橫濱fc香港的八卦，Yahoo名人娛樂都在討論

大埔聯賽最後一戰作客橫濱FC香港將於5月4日星期六下午3:30開波 , 入場支持大埔擊敗橫濱FC香港 。

男人唔可以窮作者新作, 好既故事, 係要SHARE , 識貨既就睇啦!! (又唔洗錢既, 唔係唔係睇呀嗎!!)

【誰能逼我將就】Ch.1

近年，香港有一撥人早早被標籤為偏激、難以馴服和不理性。大意是指這班人自我中心，想法過度理想。

有人叫他們做第四代香港人，又或者是Y世代。但更多人，統一稱呼這班人做 ─「八十後」。

這一代人渴望自主，也追求自主。但偏偏當他們最耀眼光亮的年月，卻遇上了香港三十年以來最動盪的一頁。

一班對自己生活和未來不肯將就的人，迎上一個需要安靜的年代。

我叫戴哲純，八十後，今年二十八歲。我一直也對自己的未來不肯將就，所以挑上一個被很多人反對的職業。

我是一個香港職業足球員，一個踢了接近十年也沒太多人認識的足球員。

很多球迷走在街上就算看見我，也說不出我的名字；甚至很多人連我的比賽也沒有看過，包括我的父親……

我的世界很小，踢球看球就是我的世界，我效力的球隊叫「廣島」，就像之前的橫濱FC一樣，只是一間日本球會來香港作發展的衛星球會。

麥花臣足球場

「純，咁晏嘅？埋嚟睇啦，鐵聯對翠騰呀，搵咗招仔同阿山落場。」說話的這個人叫周望傑，是我廣島隊的隊友。平常最喜歡來麥花臣看這類小類型比賽，因為裡面有很多八九十年代叱吒一時的球星。

譚兆偉、山度士、招重文、李偉文等等昔日的香港代表隊在退休之後，都會來這種比賽繼續馳騁。別小看這類小型比賽的吸引力和水準，每當有大戰上演時，整個球場也會被一班老球迷塞個水洩不通。

有一些依然有心有力的老闆，年青時是足球迷，所以致富後也會出錢出力的參與這一類比賽當中，當然大部份是出錢。

周望傑有時候也會參加這種比賽，一場比賽賺一千幾百，一個月下來其實也是種不錯的收入。不過周望傑家裡有點錢，這些小錢對他來說不算是什麼，他來這些比賽，只是因為他很愛踢球。
「今日都幾多人喎。」我看著場內的老球迷說。

「假期嘛，出面中旅社坐車班自由行都入哂嚟，點會唔多人。係喎阿純，你一陣踢邊隊？」周望傑一邊看著球場內的球星踢球，一邊跟我說。

「孝子聯嘛，千五蚊踢一場呀，個老闆唔知咩人嚟。」

「好叫唔叫，叫孝子聯？」

「理得佢，有錢咪得，我去換衫先，再講。」我拋下周望傑，走到更衣室內準備自己的衣物。沿途我看見不少熟悉的面孔，不過我一向習慣以低頭作回應。

「呢個咪戴哲純？幾好波架佢。」有幾個路過的小球迷「竟然」認得我，不過我也是笑笑點頭便離開了。

在這個球圈內，我的際遇從來沒有帶給我自信。接近每年轉一次球會的足球路上，我的一萬七千伍佰塊薪水跟別的有名氣球員相比起來，也只是一場笑話。這麼多年來，我一直倔強的繼續自己的選擇，不理阿爸的反對；

直到他老去，直到我們開始慢慢沒有說話，直到拍拖多年的女朋友也開始對我有微言。

今晚的比賽最後落敗了，不過不打緊，拿著比賽的酬勞我已經夠開心了。

我家住在屯門龍門居，是我爸媽用了一輩子積蓄買下來的安樂居。我爸叫戴韋信，從事電影的燈光師。以前聽他說，他曾經跟很多國際巨星合作過，什麼發哥星爺華仔，統統都要靠阿爸的一盞明燈才可發光發亮。

