#婊揚好人好事
在社會鋪天蓋地的女權狂潮、人人高喊女性身體自主的時候，你真係唔可以唔佩服海港城夠膽用呢個廣告口號：靚唔係萬能，但唔扮靚就萬萬不能。
你睇下條廣告片，一個性感標準美女模特兒騷首弄姿，一大堆高大威猛的俊男對美女「男性凝視」，一眾混血和西洋俊男美女領銜演譯「人帥真好、人醜性騷擾」。
廣告：
https://youtu.be/P-n4V2WTTgU
係呀，廣告商就係咁直接：你唔靚，你就萬萬不能；你唔靚，你就算死在街邊都冇俊男會望你一眼；你唔靚，你就做鬼都唔靈。
我好記得當年我曾經評過Dove嘅廣告「模特兒不美，但也不醜」，結果俾 #共媒01 作新聞話我「串模特兒醜樣」，一大堆唔睇字嘅人走黎話我做咩事串人醜樣，好啦，依家海港城直線抽擊，給你來個「唔扮靚就萬萬不能」，唔知呢班朋友又點睇呢？如果01那位編輯朋友未被裁走的話，你要不要出篇文講下海港城？
咩叫物化女性？呢一種「姿色就是力量」的廣告，就係明正言順地物化女性。佢明目張膽地告訴你：扮靚係女人的唯一價值，天下間無醜嘅女人，只有唔肯扮靚嘅懶女人。說一個女人醜，這樣是歧視，因為人家天生是這樣的，大家作為道德高地的原住民，不能這樣說，會落地獄的。但說一個女人懶（於扮靚），那大家就心安理得了，因為懶是自主的，是這個女人自甘墮落，懶惰了，所以她醜、所以無人鍾意佢，所以一切的不幸都是她活該、自找的，嘲笑邪惡的懶惰的醜女人就合理了。社會就可以繼續站在道德高地說：我們不是取笑醜樣的人，只是取笑懶惰的人，剛好懶惰的人都是醜樣的啦！
大概這就是「靚唔係萬能，但唔扮靚就萬萬不能」的潛台詞。
而比起口號，更糟糕的是這個廣告內容：片中的女性除了騷首弄姿以外，你看不到她有什麼地方真的出眾，原來所謂的「萬能」，係要俾仔望、係要被男人意淫，女人打扮後「萬能」的意義和價值，完全取決在男人的身上。只係一個高budget版嘅銀泉芬蘭浴廣告吧？為什麼女性的「萬能」唔係可以在商界鬥智鬥力、可以在社會的舞台上大放異彩，擁有自己的成就？
難道女人冇男人望，就萬萬不能了嗎？
我咁講句啦，呢個廣告概念，廿年前還是勉強可以，畢竟那個年代講緊「三從四德婦功婦容」。但依家2019年啦，毛主席講「婦女能頂半邊天」，西方講empowerment 、He for She，女人唔扮靚一樣可以做到摘金的運動員、唔扮靚一樣可以指點江山，女人的價值唔再需要由你班麻甩佬去定義。
到最後，我想講多句：大家又唔好咁嬲，其實唔太關我地事。人地呢隻廣告個target audience 係好準確的，入面一大堆混血兒，所以目標的對象根本唔係土生土長的香港人。你留意返海港城近年邊個國家的客人最多？無錯！佢嘅目標客戶係一眾「河南溝山東」、「四川溝黑龍江」嘅有錢混血兒，你呢啲九龍溝新界嘅窮L就過主啦唔該～
#一個海港只有一個中國城
#廣東人做廣告有好多方法
#姿色就是力量
#我真係唔知那些收晒錢嘅KOL可以點推呢隻廣告
#然後你同我講香港係國際大都會
#你係咪無男人望就會死呀
#點解俾仔望就等同萬能
#讓我美麗有什麼可以阻我？
#尤物要走過才不要問你許可
#若我快樂怕什麼給你觀摩
#何況你都不錯
#美人駕到
