老婆, 今日唔舒服, 去唔到祈禱會, 有D內疚.
我同佢講, 今晚我同佢臨瞓前祈個超長既禱, 補番數!
老婆開心番, 然後又問我點解咁好心, 居心叵測云云.
其實, 做女人, 的確好辛苦.
每個月, 總有幾天姨媽光臨, 辛苦到死.
我便聽過有位女性朋友, 係果幾日痛到要請假, 只能夠係張床典黎典去.
又痛, 又失血, 坐低起番身眼冒金星, 天旋地轉.
更甚者隨時係公眾地方, 河堤崩潰, 一發不可收拾.
小則裙褲沾紅, 大則血流成河.
尷尬到無朋友.
男人, 未試過吧.
男人試想想, 我們個鼻每月總有一星期崩堤, 鼻血隨時激射而出, 只有防護分兒, 無能預知, 何其難受!
傳宗接代, 還不是為了男人?
做女人, 還有更辛苦.
當女人陀B時, 又嘔又吐.
腰背壓力驟增, 心力交瘁.
個B仲間唔屎係肚內耍功夫, 一腳踢醒熟睡的媽媽!
之後, 便是男人永遠不會經歷的: 分娩之痛!
有人說, 分娩的痛楚達十級!
生仔呀, 有些更要生足幾個鐘至半日先生到!
男人, 一般情況, 是不可能經歷十級痛楚的境界的.
根據研究指出: 日常生活中, 男人最有可能接近十級痛楚的, 是其要害被重創!
當日我踢波, 便試過俾人'散'中要害!
坐係地上, 講唔到野, 冷汗直流!
可想而知有幾痛!
做男人, 都應該曾應該經歷過, 體會過呢種感受!
因此, 要明白女人生仔有幾痛, 好容易:
我對住你要害, 踢足幾個鐘, 你便知道了!
做女人, 還有最辛苦.
便是生育後身材永遠走樣, 晚年骨質疏鬆.
楊紫瓊耍耍下功夫, 都裂開左半邊!
因此, 每次看到媽媽, 我心中都充滿感激.
媽媽腰子板不直了, 牙齒也所餘無幾.
她生了我地4人, 湊大, 教育我地, 我而家很孝順她.
但, 有D野, 無論我地點樣回報, 都補償不了她為我們的付出:
原來, 懷孕期間, BB都不斷攝取母親的營養, 當中包括構成骨骼所需的鈣質.
若母親這段期間本身營養攝取不足, BB便會'搶'母親的鈣質補充.
那時候, 家貧, 爸爸賺得不多, 媽媽瘦弱, 吃得也不多.
陀我們4個, 我們掠奪了媽媽多少?
媽媽今日寒背, 無晒牙,
原因便是當年我們搶走了她的骨質, 她的鈣!
媽媽現在走路不快, 身材佝僂, 吃野也無力.
她不明所以, 常說:
'人老左, 條腰唔知點解伸唔直? 又要用假牙, 好無用!'
我心痛.
記得有一次, 媽的假牙壞了.
沒有牙, 她不肯出街, 說:
'很肉酸.'
媽, 我想對你說, 你才是最美麗的!
因此在街上, 我們會看到, 無牙婆婆多過無牙公公很多.
她們不是後生時污糟貓無刷牙, 而是個個都為子女, 犧牲了太多.
甩晒D牙, 做媽媽不明白箇中原因, 為人子女可以不感恩嗎?
聖經說, 女人, 來自男人的肋骨.
現實上是, 所有男人, 卻都來自女人.
而且, 男人身邊的女人, 都是為男人犧牲了許多.
我們的母親, 我們的妻子.
究其實, 會否是,
女人身上的骨子, 早已還清了這筆債?
楊紫 在 楊紫- 維基百科，自由的百科全書 的相關結果
楊紫 （1992年11月6日—），北京市房山區人，畢業於北京電影學院2010級表演系本科班 ... 小猴紫、楊文靜、阿紫、紫妹、奧奧. 國籍, 中華人民共和國. 民族, 漢族. 出生, (1992- ... ... <看更多>