《豐盛係好公司》
開宗明義，今日我寫呢篇文，係為左幫豐盛生活服務（331）釋除坊間既疑慮既。股份今日急跌兩成，引發起市場既好多流言蜚語。有人甚至問我，股份係唔係同微信女有關。我一直非常尊重呢間公司既管理層，亦睇好公司既多元化發展。因此，我認為我應該主動企出黎撐佢地。近幾年，我一直見證住公司既轉型。佢地由本身既機電工程公司，逐步透過併購，而成為今日既綜合生活服務供應商。响短短一兩年既時間入面，清潔、保安、物業同設施管理等收益，已經進佔左總體盈利既七成半，同時亦為集團貢獻左穩定既現金流，進一步鞏固高派息既能力。
去年2月26號，我以「絕種收息股」為題，首次將呢隻股推介俾粉絲，當日既股價係3.82（https://bit.ly/3pyYDtE）。今年3月6號，我又以「財息兼收」為題，响Aastocks既訪問中點評過佢，當日既股價係4.80（https://bit.ly/3x6H7zo）。今日，係我第三次同大家講呢間公司。由始至終，我都不斷強調，呢隻股係用黎長揸收息，而最適合既操作方法係分階段買入，逢調整開心地溝。因此，當股價响近來連日急升至RSI高過80既超買水平時，我便提醒大家：因股價上升而導致息率下降，未入而打算長揸既粉絲亦無需要急於一時，呢隻股唔係用黎短炒。
今日下晝，股份急跌，無論係有貨抑或無貨既人問我，我都叫佢地睇定啲先。原因係：我最怕股份無緣無故咁急跌。有原因既跌，我可以衡量有無跌過龍，定抑或未跌夠，值唔值得撈；無原因既跌，我會擔心公司出事，一日未搞清楚跌乜，我斷唔會貿貿然出手，因為股份隨時會停牌。當然，對待有質地同無質地既股份急跌時，心態亦都會好唔同。市後，我向管理層了解過，佢地話一切如常，可能係有證券行既孖展被斬倉，或者係有規模既投機客沽貨獲利。由於我地暫時無法辨識箇中既原因，因此，大家响黎緊既幾日必須保持觀望，唔可以急撈或者急溝。
以下係我俾大家既建議：如果股份响黎緊幾日持續放量下跌既話，大家一定要小心，尤其係如果今日既收市價6.93話穿就穿既話，則宜先行減持，或起碼押後溝貨，以控制風險。如果股份守住6.93而展開反彈既話，則可以審慎持有，上望今日兩點半鐘既反彈頂7.67。從技術因素去考慮既話，股份必須反彈升穿並且收穩7.67先至脫險，才可重新考慮買入或者溝貨。而從基本因素去考慮既話，我再一次重申：我個人認為呢班管理層絕對信得過，只要確認業務無不利因素既話，股份依然值得推介。
💪🏽
#豐盛生活服務 #331
機電工程公司 在 兆申機電工程有限公司 - 104人力銀行 的相關結果
兆申機電工程有限公司. 台中市西區，水電,空調,消防業 · 禾裕機電工程有限公司. 桃園市桃園區，機電工程業 · 祥瑞機電工程有限公司. 桃園市楊梅區，地下電欖機電工程 · 鴻萊 ... ... <看更多>