我話試咗一日先啦的八卦，Yahoo名人娛樂都在討論

留家期間冇嘢做都要搵啲嘢做🤪

估唔到細啲玩嘅嘢，宜家攞返嚟做佢照玩到👌🏼~前兩日上網搵啲coloring pages俾佢填顏色，淨係陪佢搵嘅過程佢已非常興奮🥰，專門要幫佢印啲monster trucks呀、佢鍾意嗰啲muscle cars、super cars，佢係咁Oh my god this oh my god that 🤣，印咗岀嚟又真係有用心填㗎喎😌，俾我可以靜靜安心工作。佢對裝住coloring pages嘅folder珍而重之，夾喺格肋底帶住周圍去，臨瞓仲要拎埋去房度陪瞓🤪。

最令我開心嘅唔係佢填得靚唔靚、有冇岀界，而係簡單嘅事都足以令佢咁開心同滿足🥰就係咁之嘛！唔駛一定要啲咩貴嘢勁嘢，識得感恩，阿媽我個心都好夠滿了😌臨瞓傾枕頭偈時，佢話好開心同好多謝我印咗咁多coloring pages俾佢，仲設計咗☝🏼每逢星期五下午要有個family coloring，係全家一齊填顏色嘅（佢話呢個活動開心分有九十幾！同佢每日嘅15分鐘打機時間睇齊！😂😂😂），好，就咁話，我都掏岀多年前嘅工具又一齊填下，我唔知可以滿足到幾多個星期五下午㗎，總之你開心，我盡做。😌

#阿之媽說
#tamjai #tambaby
#可能有人會覺得咁少嘢就滿足唔夠野心
#但我覺得懂得appreciate已好夠😌
#好好記住呢一刻 #感性言詞
#零藝術阿媽又要被藝術😂
#唔知可以維持到幾多歲呢🤪
#FamilyColoringAfternoon
#佢本來要求逢一五嘅😆
#我話試咗一日先啦😅 #繁忙阿媽
#冧之之抗疫生活

「原來我哋無放棄，所有事情都嘗試時，真係有成功嘅可能性。」陳方宇媽媽Carrie以經歷說出了道理。

現時15歲的陳方宇，四個月大時父母發現他經常抽筋，有時每日會抽筋百多、二百次。檢查後醫生拋下了一句：「你個仔患罕有病係無得醫。」

這個「無得醫」的病叫「結節性硬化症」，Carrie懷孕時做足檢查，但有誰料到孩子的基因發生突變。這病令方宇身體內外長滿大大小小的纖維瘤，同時亦令他患上自閉症和中度智障。「由一歲起，成日帶佢去覆診，四圍去做治療，睇好多唔同病科：骨科、血科、腎科、腦內科、腦外科、小兒外科……」為了照顧好兒子，爸爸Andy更辭去了工作。

有「堅持」便有「奇蹟」

常言「病向淺中醫」，但Carrie與Andy面對這個不明之症，醫生給予他們的是失望多於希望：「醫生話佢未必識得行路，或者要坐輪椅。」

但兩夫婦沒有放棄，更逐漸發現只要堅持，天使總會在街角出現：「(方宇)企吓企吓，三歲時可以行到一、兩步，識得食嘢，或者攞嘢、遞嘢，間中可以自己攞起一羹。喺我嘅角度已經覺得佢好大進步，好大鼓舞。」Andy微笑地說。

路行多了，原來堅強的不止是父母，Andy續說：「嗰時他要做物理治療好痛苦，因為對佢嚟講企喺度係好辛苦嘅事，他一路喊，一路做一個鐘。我哋發覺其實佢都幾堅強，雖然辛苦，但佢都好努力去學習，我哋就用好多方法，譬如佢學少少識行，我哋會好殘忍咁要佢追住前面架嬰兒車……結果到今時今日佢識得踩單車，可以玩滾軸溜冰。」

父母教懂了兒子走路吃飯，兒子也教曉了父母堅毅：「好多時我哋都要一路摸索住進行，亦有屢敗屢試、屢敗屢戰。大家唔好放棄去做仍有機會，只係仲未出現。」Carrie在鏡頭前說。

寧願兒子在我們眼前離去

方宇表達能力遠遜同齡，但父母仍堅持帶他出街多看世界：「搭地鐵喺人多嘅地方，(方宇)發出噪音、發癲，其他人表現出「唔好嘈啦」……間中有人話『佢傻㗎，你唔好帶佢出街啦』。」

