以下係一個冇頭冇尾柒到無倫嘅故事：
阿叔我，真係做咗陳綺貞Fan屎好多年喇。
1998年買佢第一隻碟，2002年睇《十八相送》坐第一行第一次近距離見到佢，2003年過大海去澳門睇《地下鐵》之後，幾乎佢每次嚟香港開音樂會我都會去。
至於面對clockenflap，因為𥚃面好似好熱鬧好歡樂咁款，我呢個咁拘謹嘅偽文宅叔係會比較驚青，咁多年都冇去。
但今年有陳綺貞......
我掙扎咗好多日......
喺掙扎期間，竟然畀我發現原來可以搭上搭上搭死黐爛黐入後台meet and
greet，雖然咁樣樣會嚇死我呢個毒L，社交障礙呀我......但喂，可以同陳綺貞合照留念，十幾年嚟唯一一次機會，冇下次㗎喇，即係迫我去啫，死就死啦心諗。我諗住如果到時社交恐懼症發作，咪最多瞇埋眼唔greet直接R合照然後落荒而逃囉咩事呀。
我原本真係諗住出城去睇佢㗎喇我，我真係諗住重投社會㗎喇我，
點知............
天意弄人，晴天霹靂，我突然醒返起......
我......星期六......唔喺香港......
去！唔！到！cloc！ken！flap！
（直接崩潰）
人總需要勇敢生存，喺我崩潰咗幾日之後，喺噚日，我突然諗起，喺我公司當眼處，安放咗一塊相信係同事print出嚟當鏢靶發洩用、我嘅黑面頭像board…
於是......
咪就係咁囉…搵人拎住塊板去代我影囉…
唔該晒Kelyn n fds。
間唔時會有人嚟書展搵我話佢朋友係我忠實讀者但佢嚟唔到，叫我拎住佢哋幅相合照…嗰時我唔明點解要咁做，好柒㗎嘛……但我而家明，因為我係陳綺貞十幾年忠實歌迷，機會難逢，柒都冇計。
有時柒下，可能先係忠實嘅體現。
唉你哋唔明㗎喇，你哋都冇偶像，你哋都唔做柒嘢，
唔同你哋講，我出返去繼續睇住張相先。
（不過話時話，即使我用我塊板，都始終逃唔過影親相都似key落去呢個命運...）
機會難逢 在 機會難逢 的八卦
You're offline. Check your connection. Retry. Info. Shopping. Tap to unmute. If playback doesn't begin shortly, try restarting your device. ... <看更多>