) #首先你要有 #如果你工作累了
請將你嘅第一次交俾: http://bit.ly/2b1Guya
原著: 藍橘子
永遠懷念，那段頹廢但自由嘅大學生涯
#第一次 #COMPASSVISA #認真玩 #玩認真 #你出爆谷我出飛 #約會神級藉口 #青春嘅嘢你懂甚麼 #DBSOmni #有隱藏人物你捕捉咗未 #訓練員出動
江嘉敏j 在 誇世代| 被江嘉敏電親係乜感覺? - YouTube 的八卦
誇世代| 宋仲基與徒弟鄺港生是兩大投資銀行家，但港生為利益不擇手段，兩師徒走向決裂。仲基專橫自大，卻因一次墜機意外變成「90後」的包豹， ... ... <看更多>