呢個年頭，作為我地呢挺廢鐵，其實都已經預咗俾各大客戶避而吉之。
拿，以我為例子，其實呢年內又唔係無人問津㗎，但係通常傾兩傾問兩問，結果又係無咗下文，客戶因各種原因都係唔搵你，放棄。就呢個月，又係因為講咗d唔知咩，結果有個傾緊嘅廣告都係拜拜咗，講真我都非常習慣無乜嘢，但以一個大環境去諗深一層，真係十分悲哀，個個都驚到呢。呢d狀況我相信唔止我一個遇到，應該係遍佈全港。
所以，響呢個時勢，當某企業願意走出嚟支持某一班廢鐵，其他廢鐵會咁落力去一齊 #多謝，老實講根本唔係要endorse呢個企業，反而係表達緊一種廢鐵們的團結；係想大大聲話俾其他客戶聽，喂，無事㗎，支持廢鐵嘅大有人在，撐佢地真係無事㗎，唔會令你有損失，反而可能令你多咗另一個市場添。
其實只不過係咁，不過而家大家都係習慣乜L都鬧，乜都要搵負面嗰邊嚟攻擊，咁無嘢好講啦，講你又唔明。
（再補充：其實無sponsor都唔係做唔到嘅，反正我以往其實都無乜大客。以做一場紅館要開支幾百萬嘅budget嚟計，咪辛苦d，賺蝕要自己承擔，同埋好多想做嘅效果可能要放棄囉。你地班人都唔洗咁緊張撲埋嚟插住，我前晚 #多謝Shell 都係順應氣氛搞吓gag啫，不過你地咁無幽默感咁我幫唔到你啦。老實講，我而家都諗緊個紅館點做，贊助嘅嘢，浮雲嚟㗎啫，有我都唔一定要，無又唔洗死，可能到時我一個sponsor都無，或者有一千個要 #多謝 都唔定，想搵嘢鬧嘅洗乜咁心急呢，不妨等到睇吓我會點做先鬧囉。
大不了咪只做一場囉，我就唔信一場都賣唔到。）
幽默感例子 在 如何展現幽默感在PTT/Dcard完整相關資訊 的八卦
2018年2月2日· 不是你不會聊天，是你不知道怎麼聊出新鮮感。 . “這些幽默感的小技巧，幫助你練習成為「有趣的人」” is published by 炸雞避難所.要如何 ... ... <看更多>