【深夜醫院】
＝＝下半部分有繁中華語版＝＝
＝＝下半部分有繁中華語版＝＝
＝＝下半部分有繁中華語版＝＝
好多讀者都好奇，點解阿公會有咁多鬼故，係咪好似柯南或金田一，去到邊都有兇案發生？！
我只能夠講，因為阿公份人實在太過多管閒事。遇到有人需要協助就會衝埋去，若果有靈體求助就更加唔使講，秒速狗衝！
呢個故事發生喺醫院，嗰次我帶阿公做定期身體檢查，途中我問咗佢一個問題：
「阿公，你做道士咁多年，應該看化人生，你驚唔驚死？」
「驚，其實每次去醫院，我都好驚。」阿公舒一口氣，表情似笑非笑。
「點解？」
「因為我有你哋，我有親人、有朋友。當身邊有自己所愛嘅人，就算生存一千年一萬年，都唔會捨得離開。我以前成日都話，做人最重要孽債還清，積存德行，死而無憾，但談何容易？或者呢個就係人成唔到仙嘅原因，但作為一個有感情嘅人，我感到自豪。」
檢查完，醫生話阿公身體無咩大礙，阿公聽到即時放鬆晒，正當我哋打算離開醫院，就遇見之前被靈體騷擾，阿公曾經幫過佢嘅女護士。
佢係一個有陰陽眼嘅護士，長期喺醫院工作嘅關係，見到靈體已經見怪不怪。
「咩事？又有靈體纏住妳？」阿公。
「唔係啊，我哋嚟咗個好古怪嘅病人。」
根據護士所講，上個月醫院嚟咗一個等待肝臟做移植手術嘅十三歲女孩－－小薰。
小薰唔係一個難照顧嘅病人，每日都乖乖做足醫生嘅吩咐，打針、食藥、檢查亦都好配合。雖然仲未有適合嘅肝臟捐贈者，但小薰個性樂天，完全無慌張同沮喪。
有一晚大約凌晨兩點，醫院已經過咗探病時間，當值護士突然聽到小薰喺病房尖叫，見狀馬上衝入病床睇吓發生咩事。
只見小薰用張被遮住自己不斷抽泣，護士走過去問佢發生咩事。小薰話頭先訓訓吓聽到病房走廊有鎖鏈聲所以扎醒咗，聲音由遠至近慢慢接近。
小薰睜開眼想睇吓外面發生咩事，見到一個巨型嘅黑影喺走廊徘徊，最後個黑影仲行咗入佢病房。小薰嚇到立即用張被遮住自己，鎖鏈聲就突然間停咗…
「咁之後呢，發生咩事？」護士問。
小薰指一指對面病床：「隔咗無耐，我揭開張被偷望，就見到黑影企咗喺對面病床，對住個病人講咗一堆聽唔明嘅語言。」
本來護士以為小薰只係有陰陽眼，好多靈體因為剛剛離世，仲未知自己發生咩事，所以會喺醫院周圍徘徊。
點知七日之後，小薰對面病床嗰位病人，因為拼發症離世…
嗰日之後，小薰經常都會喺半夜聽到鎖鏈聲，然後見到一個黑影走入唔同嘅病房。七日之後，嗰間病房就會有病人離世。
小薰呢個奇怪嘅能力迅速喺醫院職員之間傳開，小薰每次見到黑影都會同護士講。
講到呢度，護士突然間哽咽。
「病人唔知自己將會喺七日後離世，親人嚟到探病有說有笑，有時病人仲會安慰家人，話自己好快就會出院。我地每次見到呢啲情景，心情都會特別難受，唔知點樣去面對病人。
我哋都好希望情況可以逆轉，但可惜…小薰嘅能力，百發百中。」
「照你所講，小薰見到嘅應該係鬼差，當一個人陽壽已盡，鬼差會提前到臨人間，核對呢個人嘅資料，睇清楚生死冊有冇呢個人嘅姓名，再記低佢生前嘅孽德，方便閻王作死後審判。」阿公。
「但…我唔能夠阻止鬼差嘅工作，仲有咩可以幫到你？」阿公。
「幾日前，小薰又聽到鎖鏈聲…」護士停頓咗一陣：「黑影停咗喺小薰床邊。」
（待續）
＊喜歡阿公，請花半秒like & share＊
400 share 下集！
《阿公講鬼３》小說已經推出！
仲有阿公Tee、阿公御守
助養連結：
https://bluegodzistore.boutir.com/
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
