【無啦啦做乜又搞日韓愛情經典】
這邊廂，《我的野蠻女友》大陸拍套續集，結果似乎伏味太濃，安樂直頭搞完優先場臨時抽起唔上；那邊廂，唔講以為成為咗中國導演嘅郭在容（拍完《我的機器人女友》已係清一色中國片），唔知見到自己套成名經典搞到如斯田地，有乜感想，竟然又走去拍一套電影劇集睇過無數次嘅《在世界中心呼喚愛》中國版。
喂，點呀？我哋千禧年代嘅「那些年」回憶呀，唔好無限循環再用啦。
下套會係《藉著雨點說愛你》前傳丫，定係《假如愛有天意》外傳，一係《電車男》續集，再唔係重拍《太陽之歌》，或者《一公升的眼淚》？
拿，你唔好搞《觸不到的戀人》呀（奇洛仔果套尚可接受），我嬲架。