除了旁人冷眼，面對可能要每月花上港幣兩萬元新藥物開支，兩夫婦想說的，反而是感謝上天送給他們這個可愛兒子：「我哋要做嘅嘢係一路陪伴佢成長……呢十幾年嚟，我照顧我個仔，我同佢建立咗感情，我見住佢一路成長，我好開心。」

方宇的左和右腎內，各有一個直徑約4至5厘米的水囊，隨時會爆。Carrie一邊翻閱舊相簿，一邊眼泛淚光地說：「有例子係患呢個病嘅人，可能三、四十歲係上限……佢(方宇)年紀一路大，身體一路差。而我同爸爸年紀老啦，唔可能照顧佢咁多嘅時候，如果有一日我哋兩個先走，剩低佢一個人，其實唔會有人比我哋更痛錫佢。原來佢好安全咁喺我哋眼前離去，可能係另一種解脫。」

反觀Andy則較為樂觀：「我無諗咁多，總之盡量令方宇過得開心！」今集《港。故》用了8分鐘影像，訴說這一家三口的動人故事。

-------------
《港。故》：東網每周專題習作，講故事、講香港人的故事，請關注《港。故》FB：http://bit.ly/oncckonggu_FB

Follow埋《港。故》IG，睇更多精彩靚相：http://bit.ly/oncckonggu_IG

自從港鐵開到老區西環，這店消失了，那店漲價了、味道不再了……
1967年開業的祥香茶餐廳，一杯奶茶依舊獨步城西。
「沖奶茶邊有秘密！最緊要工多藝熟，同靚茶葉。」老闆周錫豐73歲，40個寒暑就埋首這茶、這店。
颯爽健步日漸蹣跚，店亦老了，相伴相隨仍是如友的街坊、像家人的夥計。
「做人都係要有情有義。」周老闆說。轉瞬，他笑：「但到阿仔呢一輩唔work啦！」
隆隆打樁聲此起彼落，對面型格豪宅正賣得火紅。兩子跟在身邊近20年，實務接了，「情義」也種了，都說：「夥計就是財產。」

不論早晏、人多人少，祥香都是熱熱鬧鬧的。茶餐廳總共不過千五呎，樓上雅座靜一點；樓下客至，夥計光哥或阿卿即刻迎來，在水吧的成哥、守火位的全哥已經揚手打招呼，未幾大家已談高鐵、講波經。
熟客冰姐說兒子今年46歲，「佢未上小學我已拖住佢嚟。以前湊仔煮飯，當然滾水淥腳；退咗休，我起碼坐一個鐘。」這裏生客熟客，都不會催你埋單，隨便hea。
有些客早餐見，下午茶又見。林先生一周來4次，「最靚咪係奶茶囉！蛋撻、咖啡、雞尾包嗰啲唔錯。」祥香廚房小，食物貴精不貴多。麵包沒特定出爐時間，這樣快賣光就焗那樣，新鮮熱賣，一律4元，只是連鎖店的一半價錢。最搶手是蛋撻和蓮蓉雞尾包，前者最高峰日賣30多盤，牛油酥皮夠鬆化，蛋漿用密篩隔走蛋黃的薄膜，又下了鮮奶，滑不溜口；後者全港罕有，口味獨特。都是承上手製作，周老闆改良過，減糖減了牛油。


又香又濃的奶茶，更是熟客們的「例牌」。周老闆選取錫蘭一級茶，自家混合粗茶、幼茶、香茶，「外面好多茶葉係現成嘅，撈好晒，不過我信唔過。」茶葉一星期撈一次，每次200磅；想當年用人手撈，大汗疊細汗，好辛苦。眼前的老爺茶葉機，油漆剝落，但已順暢地運作了超過20年，原是他和夥計研發出來的，「慳咗人力，同埋分量、茶味可以自己控制。」

一杯奶茶，周老闆表示要茶色靚、有茶味、有香味，茶夠滑。人家表演沖奶茶，忽高忽低十足做雜技。周老闆笑言不用「花巧嘢」，茶拉兩三下就已足夠；拉茶動作在於看茶的顏色：「一壺茶裏面有14杯茶，滾好出嚟嘅我哋俗稱『新茶』，『食奶』比較少，『中茶』又多啲，去到最尾兩三杯我哋俗稱『老茶』，比較嚡口，搭多啲奶落去。」
所以，一杯奶茶要講究平衡，「奶同茶嘅比例係要靈活變通，對客、對夥計都一樣。」


