《拍拖食飯，係塞對方食嘢嘅遊戲》
最近身型脹咗少少，想修下身，但問題係拍親拖都不外乎行街睇戲，同埋最重要嘅－ 食好嘢。
唔知點解，一同女朋友去街，就自自然然好想食嘢。街邊買串燒賣又好，食餐豐富嘅日本嘢又好，總之兩個人都變到好為食，女朋友話：「因為同我一齊開心囉，開心自然想食嘢。」
「咁點解妳又冇肥到嘅？唔通妳唔開心？」我望住佢條仍然好幼嘅腰。
「有㗎！肥咗好多呀，你睇下呢度？」佢格硬喺條腰到摵咗小小肥膏出嚟。
我再望住自己愈嚟愈厚嘅車呔，件衫由S變到L都仲有少少窄，再望一望女朋友陰陰咀咁笑，我終於知道搞到我變成咁嘅，就係佢！
突然我記起佢一句：「我拍拖最大嘅成就，就係養到你肥肥白白。你愈肥，就代表你愈幸福呀！」
然後，我再回想起每次食飯嘅畫面，女朋友永遠會第一時間將最好食嘅嘢夾晒畀我：「你食啦，你平日辛苦呀，食多啲，食多啲！」
甚至佢有時中途就會話飽，要我幫手食埋。
次次都1.5人份量，唔肥就假⋯⋯
佢：「其實點解你要減肥啫？我覺得你依家好大隻呀！成個美國隊長咁，一啲都唔肥！」
我：「我唔會再信妳⋯瘦啲型啲⋯⋯」
佢：「咁型做乜，想識其他女仔啦？」
我：「總之我唔會再畀自己肥落去⋯⋯」
佢：「太瘦反而唔好睇㗎！你依家係𣁽悟。」
我：「唔好再講⋯⋯到喇！好肚餓呀！」
以上呢番對話，係我哋一邊行入一間餐廳一邊講⋯⋯
我叫咗女朋友鍾意食嘅豬腳薑，再加多個炒麵。點知啲嘢食一嚟到，女朋友又即刻夾晒畀我，我忍唔住問：「唔係妳鍾意食㗎咩？做乜又夾畀我呀⋯⋯」
佢又再陰陰咀咁笑：「但係我更加鍾意，睇住你食我鍾意食嘅嘢喎！」
睇住我將一舊豬腳放入口，佢好有滿足感咁話：「乖啦！食多啲啦！」
「有個好女朋友嘅話，你係唔會減到肥㗎！」
呢句說話，一啲都冇錯⋯⋯
因為女朋友嘅「男朋友肚腩育成大計」，係永遠唔會停止。
【唔好走住介紹返】燭光晚餐試得多，燭光豬腳薑煲你又試過未？如果你咁啱鍾意食豬腳薑嘅話，港式茶餐廳「香港地」新出嘅豬腳薑新拼配可能啱你口味，熱辣辣豬腳薑配即炒粉麵飯，如果本身對豬腳薑冇咩特別喜好嘅試完相信都會好有驚喜。呢個新系列據聞每日都好快賣晒㗎，要試就快喇！
詳情可以入去睇下：香港地
#香港地 #豬腳薑 #肚腩育成
------------------------
喜歡的話like我的page，會有更多故事及散文
FB: 莎比亞
*** 八卦先好ADD嘅私人FB AC: sapeiar ***
Follow IG睇獨家sweet相: sapeiar
著作：《原來比單戀更寂寞》、《鬼叫我唔識拍拖》
網上試閱：http://on.fb.me/1PKxJnS
