Search
這兩天很忙碌，都是到不同的藝術館和公園取材，還有繼續研習不同的油畫背景故事。嗯... 是的，我打算在這兩星期內努力把我的書寫好，沒辦法，從上次回香港和美麗動人、如花似玉、冰雪聰明、美若天仙、沉魚落雁、閉月羞花的編輯姐姐大人見面，言語間我絕對感受到一股殺氣。
基本上對話的主題就是：要稿定要命？
好吧... 我還是努力寫稿吧...
多口講句：圖三拎住鎖匙的叫彼得，佢手上的是天國的鑰匙，出自聖經「我要把天國的鑰匙給你，凡你在地上所捆綁的，在天上也要捆綁；凡你在地上所釋放的，在天上也要釋放。」所以大家見到宗教畫或雕塑裡拿著鑰匙的，應該都是彼得了。
這幅畫絕對不是炫富怪叔叔亮出鑰匙，調戲良家少男「我有間屋，要不要到我家？」哦！（誤！）
同場加映：第四張圖，在藝術館前的一間小屋，走近了才知道是搞playgroup之類的幼兒教育的地方，很有童話世界的感覺～
#趕稿中
#點解人放假我放假
#我仲忙過返工
#仲有幾萬字
#不如一槍打死我
#話曬我都讚左咁多句
#俾多幾日我好不好
#大家都係神嘅兒女
#相煎何太急
理性爸爸放假的日子，我仲忙過返工......因為唔想成日bb吽係屋企咁悶，都大個仔咯！所以放假除非天氣好差否則一定出去，一去又幾粒鐘.....take nap時間都在bb車上渡過，我就無晒時間做自己野喇......
唔知可以堅持到幾耐，唔知仲可以寫到幾多.........而家寫極都係bb野既，我d化妝品試用文呢......
專頁：
https://www.facebook.com/knight.lai.hk
聲演：達哥
http://www.youtube.com/undergroundDV
https://www.youtube.com/watch?v=dYUn_ND91yM
今日走去cut有線.....
根本都cut唔能到，我?住個電話 9聽?半個鍾頭音樂 耳都熱9埋，轉頭仲cut能埋線，慶能到我屎都急埋 即刻打去申請熱線?人祭旗，第一個係女仔聽.. 算能數....見你係女仔唔吊你.... 我收?
再打係條o靚仔聽，我心唸你大能獲 初頭我好好語氣問佢係邊位....丫.... 佢又問能番我係邊位，佢死都唔能講自己個名， 如是者玩能?成分鍾你係邊位 我d粗口開始忍唔能住，吊?佢兩能，最後佢同我講佢姓鄧無英文名 ....算能數.....我同佢講話cut有線
佢話呢度cut唔到轉介去第2度，根住我同佢講你邊能度都唔駛轉介 我唔能想再聽你d音樂，根住佢就同我講"咁我幫唔到你喇，你自己唸辦法啦" 我聽能完呢句之後，我成個人個靈魂好似離能開個身體咁 d火直頭可以煲能瀉一壺水，果一刻我直頭當個能樣係妓女狂吊 當我吊得佢拍拍聲既期間，佢同我講叫我尊重下自己
我火都?能埋，我同佢講我屋又搬9?，條線仲係人屋企，你又唔能比我cut 你有無能尊重過我呀，根住佢話如果你再係咁你信唔信我cut你線 根住我同佢講"你又試能下cut".....丫.....點能知佢真係cut能?我線 嘩....我簡能值想衝入?房立把老牛去有線切9? 我吊佢老.母...佢真係夠?識呀!!!!
搞到我自己都唔知自己想點，office hour又去唔到cut，我收工去佢office仲落能埋閘，我就 9?能住個解碼器周街行，一陣間大能頭蝦整唔見埋就真係含能都無味，我都試過寄掛號，-又寫信再Fax，佢就當能?我麻瘋佬咁啋我都 ，聽日我就?能住個解碼器上天台自殺，等d所謂區議員關注?
我平時返工都唔帶公事包，兩手空空幾能嘆呀，就係為能?呢舊解碼器攪能到我日日袋住佢-係公事包返工，我唸住睇下幾時可以行開一陣閃上去有線度cut，不過真係忙到抽筋行唔-開，如事者我就?住佢日日返工放工、happy hour、睇戲食飯，總之佢在我在，佢亡我亡，真係好能似一個傻仔，日日袋9住都唔知-為乜，一來舊野已經重二來真係驚自已大頭蝦整唔能見，比人執到都當垃圾"DUM " 9?，到時連個公事包都蝕9埋我就真係要?日大假去遊行。
起初d同事仲以為我買?部新 NOTEBOOK，我都唔能識點答佢地，求能其笑?就算，費事比佢地見到我有舊咁既野-係袋以為我痴9?線。不過我知道紙係包唔住火，有一日成班同事去飲茶，當埋單之際，我-唸住係個公事包?個銀包出?，點知我?9錯?，潛能?個remote出?當銀包，我果-刻真係唔能知可以講乜好，成間酒樓好似靜晒，d茶客仲以為我想轉台.....就係咁我-一手?住個remote，一手?住個銀包埋單........丫......果條酒樓-亞姐重能好意思問9我個搖控係咪佢地，我面都紅能埋同佢講我袋入面仲有舊解碼器連插蘇-你要唔要呀。
有些故事，只屬於某個年代。
那年頭的月光，似乎特別澄明。
或許是人心，格外皎潔。
當夢闌酒下，情節便隨月兒去。
只餘那股味兒，戀戀不捨地迴盪着。
徘轉於一家老牌食店——得龍大飯店。
好生故事之年，約莫是五、六十年代開始。
娃娃於鑽石山鐵皮屋落地，改名為曾國生（生哥）。鐵皮屋內，只有一張床、一個櫃及一個痰盂。他與父母及其他四個陸續出世的弟妹就擠在這麼一個空間內過活。父母為生計，都只能起早貪黑地於外頭打工，養活小孩：「嗰陣我哋冇人睇㗎，阿媽得閒返嚟望吓，見我哋喊就塞啲鹽入我哋口。」小子懂事，果真止涕。
未幾，爸爸曾義（曾伯）得鄰居傾囊相助，借來當時數千元的巨額開辦了位於大角咀的「得龍」大牌檔，賣碟頭飯、叉燒飯，當年工廠林立，生意雖然不俗，但大牌擋始終日曬雨淋，又受黑白兩道逼迫，曾伯最終看準時機，決定搬到新蒲崗現址入鋪，貪其位於機場附近、工廠環繞，而且娛樂場所眾多。經營模式大致不變，只是早市除了賣飯以外，亦加入了點心，又購入高質素茶葉，以水滾茶靚作招徠。
聽說，有種人注定勞碌。一家七口環境算是好轉，但曾伯及曾媽手腳仍未停歇。生意旺，夥計缺一不可。一天，一名洗碗姐姐突然哮喘發作，曾媽惟有着當時還在讀小學的生哥來幫忙。自此，幾乎每天都到店裏工作的生哥，換來的，就只有一支汽水，但足以令當時的他樂翻天。中五畢業那年，自知不是讀書的料子，生哥決定全力到小店工作，逐步接父親的棒。曾伯不是省油的燈，要求他由低做起，一開始是洗地打雜、綁背帶賣點心，上手後，再讓他入廚房學紅案，打荷、砧板、點心、燒臘等功夫，都學會了，方才讓他管賬目。小子能獨立自主之時，已經踏入一九八零年。你相信嗎？八十年代的月亮特別圓。
生哥凝眸白玉盤，緩緩吐出：「嗰陣時啲客，行入嚟就自己企喺枱隔籬等；唔夠位，就自己帶埋櫈仔嚟。」那是個工業領導的時代，人人有工開，而且最愛加班，他記得那時候工廠老闆十分闊綽，平安夜會請員工吃一百元一個的鮑魚雞球飯：「八幾年賣一百蚊，咁都有人買，你諗吓大家環境幾好。」然而，陰霾終於掩至。
一九九八年，陳方安生宣佈啟德機場關燈：「機場熄燈，成個新蒲崗好似都熄咗燈咁。」一夜之間，飯店流失了三分之二的客人。加上九七金融風暴及工廠北移，生意實在令人慘不忍睹。當時飯店養活了五十多名員工，當時曾伯已進入半退休狀態，他着生哥索性把飯店結束，「佢話呢個唔係我嘅錯，咁辛苦不如執咗佢。」但他一方面不希望父業敗在自己手中；另一邊廂，又不願看到五十多個家庭失去支柱，一念復一念，他最終還是堅持信念。
