【睇下英國私校先】
唔知比兩盒半島月餅或者幾封利是會唔會好啲？
識得校董個朋友個女個阿媽寫封信會唔會有用？
阿女就快四歲，好快要報小學。如果係政府或者資助學校，都係揀四間屋附近Ofsted Report同KS1 KS2成績好嘅學校，交份申請表去Borough Council，統一排位基本上就乜都無嘢可以做。最多都係聯絡下心儀嘅學校，去參觀下。
因為係報讀學校嘅黃金時間，英國出名嘅私立學校區，例如Kent同Surrey，近期好多私校會有open day或者講座。我厘啲咁多事嘅怪獸家長當然要去觀察下啦。
英國嘅私校有好多，當然會有主要係收外國留學生嘅。亦有一啲有錢都要睇身份，唔係香港嗰啲封下利是，送下半島月餅，又或者識某某某校董寫封reference letter就有得interview咁「高級」啦（不過我所知結果多數都係都個in字）。
今日我去咗一間普通嘅百年女校，講解嘅係一個校內嘅專業PR（真係生意黎㗎）。私校嘅設施當然係好，師生比例亦細，每個年級得兩班（每班18個學生）。學費同大部份嘅私校差不多，每年大概萬幾鎊。
其實設施配套或者學生支援之類嘅嘢，無需多講就一定唔會差嘅。重點係怪獸家長最關心嘅嘢，成績。因為唔會有政府嘅Ofsted report，亦唔會參與KS1同KS2，一切都係睇中學嘅時候學生會轉咗去讀邊啲更勁嘅私校。如果留低嘅，GCSE同IB嘅成績，與及入乜嘢大學讀咩科（唔係神科就代表叻）就變成重要嘅參考。同時學生嘅質素，包括品格同課外活動嘅成就，本地家長會更關心（我真係覺得英國嘅怪獸家長就全面好多！）。
厘啲資料就令我覺得，私校可以係學店，問題就係收錢收得有無品。好嘅免費學校（唔計Grammer School），成績會比全國平均好十幾percent，但係私校收錢就會話你知至少好二三十percent，另加傳統德育同設備完善嘅課外活動。想讀就報名四歲入學，先到先得（三歲尾儍嘅都知interview係多餘啦！）。
真係燒味又好食，海鮮亦更好，有錢就自己揀。我就未諗掂，不過就覺得係好清晰嘅選項。唔同响香港嗰時，唔洗錢嘅就好參差，又要排隊、又要人士、又要識飛。要錢嘅亦都可以好參差，都係要排隊、更加要人士、都係要識飛、重要可能或者扮唔係貪污。
#月亮嘅英國真係圓啲
#怪獸家長質素又高啲
#比錢讀書成績好就緊
#其它嘅嘢原來最重要
#英國家長不停問德育
#狂問課外活動嘅質素
比錢讀書成績好就緊 在 心情板 - Dcard 的八卦
更新，-，真的沒想到這篇討論這麼熱烈，在留言看到好的比我慘的，真的有被安慰到欸，大家留言我都有看到喔，只是最近比較忙沒辦法一一回覆，然後大部分幾乎都是小時候 ... ... <看更多>