多謝婉儀繼續投稿，其他人嘅投稿亦已經處理中，排緊出街，會個別聯絡返大家🤗🤗
＝＝＝＝＝＝＝＝＝＝＝＝
喺Love Hotel返工，點會未接觸過性工作者，不過真係冇機會可以同佢哋傾計，除咗菲菲。
認識菲菲已經有一段日子，最初見佢係同一個肥佬過嚟開房，印象好深刻，因為呢個女仔生得幾靚，有啲似後生嘅李麗珍。
真正同佢熟，係某一次佢自己嚟開定房等肥佬，因為過夜啲房有時好緊張，特別係九龍塘呢頭，通常一間Love Hotel無房，附近幾間都好大機會full晒，而我呢間係唔會特登幫客人留房，亦冇得畀人上網book，雖然遇過強國遊客拖埋行李入住，不過老闆唔願意加盟一啲訂酒店網，亦唔畀客人連續租多過一晚當酒店或者bnb咁住，原因好簡單，日頭租畀人兩三個鐘已經四百幾五百蚊，好彩嘅話可以做四轉左右，呢度都1600蚊啦，但係到咗深夜12點，過夜價亦係幾百蚊，咁就梗係散租賺盡佢，好多三四星級正式酒店都係千鬆啲一晚，所以你諗真啲，Love Hotel食水深好多。
肥佬好明顯知道過夜房源緊張，所以叫菲菲早啲嚟等房，完全唔理個女伴尷尬，佢兩個外形又相差咁遠，一眼就睇得出佢哋之間嘅關係只得交易，毫無感情可言。
第一次同菲菲講嘢，其實唔知佢係邊度人，我講咗句：「過夜要12點先入得，你坐嗰邊等等。」
佢碌大隻眼望住我，原來唔識聽廣東話，於是我用普通話再講一次：「12點才有，你等一下。」
當時只係11:15分，真係有排坐，出於好奇，我就同佢傾咗幾句：「你哪裡人？」
「我是安徽的，我叫菲菲。」
我：「你下次不要太早過來，怕你坐這裡會尷尬。」
菲菲：「可是我不知道要去哪裡，我不懂你們的話，在街上都不知道別人跟我說甚麼。」
我：「那你平常在香港怎麼過？」
菲菲：「我在沐足店上班，一般都躲在店裡，不出去。」
之後佢連續再嚟3晚，又係咁上下時間自己嚟攞房先，我哋就開始愈傾愈多，愈傾愈熟。菲菲係拎雙程證嚟香港，佢話每次逗留7日，落到嚟就得一個地方去，就係沐足店，亦即係邪足，我問佢究竟有幾錢賺？
菲菲：「很難說，全套就是600。」
我：「全套是要跟客人做？600很少吧。」
菲菲：「對，全套是要跟客人幹那個，不過我只收到300，另外300要給沐足店，上來的客人也不是全部都找我，店裡有5，6個女孩。」
我：「還要給店300？這樣你每次來7天收入不是很多。」
菲菲：「多呀！這樣7天大概賺10,000。」
我：「10,000有其他方法賺呀！」
菲菲：「我做這個之前，在深圳東門那邊做店面的銷售，XX你有聽過吧？體育服裝那間，有上市的，一個月工資就是5,000，但是我做這個，7天便有10,000，有時候一個月可以來香港兩次，我做兩星期，等於做銷售那工作四個月的工資了。呀，姐姐，你們這邊工資很高吧，是不是有那個甚麼最低工資？」
我：「有，我忘了，最低工資應該10,000左右吧。」
菲菲：「對呀，這工資很高，你看，我在東門工作一個月才5,000。」
因為一日三餐都留喺沐足店食，平時又喺沐足店瞓，所以菲菲唔知道喺香港逗得一萬幾千，其實難捱過你拎住五千蚊喺深圳生活。
我：「那你在沐足店工作，為甚麼來這裡？」
菲菲：「這客人是在沐足店認識的，他覺得那地方太骯髒，時間也太短，所以另外付錢叫我出來，他之前去我店很多次了，我才答應。」
我：「這裡也一樣骯髒呀，那這樣可以多賺很多？」
菲菲：「他給我5,000元，這四天晚上都要跟他睡，不過這客人挺好的，主要是斯文，雖然他已經結婚了，沒關係呀，我在安徽也有男朋友。」
我：「你男朋友知道你幹這個嗎？」
菲菲：「他不知道，但我幹這個就是要幫他付賭債。」
5,000蚊已經可以包起一個後生版李麗珍4晚，從男人角度睇真係好抵，但從我嘅角度睇就好悲哀。
成日話中國點樣富強，點樣影響世界，其實成個社會都係貧富懸殊，有錢嗰班好有米，冇錢嗰班繼續窮。喺菲菲嘅世界入面，原來萬寧已經係香港景點：「你們這邊有一個叫萬寧的店很出名吧？我好想去一下。」其實香港仲有好多地方值得去，但我知道菲菲應該唔敢去，個肥佬亦唔會同佢去。
後來我教菲菲download蘋果日報，睇多啲香港新聞，佢就教我download微信，之後佢就算夠期要返上去，得閒都會msg我傾幾句。某一日佢話我知肥佬全面包養佢，喺深圳租咗間屋畀佢住，下次再講，今個禮拜好多人開房，冇時間打咁長，下集再講菲菲被包養後有咩改變。
＝＝＝＝＝＝＝＝＝＝＝＝＝＝＝＝＝
婉儀對上四篇投稿
《第一回》女仔唔好亂飲醉
http://bit.ly/2UqeXjc
《第二回》花美男
http://bit.ly/2FWeayx
《第三回》幸福要靠自己爭取
http://bit.ly/2FUG1ix
《第四回》睇人唔好睇表面
http://bit.ly/2UCETcc
＝＝＝＝＝＝＝＝＝＝＝＝＝＝＝＝＝
投稿細節
投稿可使用以下網址
http://bit.ly/2OKZ0Nx
首先，好重要嘅一點，呢度係匿名投稿 (畀個稱呼我就得喇~)，唔使驚有人秋後算帳，你可以決定淨係同我傾訴，亦可以選擇同大家分享，總之一經轉載至facebook或IG都會有稿費。（有時太多稿或者只會post喺IG，見諒🙏🏻）
假設你選擇可以喺辦公室日報轉載，就代表同意並授權辦公室日報使用以下資料作任何形式轉載、公開發佈、出版或者發行。請盡量留電話或email聯絡，否則畀唔到稿費你，感謝你哋呢班打工仔支持！🙏🏻🙏🏻🙏🏻
IG請search 「辦公室日報」或「officedailyhk」
李麗珍ig 在 【撩星聞】李麗珍咋舌香港高房價入魂街友有叉燒飯就開心 的八卦
許久不見的「蜜桃女神」李麗珍相隔多年再次入圍金馬，讓她直呼「好開心」 ... 追蹤中天娛樂IG：https://cti.news/nsw 影音提供：滿滿額娛樂☄跨時代的 ... ... <看更多>