雲霧，卻遠比他想像中厚。他想盡辦法挽回生意。於是他決定做外賣生意，當時願意做跑腿的只有他一人：「我四十幾歲人去學電單車，一個飯盒我都送，廿三蚊，啲夥計都背後偷笑。」這對生哥而言不算甚麼，更甚的是，他要借錢發薪予員工，賣車賣樓，每天身上只有十元，他就日日從新蒲崗徒步回西貢的家，足足三個多小時的路程，這些苦頭，他都獨自承受，不敢跟父母及太太哼半句：「我問自己，你仲要行到幾時？我唔想衰畀人睇。」結果，朗月重見之日，竟是十年之後。
千禧時代降臨，新潮玩意盛行成風，於是有朋友建議生哥把老式菜「金錢雞」加入菜單，結果反應熱烈，他也就索性於晚市做起懷舊菜來，轉做中檔客路。除了招來食客外，也吸引了不少傳媒追訪，生意終於起死回生。
如此一役，曾伯也對兒子另眼相看，任其變革，但只有一個要求：「佢叫我一定要照顧番班老街坊，所以我早市照賣點心﹑午市繼續賣碟頭飯，客情好重要，班街坊養大得龍，養大我哋。」水滾茶靚，照舊。
此情此景可以維持多久，生哥也不敢斷言。已屆六十之齡，膝下無兒女，他倒下了，也就無人承繼飯店，但他不言悔：「我敢講我人生八﹑九成都畀咗飯店，我冇能力再去照顧其他事情，其實冇話可唔可惜，結束就係結束。」風雨曾蕭蕭，回首，心境與鏡月卻恍如從未被歲月洗禮，澄澈、靜謐。
蝦餃 $24 // 排骨飯 $22 // 乾蒸牛肉 $22 // 古法太爺雞 $338/一隻 $218/半隻 // 砵酒焗桶蠔 $208/例 // 雞蛋焗魚腸 $88/例 // 懷舊金錢雞 $40/件（如配蝴蝶餅$25/件，但金錢雞只有半件）
得龍大飯店
地址：新蒲崗康強街25-29號地下
電話：2320 7020 / 2323 0383
營業時間：6am-11pm
車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。
車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。
這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……
駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。
機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。
「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」
赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。
炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。
辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。
遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。
他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」
這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。
一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。
「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……
死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。
「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。
他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」
他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」
他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」
他常告訴自己，這條命好不容易撿回來，只要有明天，他就拼盡全力活。
頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。
其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。
別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。
廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。
飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。
「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」
他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。
生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」
他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」
97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……
墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。
有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」
他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」
他不計較別人的眼光，肯捱肯做，那老闆被感動，反而因此看得起他，願意借錢給他去做生意。
他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。
他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。
他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」
這是他的人生感悟，心存信念，就可活出生命，是死？也生。
撰文：孟惠良
攝影：陳秉謙
文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。