今夕何年 1967……
祥香在1967年開業，上一手做了11年，周錫豐和父親周任泉接着頂手。當年父親的商業登記店叫「祥香園」，但上手「祥香茶餐廳」的銅字招牌，一字沒改，至今掛了40年。
父親之前在同區的東邊街與人合營茶居，自己是個職業司機，「爸爸勸我，你今年已經33（歲）。你唔學做生意呢，將來就只係個司機。」其時周錫豐已是三子之父，家擔漸重，給父親說到心坎裏，同意轉行求生機。
當時他住在九龍城，每朝四點半天都未光，就坐通宵小巴過來西環，率先回店開水電掣，準備就緒就到附近的員工宿舍叫人開工，「有啲夥計仲未起身呀！」事實上，早更由凌晨五點開始，為了留人，從頂手那年起，他們已供給宿舍。
父親不懂煮，擔當管理角色；周錫豐由零學起，櫃面、樓面、水吧、製造部、洗碗一腳踢。雖然辛苦，但相比揸的士，「心情輕鬆咗」，因為收入從此穩定下來。

夥計 就是財產
做生意，周錫豐認為最緊要有好夥計。「夥計心情靚，對客人係好啲，有好多笑容。」
在最困難的沙士一疫，夥計願意減人工，共渡難關，「所以，我覺得我呢班夥計好有人情味。」事過15年，他仍然記在心。「楊梅到處一樣花，夥計好嘅難搵，佢想搵好老細亦都難。」後生時，他有時不回家，同夥計「一齊喺宿舍瞓，一齊去消夜，大家好close。」當中不少至今相處了二三十年，夥計都叫他「豐哥」。有人鬥氣，他就居間排解，「大家一齊做嘢，見同事多過見自己的親人。「就似同坐一條船，都想開開心心啫。」

對夥計，他有求必應，借錢好少托手踭，數目由二三萬到十幾萬都有，「大家咁耐朋友，好似兄弟無分彼此。你對人好，希望人哋對番你好。」人善，難免被人欺。不時有人走數，通常一萬幾千；曾有個夥計借了五六萬，「講屋企難處博你同情，又話欠大耳窿錢，我希望佢還咗債，喺呢度專心做。點知幫咗佢，佢唔返工，石沉大海。」
雖然，他失望很多次，但仍堅持「做人都係要有情有義。」不過他補充：「到阿仔呢一輩唔work啦，社會改變咗，走我數嘅都係啲後生。」哪下一代如何管人，他不置喙，「要靠佢哋自己去摸索啦！」

近幾年他半退休，茶餐廳交兩個兒子打理：一個負責人事入貨，一個管賬。他天天仍舊返店和夥計食飯，過時過節福食固然豐富，每月初二、十六做禡必備一煲靚湯給夥計。
「我老闆風雨不改返來食飯，一定同我哋食。由佢哋第三代幾歲大佢就帶住我哋做，有份感情存在嘛，即係屋企人咁樣。」做了20年、管理水吧的成哥說。他打趣說，假如自己去第二處肯定無法生存，因為不習慣，「我哋都試過出去做替工，同事老細之間唔係咁樣。」他指老闆從沒罵過大家一句，接手的太子也一樣。

做樓面的光哥在祥香三十多年了，一樣盛讚豐哥對人人都好，也實話實說：「唔係年年加人工，邊做得咁長呀！」他娶妻生仔抱孫都在廣東老家，幾十年在西環樓下返工、樓上瞓覺，祥香就是他的家。雖然不時跟熟客搭訕，他手腳並沒因此停下來，抹完枱，又一支箭去招呼客人。

「夥計就係財產。爸爸教我同夥計融洽啲。」周老闆的孻仔啟文說。他自言讀書不成，二十年前回祥香幫手。賣麵包、入水吧、做樓面……甚麼都要懂都要做，無人開工時有壓力，無生意時又有壓力，「樣樣都經人手，我自己有幾多對手呢！所以要對夥計好啲。」

