上次分享咗我每朝起身都會同自己講嘅嘢：
「今日，將會係好美好嘅一日，
會有好多好好嘅事發生喺我身上！」
之後收到唔少留言同 PM 話試咗一段時間，
發覺好似真係有少少用，哈哈，咁就好嘞。
其實，仲有另一段我都係日日同自己講嘅，
我甚至將呢段說話寫咗喺張紙上面，
然後貼咗喺塊掛牆版度日日望住，
而奇怪嘅事亦逐步逐步慢慢發生，
我開始接觸到唔同範疇嘅工作機會，
亦開始拓展咗唔同領域嘅生意業務。
喺過去呢大半年演藝事業接近停頓期間，
好感恩正正因為多咗有唔同渠道嘅收入來源，
雖然未必係好多錢，但起碼不至於手停口停，
而我亦好肯定呢幾個途徑嘅被動收入，
將會隨住時間而一步一步增加。
係咪好想知呢段說話係咩呢？
希望大家都可以抄低佢，每日都同自己講：
💰💰💰💰💰💰💰💰💰💰💰💰
「「有好多好多錢，透過多個途徑，
以遞增嘅方式，源源不斷咁湧向我，
我覺得好開心，好感恩！」」
💸💸💸💸💸💸💸💸💸💸💸💸
信不信由你，反正，我信了，
亦一步一步，努力實踐中。
記住，千祈唔好只靠單一收入去維持生活，
呢個世界冇一份工作係絕對穩陣同安全，
一定要運用你嘅知識、技能、人脈資源，
去啟動呢個「多途徑收入來源」嘅機器！
努力，加油。
