啱啱聽到一單嚴肅而又啟發思維嘅大陸新聞，跟大家分享：
話說有位韓國男團嘅中國藉成員叫張藝興，由於喜歡羊、屬羊、品性純羊，所以佢嘅Fans會叫佢「小綿羊」。
又話說有另一位中國男藝人叫楊洋，又屬羊，被其Fans暱稱為「咩咩」。
最近張藝興喺網上留言留咗單字一個「咩」，引嚟楊洋Fans嘅不滿。楊洋Fans認為，其偶像姓羊、名羊、屬羊，所以楊洋先係「正宗羊」。
張藝興Fans反擊，話其偶像暱稱為「小綿羊」，而且出過名為「Sheep」嘅專輯，所以張藝興先係「正宗羊」。
雙方各有理據爭持不下。
至於綿羊界同山羊界，則暫時未有代表出嚟回應事件。
新聞報導完，再會。
（新聞來源：我朋友個朋友個朋友）
（圖片來源：google search個羊字..）