但願 情長久
大哥啟東一樣要賣麵包、做櫃面，朝朝清晨五點返早更，到弟弟啟文回來，他就計數理賬，落場四五個小時後又回來做到六七點收鋪。他是半途出家，之前做過股票，開過軟件公司，當年不太好景，剛巧父親做了手術需要休息，便開始替父親返早更。
「做飲食業都係困身嘅。」架着眼鏡、斯斯文文的他笑說。
「以前做股票（我）就係做盤房嘅，最緊要係快、準；好緊張，因為唔可以錯。呢度有啲叫做人情味，街坊真係好熟好熟好熟，嘻嘻哈哈又一日，做得又幾開心。不知不覺咁又差唔多16年喇。」重要的，說了三次。
祥香客多是本區人。周老闆形容2014年底港鐵通到西環，是店鋪繼沙士之後的第二個艱難。「一開始時，周末真係好旺，但過咗一段時間就靜晒。」啟文說。
交通便捷了，居民外出多，很少留在本區消費。人流減少，鋪租卻在升。祥香鋪位由78年租到現在，周老闆解釋為何不買：「有錢難買心頭願，業主不賣，你永遠買不到。」地產狂潮席捲過來，小店最易沒頂。幸好，業主相當講理由，沒因西環通車即瘋狂加租。但鋪，始終沒話事權，令他患得患失，「周圍的租金都升得很貴。誰不要錢呢？所以我也有一個憂慮。」
「有得做就做，做得幾耐就幾耐。」孻仔啟文說。

今天，三個兒子已經成家立室，周老闆最感欣慰。「我嘅責任就完喇，祥香等佢哋搞啦！」自己每日返鋪跟夥計食飯傾偈，見見熟客，就好開心。幾年前，他已懂抽身得自在：「我自己真的要交給後生做。佢哋喜歡就繼續做下去，有飯開就算，唔好理咁多啦。」


撰文：韓潔瑤
拍攝：關永浩

祥香茶餐廳
地址：西環堅尼地城卑路乍街107號
電話：2855 7911

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

http://www.facebook.com/Serrini.rocks

Serruria和Wini二人的好友兼靈感女神蘇菲亞有一天去買波霸珍珠奶茶，然後發生的事都在歌裡了。

S在香港放SpringBreak時跟吉他手W見面唱歌歌，唱著唱著這歌的雛形便出來了。然後S有天晚上寫好了，就急不及待在睡房裡自彈自錄了（當時媽媽在客廳看電視劇）。鑒於這即興版很high所以很懶的S又頹頹地publish這快樂的歌。S在港其間蘇菲亞沒有空上鏡，於是S又頹頹地在旺角飲珍珠奶茶但是有朋友Janice陪自己crazy很快樂。


《蘇菲亞的波霸珍珠奶茶》
Written by Serrini
Guitar by Serruria (I'm terribly sorry)

有一日 我想飲波霸珍珠 奶茶
點知個哥哥話: "小姐無珍珠啊"
果一刻我心諗:車不過無珍珠之嘛
咁你凈係俾波霸我都無所謂啦

個哥哥突然之間嚇親odd咗一下
佢話小姐我真係唔知俾你乜野好吶
果一刻我心諗下你無野阿嘛
又無珍珠又無波霸你點做生意架

我要波波波波波波波波波波波霸
就算你無你無你無你無珍珠奶茶
朋友平時都叫我天真可愛蘇菲亞
你咪見我個款好恰就想恰我啦！

我淨係想要波波波波波波波霸！
就算你無你無你無你無珍珠奶茶
點解你要當我係傻仔咁望住我架
無得飲野我而家梗係心情唔好啦

但係我個fd望住我
（佢既眼神同緊我講）你 係咪懵左
仲黎手打埋上Facebook 個Wall
仲要tag番我

我蘇菲亞 終於知錯
（但係我既勇氣同面皮）錯過後便厚得多
試問邊個 無樣衰過
我不怕不怕你嘲笑我

（因為）

我係蘇蘇蘇蘇蘇蘇蘇蘇蘇蘇菲亞
查實我最鐘意飲既唔係珍珠奶茶
頭先個腦轉唔到因為空氣差之麻
哥哥你是但比杯奶蓋綠我就ok架啦

If u think we rock, visit:
www.facebook.com/Serrini.rocks

HAHHAHAHHAHAHAH