呢張相，隱約咁滲透出一份淡淡嘅麻甩佬哀愁😭
啱啱生完日，又老一年鳥。我發覺，到你個人有番咁上下大，好多嘢都要改口。
例如，尋晚食完生日飯同阿太返屋企，無端端講起讀書嗰陣啲嘢，我好習慣咁講咗句：「我十幾年前讀中學嗰陣呢......」
太：「你醒下啦，你讀中學已經係廿幾年前嘅事喇。」
頂，係喎。
好多嘢，唔覺唔覺，原來已經唔同咗。以前中學讀七年，而家就六年；我呢啲老鬼開口埋口A-Level，人哋DSE都考咗成八屆喇；好多人都仲叫嗰隻足球game做”winning”，但其實一早改咗名做PES。
不過講到呢隻game，無論我話「我十幾年前打winning嗰陣......」定「我廿幾年前打winning嗰陣......」，都絕對冇有錯，因為今年已經係呢隻經典足球遊戲面世25年喇！由中學雞打到出嚟做嘢、由winning打到PES、由game迷到幫呢隻game做廣東話配音，我同好多人一樣對佢有好深嘅感情；最新一代嘅PES2021今日出咗，就等我今晚九點喺呢度做個直播，等大家感受下新球季嘅魅力啦。除咗可以聽我真人發聲講「世界各地嘅球迷大家好呀」、「身型佔優」同「呢下一腳就劏穿晒」之外，仲可以一睹佢全新內容(獨家授權歐洲國家盃，仲有包括曼聯、阿仙奴、祖記、巴塞同拜仁嘅全新club edition）；想問下，美斯數值94，C朗93，大家點睇？
點睇都好，總之今晚九點準時嚟我fb page睇live啦；好彩美斯留喺巴塞，等我今晚mood到嘅時候，仲可以叫番十幾廿次「美斯！美斯！美斯！」畀大家聽下🤷🏻♂️
PES Asia
詳情：https://konami.jp/3huOeJJ
