【 #他們的愛情故事 - 懶理規矩拖手拖足73年 菲臘親王同英女皇嘅愛情 】
「搵一個會氹你笑嘅難，搵一個70幾年都氹你笑嘅更難」
.
日前英國菲臘親王逝世，終年99歲，大眾都紛紛悼念呢位非常有親和力嘅皇室親王。除咗多年來一直親力親為出席各種公眾活動，佢同英女皇跨越半世紀嘅愛情故事亦為人津津樂道。原因只有一個，就係一向要維持端莊形象嘅女皇每次同老公一齊出席活動，幾乎都會畀記者影到佢失控爆笑嘅場面，甚至笑到見牙唔見眼...... 雖然同優雅嘅形象大相逕庭，但亦證明咗兩夫婦感情非常甜蜜～
.
不過其實兩人嘅愛情並非一帆風順，菲臘親王當年雖為希臘王子，但就因為局勢被逼暫時流亡英國，所以即使同英女皇伊莉莎白相愛，外界都普遍認為二人身分並不相配。最後菲臘親王為咗迎娶愛人，甘願捨棄王子名銜、改隨母姓，仲憑一己之力成為最年輕海軍上尉，最終感動英國皇室，成功迎娶當時仲係公主嘅伊莉莎白。
.
婚後菲臘親王一直甘心做女皇背後嘅男人，陪佢出席大小活動，係各項政策上亦畀足意見，曾被女王譽為「精神支柱」！不過其實要做呢碌柱一啲都唔容易，因為菲臘親王一直以鍾意講笑見稱，經常有出位言論。例如曾經於「微服出巡」期間同小朋友傾計，有個13歲男童就同佢講第日想上太空，點知佢竟然打趣道：「你做太空人的話太肥喇」....... 又曾經喺頭幾年參觀工廠期間頂唔順，太大聲問咗女皇一句「幾時完」而畀女皇怒啤....... 不過亦偏偏係呢種幽默直率嘅發言，令女皇哭笑不得，難得喺大眾面前解除武裝，失控大笑。
.
呢種性格深深吸引英女皇，要知道女皇從小生活喺規矩多多嘅皇室，而偏偏係親王呢種自由不羈嘅性格，將佢拯救於水深火熱中。好似皇室有規矩講明唔畀夫婦喺公眾場合拖手，不過菲臘親王就睬佢都有味，多次拖實女皇隻手仔落樓梯，女皇喺錯愕中忍唔住望住親王，然後忍唔住偷笑咗下，而呢個習慣亦一直維持到佢哋都90幾歲。
.
菲臘親王大半世人都被賦予一個任務，就係陪住女皇。不過佢最後超額完成，除咗拖住佢隻手仔一齊行咗73年，仲氹足佢笑咁多年，甚至96歲仲會扮門口守衛搏老婆唔認得自己...... 其實褪去皇室端莊嘅外表，佢哋仲係一對好可愛嘅老夫妻～
.
希望菲臘親王一路好走❤️
.
#搵到個氹你笑嘅人難 #會氹你笑成世嘅人更難 #更何況要菲臘親王拋低普遍軍人都有嘅大男人性格 #自願做背後默默守候嘅人 #respect #愛 #愛情 #語錄 #拍拖 #香港 #hongkong #英國王室 #菲臘親王 #英女皇 #英國
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
搵到個氹你笑嘅人難 在 王子公主語錄2023-精選在臉書/Facebook/Dcard上的焦點新聞和熱門 ... 的八卦
搵到個氹你笑嘅人難 #會氹你笑成世嘅人更難#更何況要菲臘親王拋低普遍軍人都有嘅大男人性格#自願做背後默默守候嘅人#respect #愛#愛情#語錄#拍拖#香港#hongkong #英國 ... ... <看更多>