（無劇透）如果話《屍殺列車》係近年最出色嘅喪屍片，一D都唔過份。呢套戲簡直將喪屍電影重新定位。
面對天災、疫症甚至乎喪屍，最大嘅威脅始終都係人性。人類最大嘅敵人，就係人類，有起事上嚟，你會係保護自己，漠視他人嗰個？定係捨己救人嗰個？望吓你身邊嘅朋友、親人、戀人，如果聽日爆發喪屍病毒，你會唔會為咗保護佢而不惜犧牲一切？
失去一個人真係好快，可以係一兩句說話，可以係一場意外，可以係俾喪屍咬一啖，從此，佢就唔再出現係你生命裡面。好後悔，好後悔佢係度嘅時候冇話俾佢知你有幾愛佢，有幾關心佢，到最後一切已經太遲。《屍殺列車》令觀眾反思人類面對生死存亡，到底人性係咩？為咗生存，自私自利有冇錯？定要捨身先係偉大？愛情同親情又係咩？
唔想劇透，唔講得咁多，但想講套戲節奏緊湊，角色有好多，但都有非常好嘅刻劃，你會唔經唔覺代入佢地嘅處景，為佢地不憤同感動。演員個個都做得好好，男主角孔劉個樣成個張松枝咁，佢係戲入面嘅心理轉變完全發揮到佢嘅演技，大隻佬馬東錫開頭睇乸囗乸面，點知愈後愈喜歡佢個角色，小妹妹金秀安係全套戲表現得最好。仲有好幾幕真係睇到喊咗，最勁係有一幕，睇到差唔多成間戲院拍手掌，真係好耐未試過睇套戲個個又喊又笑又拍手叫好，同步率接近100%，證明一套好嘅戲真係可以觸動到唔同嘅人。
呢套戲最好約埋你人生最想保護、最重要嘅人一齊去睇，睇完你會更珍惜大家一齊相處嘅每一刻。
最後想講，喪屍恐怖之處，唔係佢爛口爛面，而係佢得個驅殻，漫無目的只為進食而生存，最慘佢會感染你，將你變到同佢地一樣。末世之下，俾著係你，你會寧願反抗做自己，保留意識，定變成同其他人一樣嘅喪屍？
張松枝 在 最新香港電影-推薦電影-第1頁- PttPlay線上看 的八卦
劉德華,林青霞,張敏,吳孟達,顧美華,吳鎮宇,袁詠儀,葉德嫻 ... 李燦森,安志傑,劉心悠,薛凱琪,凌文龍,吳肇軒,顏卓靈,陳國邦,張松枝,蔡潔,徐廣林,周祉君,張文傑,胡卓希. ... <看更多>