在批評和欣賞之間，還有很多種反應，例如係：無反應；在醜和美之間，還有很多種感覺，例如係：無感覺。
圖中兩個女人，真心講句：唔靚。但也真心講句：唔醜。就是很典型的路人臉，是他也是你和我，你喺街上唔會見到佢想要多望一眼，但是，也不會覺得對方影響市容，想拖佢出去打，就是很普通很平凡的樣子。
這個廣告最大的問題是，明明唔「美」，點解要夾硬話「美」？
抱歉，可能呢句唔太岩聽：美和醜真係有一定標準。梵高的《向日葵》是美，我畫的火柴人是醜；張學友唱歌係令人耳朵懷孕、旺角大媽唱歌會讓人耳朵流產，這是美醜和高低之分。我唔可以話因為大媽好有自信，所以佢嘅歌聲係「美」，當然，也可能係我唔識欣賞大媽佢「老美」。但總的來說，靚就係靚，唔靚就係唔靚，有自信係會加分，但唔代表一定會絕地反彈。無得因爲大愛左膠而夾硬「流著汗紅著臉」俾兩分同情分— 明明唔靚都話對方靚。
當然，你可以話美同醜的標準係經常改變。唐代鍾意肥，pizza面才是美。喂，大佬呀，你望下個天，一天都係飛機呀！一街都係電腦呀！依家唔係唐代，就唔好拎唐代的標準出來審美吧？唔通又要拎女人紮腳才是美出黎講咩？咁拗無意思架啵。我只能夠同pizza面姐姐講句「生不逢時」，這不是她的錯，只是這個時代、此時此刻，她真的不靚，但也不醜，就是很平凡而已。
其實承認自己不足、承認自己唔靚，才是正確的方向。唔靚咪唔靚囉，唔駛死架喎，成個地球幾十億人，先得一個金城武，一個海港都只係得一個章魚誠（喂搞下gag姐）。大部份人都係咁平凡兼普通架啦，佢地會行出街俾人打咩？反而當你接受左自己唔靚，你先會開始找其方法令自己變得吸引。
一命二運三風水，四積陰德五做gym，你操靚個身型，衰極都可以做蝦（摵左個頭，個身就食得），再俾心機工作，來個鯉躍龍門，即刻變龍蝦（死心啦，唔會變龍，你條進化路線係咁架啦）；再唔係咪「人醜就該勤讀書」，腹有詩書氣自華，唔講外表都可以講氣質，落吧一樣溝死仔，反正落場大家都係普通人，沒有誰比誰美麗，癡癡呆呆，先有得坐埋一檯嘛。
我認同人要欣賞、也需要接受自己，但是，真的不需要非把自己冠以「美」不可。美也有美的煩惱，起碼沒有人會指著一個路人甲話「乜老左走晒樣、歲月不饒人」不信？看著一眾曾經年輕美麗的明星被人評頭品足，你估有幾多個可以好似羅蘭姐老得如此優雅？說是詩意重，說是畫意重，誰料難得百日紅？
#也許一百個人得一個動人
#也許千對愛人得一對幸運
#不需顛倒世人真心一樣迷人
#無論美不美麗也可美麗過這一生
#要多美麗有多美麗
#識唱一齊唱
#世上只有一個女人就算點都會讚佢靚爆鏡
#嗰個係自己呀媽
#美麗值恆定全滿
水 躍 魚 進化 在 [情報]經典社群日：水躍魚- Pokemon GO - 寶可夢GO | PTT遊戲區 的八卦
... 寶可夢水躍魚專屬招式巨沼怪只要在活動結束後2小時的最終期限前讓沼躍魚（水躍魚的進化形態）進化，就能獲得學會加農水炮PVP：80 PVE： 90 社群日 ... ... <看更多>