【英國ITV新聞報導香港罷工：充滿愛！】
英國三個免費電視新聞，唯有ITV用示威者用市民嘅質素去報導
尋日香港幾十年黎最大嘅罷工，英國嘅免費電視新聞就算有其他國際新聞都有報導。香港嘅事態發展，睇黎已經變咗係每個星期日或者一嘅例牌「特輯」一樣。而今日英國三個免費電視嘅晚間新聞之中，BBC同Channel 4嘅睇法同立論都差唔多，主要都係林奠一點都無讓步，而中國就仍然強硬。不過值得留意嘅係，兩個台都係將北角乜Q同鄉會落荒而逃放响最頭，可以話係威出國際（一如以往，晏啲分兩個posts出）。唯一唔同嘅係ITV，除咗個記者直接問林奠問題之外，就係用示威者同市民嘅質素做主體。
駐當地嘅記者嘅取態，係直接影響佢所屬嘅媒體嘅立場。ITV今次駐香港嗰個記者係John Irvine，佢係真正嘅戰地記者出身，所以大家見佢响政總報導嘅時候係無頭盔，無背心亦無口罩（佢响中東後面開晒槍都係多件背心）。佢一開始就報導示威者都唔等夜晚就將怨恨("Fury")發洩响「門常開」，因為嗰度就係親中央嘅政府總部同立法機關("Pro China Hong Kong Government")。啲警察就用一浪浪嘅催淚彈（"volley after volley of tear gas"），守衛呢個被攻擊同埋個統治者（"ruler"）近期少有咁啱啱出現嘅地方。同時佢覺得本來守法嘅香港（人）變到越黎越裂痕（"Rift"），而市民同警察互相當對方係敵人嘅源頭就係响呢個地方。單嘢係由林奠個送中搞出黎，响政府記者會又一點都無讓步（"no concession"）。所以响記者們都好激動嘅時候，佢本人就問林奠兩次，點解仲唔落台（答案大家知啦）。
而最後佢報導嘅重點就放响罷工同示威者嗰度，响地鐵佢影住個年青人被人鬧，但有禮鞠躬道歉同多謝支持嘅乘客，亦有地鐵職員擁抱明明阻礙自己工作嘅「不合作人士」。佢更話，雖然唔少人話班年青示威者係搞事人渣（"Hoodlums"），但佢認為班年青示威者好多都好有教育水平好高（"well educated"）同極之有教養（"with extremely good manners"），佢地做嘅一切不過係證明自己（爭取）嘅決心。
Video Source：ITV News at 10
Channel 4 報導傳送門： http://bit.ly/31ozJ2D
#記者決定取態
#有質素自然有眼睇
#林奠講乜完全無視
有質素自然有眼睇 在 8月#深電有乜對策？#露營裝備，多款迷你#戶外 ... - YouTube 的八卦
記得睇廣告支持吓 愛護大 自然 ＋尊重所有生命1.自己垃圾自己帶走2.愛護野生動物3.小心處理柴火及灰燼4.請勿在營地製造擾人噪音（尤其晚上） 5. ... <看更多>