Search
【童年兒歌】
「氹氹轉菊花園…何家公雞何家猜…一枝竹仔會易折彎」， 這些廣東童謠兒歌相信大家小時候都應該聽過。但看看近年 #兒歌 的發展，兒童唱片已經失去了商業價值，未來這些非物質的文化遺產會失傳嗎？片中18首經典廣東話童謠，你又聽過或者識唱幾多呢？
#真怪誕呀又有趣 #可能只係記得惡搞版 #嗱唔好崩壞我童年
https://www.youtube.com/watch?v=dc7J9kHPOwY
片中歌曲：
1) 豆腐蒸蝦米
2) 狐狸先生幾點鐘
3) 小明小明小小明
4) 排排坐吃果果
5) 大笨象會跳舞
6) 河邊有隻羊
7) 氹氹轉菊花園
8) 雪姑七友
9) 何家公雞何家猜
10) 一支竹仔
11) 打開蚊帳
12) 刷牙歌
13) 有隻雀仔跌落水
14) 三隻小豬
15) 跳飛機
16) 點蟲蟲
17) 小小姑娘
18) 月光光
Reference:
WebWorx Kids / robert smartie
經典香港廣東話 #童謠 36 首，有幾多你聽過？
http://www.eprice.com.hk/fun/talk/18/4961/
消失的童謠
慢慢失傳的「廣東話童謠」！
月光光，照地堂；年卅晚，摘檳榔；檳榔香，嚼子薑；子姜辣，買蒲達；蒲達苦，買豬肚；豬肚肥，買牛皮；牛皮薄，買菱角；菱角尖，買馬鞭；馬鞭長，起屋樑；屋樑高，買張刀；刀切菜，買籮蓋；籮蓋圓，買隻船；船浸底，浸親兩個番鬼仔；一個蒲頭，一個浸底；一個摸茨菇，一個摸馬蹄。
點蟲蟲，蟲蟲飛，飛到荔枝基；荔枝熟，摘滿屋；屋滿紅，伴住個細蚊公。
排排坐，食粉果；豬拉柴，狗透火；貓兒擔凳姑婆坐；坐埋一齊唱支歌。
凼凼轉，菊花園；炒米餅，糯米團；亞媽佢叫我去睇龍船；我唔睇，要去睇雞仔；雞仔大，搦去賣；賣咗幾文錢；我買隻風車仔，佢轉得好好睇，睇佢凼凼轉啊菊花園，睇佢凼凼轉啊凼凼轉啊轉。
ABCD，大頭綠衣；捉人唔到，吹BB。
落大雨，水浸街，亞哥擔柴上街賣，亞嫂出街著花鞋，花鞋花襪花腰帶，珍珠蝴蝶兩邊排。
賣懶去，買精歸，賣左懶仔過新年，食過年飯好種田。
賣懶，賣懶，賣到年三十晚，人懶我唔懶。
細蚊仔，瀡滑梯，因住跌落嚟；咪學陳德貴，成日流鼻涕，跌親籮柚唔好睇。
河邊有隻羊，羊邊有隻象，象邊有隻馬騮仔，好似你噉樣。
咬蔗須，要睇毛，短毛輸，長毛贏，冇毛唔算數。
搣開柑，數柑核，邊個核多就邊個贏，唔准手賴就縮骨。
拍大骳，唱山歌，人人話我冇老婆，扚起心肝娶翻個，有錢娶個嬌嬌女，冇錢娶個豆皮婆，豆皮婆，食飯食得多，屙屎屙兩籮，屙尿沖大海，屙屁打銅鑼。
呈沉剪，呈沉包，呈沉糯米叉燒包。老鼠唔食香口膠，要食豆沙包。
點指兵兵，點指賊賊，點著誰人做大兵，點著誰人做大賊。
估手指，要估中，邊個唔中，就唔中用，褲浪底見個窿。
騎牛牛，牛牛走，牛牛響前咪回頭，若然回頭就打籮柚。
大眼雞，鹹魚頭，你屙尿，唔洗手。
轆銅仙，打銅錢，全憑眼界手出變，叮響銅錢畀個仙。打泥炮，泥炮響，唔使摣槍上戰場。折紙機，麻鷹飛，飛嚟飛去唔落地。
趌跛跛，跛咗蹄，冇米煮，煮泥沙，冇屋住，住樓梯，樓梯有只鬼，嚇到你嗊落床下底。
伸長手，頂手掌，死人都要頂硬上，依牙嘣哨就貓噉樣。
劈友，劈友，快啲走，走得快，好世界，走得嚤，冇鼻哥。