十多年前我剛畢業的時候，他老是叫我跟他做電影，說只要他說一句，我要學什麼都可以。

不過那個時間電影業不太景氣，我也不認為自己有這種天份，最後我選擇了踢球。

「我返嚟喇。」回家大叫一聲，是我從小到大的習慣，雖然不是每一次也會有人回應。

「純，咁夜嘅？」在廚房走出來跟我說話的是我媽，連月蓉，她是一個中醫師。

「係呀，去咗比賽。」我拿著比賽得來的錢在媽面前揚揚，然後放到她的口袋裡。

「你今個月夠唔夠錢使呀？」

「夠喇，阿爸呢？」

「喺房同權叔講緊電話，好似好大件事。」

「咁我沖涼先。」

權叔是阿爸的多年拍檔，每次有劇組找他們其中一個工作，也必定要搭上另外一個。我攝手攝腳的經過阿爸的房門，爸的房門卻突然打開。

我跟阿爸近距離來了一個四目交投，不知怎樣的，我覺得他今天的眼神不算太兇猛。

「純，坐出廳，我有事要同你地講。」

我跟阿媽坐到大廳，等著阿爸口中的重要事。

「阿權要移民，下個月就走。我同佢夾咗咁多年，佢唔做我都唔知點搵個拍檔去做。」阿爸愁眉不展的說，我看得出他的擔心。

「阿權又會走得咁急嘅？」阿媽很熟悉爸的性格，走到阿爸的身旁拍拍他。

「佢個仔係工程師，畀間外國公司請咗去外國做嘢，咪可以搞埋阿權過去囉。」阿爸說這話後，阿媽很自然的看著我。我們都知道阿爸這話沒有意思，但它的確帶有殺傷力。

我略略的垂下頭，沒有搭上話。

「咁你有咩諗法？」

「呢排隻腳又痛，我諗住聽日睇埋醫生先算。」

「都好，我煲咗服藥俾你調理下，阿純你都要飲。」

「哦。」

第二天，我如常的到球會操練，休息的時候，我收到媽的電話。

「純，你阿爸睇完隻腳，醫生話佢啲軟骨已經蝕哂，都幾長手尾。」

「咁阿爸點呀？」

「佢話阿權又走，隻腳又咁，就算出返去做燈光都可能俾人壓價，佢話唔想咁樣將就自己，佢想退休呀。」

【待續】

高登link : http://forum8.hkgolden.com/view.aspx?type=SY&message=6076382

［皇馬一年收入，仲少過維他奶］同市共榮呀喂！多得小友報料。完全諗唔到，真係冇發達

1. 曼聯大升，點解？因為曼城咯。有冇留意同市共榮四隻字我特別用天藍色？

2. 曼城冇上市，但新聞係私募基金（呢間出名）Silver Lake最新入股(*)咗10%，作價4億8（美金，下同）。咁即係，成間曼城估值係48億美金。

3. 外行人會覺得，嘩，咁值錢。但諗真啲，其實球會係好唔值錢，應該係，嘩，「咁平」。類似嘅我都寫過，不妨又回多次帶。

4. 首先，話我仇富（？）都好。曼城始終冇上市，條數就係咁話話估值48億，亦係因為有人真金白銀拎4億8買10%—但如果真係上市，仲係咪咁嘅價？你可以參考下UBER或WEWORK啲「估值」，去到上市就見光死。

5. 現實啲，曼聯，市值，升完之後，30億美金。唔好問我點解曼城值錢過曼聯（你肯定曼城上市仲有嗰48億「估值」？），但曼聯上市trade咗咁耐，個市值比較可靠。

6. 留意，都不過係30億美金。咩概念？240億港紙。維他奶近期跌到PK，都仲有300億港紙市值。而出咗香港，畀你計埋大陸，仲有幾多人識咩係維他奶？

7. 唔係講戰績，但計收入呀，粉絲數目呀，影響力呀，品牌價值呀。曼聯都肯定係全世界頭五間球會之一。喂，先係大半間維他奶？something is wrong

8. 你係都要話曼聯雄風不再（利申：前曼迷，但講緊廿幾年前），負債又高乜鬼。不妨睇下，祖雲達斯，一樣全球top 10 （if not top 5）球會，一樣上市，市值係曼聯三份一左右。