許多讀者都好奇，為何阿公會有這麼多鬼故事，像柯南或金田一一樣，去哪裡都有兇案發生？！
我只能說，因為阿公這個人，實在太過多管閒事了。遇到有人需要協助，就會馬上伸出援手，若果有靈體求助就更不用說了，秒速「狗衝」！
這個故事發生在醫院，那次我帶阿公做定期身體檢查，途中我問了他一個問題：
「阿公，你做道士這麼多年，應該看透人生，你怕死嗎？」
「怕，每次去醫院，我都很怕。」阿公舒一口氣，表情似笑非笑。
「為什麼？」
「因為我有你們，我有親人、有朋友。當身邊有自己所愛的人，就算生存一千年一萬年，都不會捨得離開。我以前經常說，做人最重要孽債還清，積存德行，死而無憾，但談何容易？或許這個就是人不能成仙的原因，但作為一個有感情的人，我感到自豪。」
檢查完畢，醫生說阿公身體並無大礙，阿公聽到即時鬆一口氣，正當我們打算離開醫院，碰巧遇見之前被靈體騷擾，阿公曾經幫過她的女護士。
她是一個有陰陽眼的護士，長期在醫院工作的關係，看到靈體已經見怪不怪。
「靈體又來纏著妳？」阿公。
「呃，不是，我們醫院來了一個很古怪的病人。」
根據護士所說，上個月醫院來了一個等待肝臟捐贈做移植手術的十三歲女孩－－小薰。
小薰不是一個難照顧的病人，每日都乖乖做足醫生的吩咐，打針、食藥、檢查亦都非常配合。雖然還未找到適合的肝臟捐贈者，但小薰個性樂天，完全沒有慌張沮喪。
有一晚大約凌晨兩點，醫院已經過了探病時間，當值護士突然聽到小薰在病房尖叫，見狀馬上衝進病床看看發生什麼事。
只見小薰用被蓋住自己不斷抽泣，護士走過去慰問。小薰說剛才睡到一半聽到病房走廊有鎖鏈聲所以驚醒過來，聲音由遠至近慢慢接近。
小薰睜開眼想看看察看外面發生什麼事，便看到一個巨型的黑影在走廊徘徊，最後黑影還走進她的病房。小薰嚇到立即用被單蓋住自己，半晌後，鎖鏈聲突然停了下來…
「然後呢？」護士追問小薰。
小薰指一指對面病床：「我揭開被偷看，瞟到黑影站在對面病床，對著病人說了一堆我聽不明白的語言。」
本來，護士以為小薰只是一般有陰陽眼的女生，很多靈體因為剛剛離世，還未瞭解自己發生什麼事，所以在醫院周圍徘徊。
怎料七天之後，小薰對面病床的病人，因為拼發症離世了…
那天之後，小薰經常都在半夜聽到鎖鏈聲，也看到黑影走進不同的病房。七日之後，那間病房就會有病人離世。
小薰這個奇怪的能力迅速在醫院職員間傳開，小薰每次看到黑影出現，都會跟照顧她的護士說。
說到這裏，護士突然哽咽。
「病人不知道自己將會在七日後離世，親人來探病時有說有笑，有時病人還會安慰家人，說自己很快就會出院。我們每次看到這種情景，心情總會特別難受，不知該怎樣去面對病人。
我們都很希望情況可以逆轉，但可惜…小薰的能力，百發百中。」
「照你所言，小薰看到的應該是鬼差，當一個人陽壽已盡，鬼差會提前到臨人間，核對這個人的資料，查清楚生死冊有否這個人的姓名，再記下他生前的孽德，方便閻王作死後審判。」阿公。
「但…我不能夠阻止鬼差的工作，還有什麼可以幫到你嗎？」阿公。
「幾日前，小薰又聽到鎖鏈聲…」護士頓了一頓：「黑影停在小薰床邊。」
（待續）
＊喜歡阿公，請花半秒like & share＊
400 share 下集！
《阿公講鬼３》小說已經推出！
仲有阿公Tee、阿公御守
助養連結：
https://bluegodzistore.boutir.com/
死後審判 在 博客來-死後「審判‧輪迴‧瀕死」之謎：解開死後世界的所有祕密！ 的相關結果
你可以決定自己來世要去哪裡？ ．重新投胎時，要怎麼保留「前世記憶」？ ．夏目漱石、北野武……這些名人全都窺見「死後的 ... ... <看更多>