鬥遠掟石頭，因住咪甩手，石頭最冇眼，掟親唔好眼淚流。掟磚頭，鬥大嚿，一掟掟到西門口，濺起浪花拋浪頭。
花手巾，真引人，基邊撈魚好過癮，一兜一條好手運，千祈唔好踎到你頭暈。
黐塘咪，塘咪飛，飛到菜田基，田基有條蛇，嚇親你兩仔爺。
一人騎膊馬，兩人騎豬乸，三步要埋頭，撞到面就打。
紅辣椒，綠辣椒，平時你嘴喵喵，今日你冇膽同我撩。
鬼叫你咁貪心，聞咗我個屁，嗍咗入個鼻，我要你賠翻二兩四。
眛水底，摸泥沙，摸到泥沙當金龜，摸唔到喺契弟。
陳德貴，住得矮，床下底有只鬼，嚇到嗊抬底。
一二三，三二一，肥婆跳舞頂第一！
黑面李逵，紅面關公，三國水滸亂哂龍，打敗清兵系英雄。
乞兒仔，畫烏龜，一人一筆咪亂嚟，最後嗰個正衰仔！
大笨象，摣支槍，去打仗，打完仗，翻嚟食碗辣椒醬。
有隻雀仔跌落水，跌落水，跌落水，有隻雀仔跌落水，被水沖去。
肥仔個頭，大過五層樓，肥仔隻手，細過荷蘭豆。
大家識得唱幾多？要代代相傳呀！
〔編：DingDing Christine & 蕭南仁．2014年4月18日〕
消失的世界。廣東話資料館
【童年兒歌】
「氹氹轉菊花園」、「何家公雞何家猜」、「一枝竹仔易折彎」， 這些廣東童謠兒歌相信大家小時候都應該聽過。但看看近年兒歌的發展，兒童唱片已經失去了商業價值，未來這些非物質的文化遺產會失傳嗎？片中18首經典廣東話童謠，你又聽過或者識唱幾多呢？
#真怪誕呀又有趣 #召喚小明代代相傳 #可能只係記得惡搞版 #嗱唔好崩壞我童年
片中歌曲：
1) 00:00 豆腐蒸蝦米
2) 00:36 狐狸先生幾點鐘
3) 01:01 小明小明小小明
4) 01:19 排排坐吃果果
5) 01:33 大笨象會跳舞
6) 01:51 河邊有隻羊
7) 02:04 氹氹轉菊花園
8) 02:31 雪姑七友
9) 02:47 何家公雞何家猜
10) 03:15 一支竹仔
11) 03:30 打開蚊帳
12) 03:43 刷牙歌
13) 03:56 有隻雀仔跌落水
14) 04:14 三隻小豬
15) 04:34 跳飛機
16) 04:55 點蟲蟲
17) 05:26 小小姑娘
18) 05:42 月光光
Reference:
經典香港廣東話童謠36首，有幾多你聽過？
http://www.eprice.com.hk/fun/talk/18/4961/
大肥雞 · 數字歌刷牙歌 · 世界真細小 · 蜜蜂做工/ 小蜜蜂 · 世上只有 · 新年歌(容祖兒& 陳奕迅) · 狐狸先生幾點鐘(廣東話兒歌) · 氹氹轉菊花圓(廣東童謠) ... ... <看更多>
Number Song數字歌Cantonese Rhymes 廣東話童謠- YouTube · 讓廣東人告訴你最值得聽的粵語歌有什麼女歌手版- 信醬在輔大- Blin · 123 Number Song Cantonese Nursery Rhyme ... ... <看更多>
廣東話童謠 在 律動跳舞音樂| 嘉芙姐姐粵語廣東話兒歌 - Pinterest 的八卦
Apr 22, 2020 - ♬跟我做運動♬ | 中文兒歌| 律動跳舞音樂| 嘉芙姐姐粵語廣東話兒歌點擊訂閱“嘉芙姐姐” 頻道，獲取最新兒歌及兒童故事資訊！ ... <看更多>