《電話》
♂：早晨
♀：早晨
♂：約好左，下星期五夜晚七點【連結】
♀：嘩，呢間我食過，你揀既？
♂：唔係，我哥揀既，btw，提提你，孖生，到時怕嚇親你
♀：咁你阿哥都幾有品味
♂：佢話識個邊老闆，其實我哥係做投資銀行，搵唔少錢，識唔少人
♀：我好奇問下，孖生兄弟唔係應該好近似咩，點解聽落你同佢咁唔同？
♂：有兩種講法，同卵同異卵雙胞胎係會有唔同，其次係陽日陽時出世，先出世既會拎左大部份氣運，而我同佢，就兩樣都中，我都敢講我同佢係相反
♀：咁我應該同佢做唔到朋友
♂：為防有咩意外，我電話 9616 7814，你有乜可以打比我
♀：呢個拎電話既方式都幾新穎
♂：我需要用咁既方式拎你電話咩？
♀：都係既，反正我都會比你
♂：我有個問題好好奇想問你
♀：問啦
♂：你鍾唔鍾意傾電話？
♀：五千蚊既題目，鍾意，唔鍾意，無所謂，睇心情
♂：唔……五千蚊既題目應該唔會太複雜，咁我揀唔鍾意
♀：點解你會揀呢個答案呢？
♂：因為我都唔鍾意，如果我地係咁夾既，應該會有相同答案
♀：恭喜你成功答對五千蚊題目，下次將會係八千蚊既保險線！
♂：點解你唔鍾意呢？
♀：咁不如你講下點解你唔鍾意，睇下會唔會係一樣
♂：因為……我鍾意文字，對話有留底的話，有日睇返會記得返曾經傾過既事，打電話無留底，好易唔記得
♀：重要既事係唔會忘記
♂：人既記憶力係有限，大事係會記得，但對我講，更珍貴既係細節，係平常，所以我地傾既野我都想有日可以睇得返
♀：你知唔知我睇過幾多次我地既對話？
♂：我睇過兩次
♀：我比你多兩次，尋晚我訓前都有睇過，原來我地已經傾左咁多野，真係睇左我好耐
♂：我都有同感，但我見到既係大家一路都改變緊，感覺好奇妙
♀：進度有少少慢，如果係一個愛情故事，我諗會無人睇
♂：呢個係一個反傳統既愛情故事，一個真實既愛情故事，我諗厭倦左傳統愛情故事既人會好有興趣
♀：果然係寫開野既，真係識講野
♂：我有諗過將我同你既故事寫出黎，但以我既性格，我會想完左先寫，至少唔會爛尾先
♀：我想知，我值幾多字
♂：應該問你先係，但我希望係我寫過最長既故事
♀：如果你出書，記得比返版稅我
♂：你肯收，我肯比
♀：咁睇黎我要比多少少題材你先得，等個故事可以再豐富少少，銷售高我先可以分得多
♂：但希望你唔好比狗血劇情我……
♀：你識咩，狗血先多人睇
♂：求下你放過我
♀：係呢，下星期你同屋企人食飯有幾多人？
♂：五位，我媽，我哥，我妹，仲有你同我
♀：你媽都幾好野，生到三個
♂：三胞胎
♀：勁……你係我識第一個係三胞胎既人，仲要兩男一女
♂：係啊，咪一個嬲字囉
♀：你屋企人係點既呢？我都無乜聽你提過
♂：我屋企人要講應該可以寫到一本書，不如我見到你先講，唔係我打字應該會打到我地見面個日
♀：好，希望你演講技巧唔錯
♂：哈哈，我盡力啦
♀：係呢，咁你個半個既野都講定我聽，唔係到時食飯我好似外人咁就唔好
♂：呃……我唔知仲會唔會同佢食飯……佢已經兩日無搵我，可能我上次講野講得太過份
♀：佢有冇話唔食？
♂：無
♀：以女人既直覺，我可以肯定佢會食
♂：其實唔食都係一件好事
♀：咁睇下點
♂：嘩……日頭唔好講人……佢打比我
♀：食飯？
♂：係……佢話食
♀：讚我
♂：見面時錫你一啖
♀：喂，讚我啊……同埋呢個獎品好似益你多過我喎
♂：我接吻技術從來都無收過投訴
♀：你好似得一次半既拍拖經驗喎，會唔會係對方都幾厚道，唔提你既弱點啊
♂：講多無謂，到時你咪知
♀：我講明，到時我唔滿意我會直接講啊！
♂：咁你教我啦
♀：你份人都幾厚面皮！！！！
♂：我係虛心學習
♀：好，麻煩你呢幾日上網睇下教學先！夜喇，晚安
♂：好，我依家就睇，晚安
——
長傾·不見 第一回 @筆友
https://bit.ly/LongchatEP1
長傾·不見 第三十一回 @孤辰
https://bit.ly/LongchatEP31
好久 不見 第一回@久違
https://bit.ly/LongtimeEP1
好久 不見 第八回@雙生
https://bit.ly/LongtimeEP9
接吻技術 在 怎樣提高接吻水平? - 感情板 | Dcard 的八卦
2）咬吻：用牙齒輕咬對方的唇，但不要咬的太用力，以免受傷喔! 3）吸吻：輕輕的吸吮對方的唇部；可用自己的唾液輕抹在對方的唇部，然後吸吮乾淨。 4）推動 ... ... <看更多>