你哋平時工作上會唔會接觸到一啲品牌，了解過後就會討厭，甚至罷買？
話說阿媽叫我幫佢買支香水，食完lunch就順道去啦，咁其實坊間最多分店嘅A公司就買到㗎喇，梗有一間喺左近，偏偏近在眼前我唔買，要走去兩條街後面嘅B公司買，你知今日幾熱啦！陪我個同事就問喇：「頭先A公司咪有囉，應該仲平少少，做咩走咁遠？」
我：「A公司搵過我請人，仆佢個街500蚊都壓價，仲要唔止一次，然後叫人早半個月去返工，但又唔幫人賠錢，所以公事上唔再幫佢哋請人，私人亦唔會去佢間舖買嘢。」
同事：「你又幾愛恨分明喎。」
跟住我哋又去咗超市，期間我話要買方包做早餐，偏偏其他牌子賣晒，得返一隻香港最經典品牌，成貨架都係，好似有得揀，其實冇得揀，然後我話寧願冇得食都唔買，同事又問點解？
我：「嗰次辦公室日報接廣告，個柒頭前後改咗幾個版本都唔滿意，但每次都係前言不對後語，而且佢哋度咗句slogan九唔搭八，明明唔健康都要吹到係健康，不負責任亂咁嚟，好在最後推到個job，之後見另一位運動員幫佢出咗隻廣告，啲留言畀人小到上天花板，話佢唔睇食物標籤，我真係執返身彩，但對呢個brand好反感。」
同事：「但係成個超市得佢一隻方包喎！」
我：「咁我寧願去啲細麵包舖買，冇就寧願唔食。」
同事：「其實你唔幫襯好小事，佢咁大間公司唔會執，唔會有影響。」
我：「我知，但有啲嘢係要對自己有交代，唔一定要有結果先去做。」
佢繼續壟斷係佢嘅事，我繼續唔buy係我嘅事。
梗有一間喺左近 在 梗有一間喺左近香港第一間7-11在哪裏？ | 飛凡香港| 樂活灣區 的相關結果
7-Eleven（7-11）是跨國連鎖便利店集團。1981年4月，香港第一間7-11在跑馬地開業，成為首間通宵營業的便利店，從此市民深夜肚餓就可以落街買宵夜了， ... ... <看更多>