9. 結論好簡單：球會嘅市值，完全同佢地嘅影響力，不成比例。

10. 再睇多啲，睇埋收入。維他奶，一年10億美金左右．「其實仲多過皇馬」，多過任何一間球會，every single club。球會收入高，頂級球會講緊可以去到近10億美金-但冇你想像中咁多，都話少過維他奶。

11. 或者話，你想像唔到維他奶之類嘅悶棍公司做幾多生意。球會收入，間間都係嗰三味：match day, broadcasting, commercial．大約畀你數字你想像下：英超轉播費一年幾十億美金，但咁多隊分，阿公又食咗舊，一隊落袋咪億幾兩億幾美金。贊助？講緊一隊過億美金一年就好勁了。match day？基本上所有大會，呢舊都係三味中最細嘅。靠你嗰一千幾百蚊飛就死得。更加唔好信嗰啲咩簽尼馬只係賣波衫已經回本嘅弱智故事—大佬呀，你賣衫賣到幾億，你估球會落晒袋咩，好多去咗Nike/Adidas度咯好冇？

12. 你會話，計收入有鬼用咩，要計利錢。冇錯啦，就係bottom line

13. 點解咁有影響力嘅球會，市值連間（已經跌咗好多嘅）維他奶都不如？因為，球會係賺唔到錢的。

14. 至於點解球會賺唔到錢，好多書有講，不再一一重覆。但好簡單嚟講，球會如果上市，就好似特首（！），係有兩個老細，而佢地嘅目標係唔一致，甚至矛盾嘅。

15. 球迷就梗係想捧盃，你問球迷甚至唔介意球會蝕到仆街（馬拉加？辛尼特？安捷？），「總之畀我捧次盃」。但股東就睇另一樣嘢，梗係睇錢，唔賺錢都唔係蝕到仆街，否則邊個埋單？

16. 所以啲成功球會（唔計中東佬嗰啲古怪嘢，或傳說中的西班牙政府送個球場畀皇馬巴塞之類），就係在兩樣嘢之間平衡。追求勝利，但唔好蝕得太多。咁亦即係，你冇乜可能賺到大錢，因為有錢賺，球迷就會想你去買勁啲嘅人(**)

17. 結論係乜？其實球會，我覺得都係唔好上市好。當然其實而家上市似係潮流，曼聯祖雲達斯嘅玩法，當係消費品牌咁，甚至開下餐廳開下學校，就另文先再討論了。

*嚴格嚟講入股嘅唔係曼城，係母企City Football Group，仲有一大抽紐約FC 墨爾本FC 橫濱水手之類的物體。雖然多數都係十分老味唔方賺錢。分分鐘你話「曼城」值錢過CFC都有機。

**又嚴格嚟講，球會買入賣人唔係計入上面講嗰啲咩三味收入，係好似買機器買地咁，分開N年攤銷。但反正都係錢能通神，無數研究指出過，小弟都寫過好多篇，球會人工支出，係同成績，有相當強嘅正相關。反而同轉會費相關性冇咁大。你睇美斯就知，巴塞近乎零轉會費搵返嚟，但唔高薪畀佢，佢一早走咗啦。所以話球會有錢買入，其實應該係指可以畀高啲人工。畢竟就算你買到人，都要球員肯受你份糧。

-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\

【2020美股攻略投資講座】召集中！🇺🇸

美股作為全球最大的金融市場，吸引了不少全球巨企赴美上市，更是科技股集中地，想投資FAANG等熱門股？想了解學習投資美國股票？「2020美股攻略投資講座」為你提供投資美股投資知識及分析心得。走出香港，放眼環球，從今天開始。

講座嘉賓包括：友信證券研究部副總監 - 林嘉俊、知名證券研究策略師李聲揚、《信報》美股專欄上善若水作者姚穎謙、以及主持林海茵。

講座內容：
✅美股市場基本知識
✅市場現況及板塊推介
✅2020年美股前瞻

日期：2019年12月7日 (星期六)
時間：14:30 - 16:30
地點：觀塘觀塘道414號1亞太中心22樓 (觀塘地鐵站A2出口)

費用全免，請填妥以下表格報名，座位有限，先到先得。

▶️ https://bit.ly/37o39le

#uSMART #友信證券