《今日竟然畀我遇到年度全港幼稚園通識問答大賽決賽》
今日係令人覺得懶洋洋嘅星期六，作為打工仔嘅你，辛苦咗五日，今日一定瞓到黃朝百晏，瞓到自然醒之後，會落街食個tea ，當你咁懶洋洋嘅時候，原來今日有一班小朋友，又畀佢哋嘅家長折磨緊。
我今日同朋友食完tea之後，竟然喺商場遇到一年一度全港幼稚園通識問答比賽嘅總決賽......
真係大開眼戒，嚇到我個心離一離，原來幼稚園都需要有常識㗎。幼稚園對我來講，係一個學識急尿要舉手去廁所，唔好再瀨尿嘅地方，係一個學識同啲同學仔排隊瀡滑梯嘅地方，係一個明白到男同學去男厠女同學去女厠嘅地方。幼稚園係第一次接觸世界嘅場合，原來而家嘅standard 咁高，係要學通識。
而佢啲通識真係唔係非一般通識...
呢一個痴撚線幼稚園通識問答比賽，原來非常認真，佢請左大學學者同心理學家做評判，請左伍文生哥哥做大會司儀，喺大商場嘅中庭舉行。每答完一條問題，台下面嘅家長會好緊張咁拍手，鼓勵台上嘅參賽者。
佢啲問題仲要好似超級無敵獎門人咁，首先睇片，然後主持人會問一啲關於片段嘅問題，佢係考你記性，聆聽，仲有反應，因為佢仲要搶答。
呢個全港幼稚園通識問答比賽嘅backdrop有寫活動宗旨，首先就係提升學習興趣，其次就係啟發無盡嘅創意，增強抗壓能力，培養多元思考同埋建立幼兒自信心。我真係非常敬佩 呢一班痴撚線嘅「教育學家」，竟然可以將一個咁有問題嘅比賽，包裝成盛事。你玩到咁serious，點增加學習嘅興趣？喺台上對住咁多大人喺咁短嘅時間搶答，唔係增強抗壓能力，係增加「不應有嘅壓力」，幼兒要有咩自信？講出來都覺得好變態，係唔係要有面對香港咁痴線嘅生存自信？
最痴線係參加嘅幼稚園同埋家長，完全唔覺得呢件事係有問題，個比賽已經來到第四屆， 星期六都冇得玩，仲要咁認真比賽， 呢個世界真係非常有問題.....
啱啱上baby condom睇呢個幼稚園通識問答比賽，歷年嚟嘅問題到底係乜...
睇到嘅時候，真係覺得自己執返身彩，如果時光倒流要我重新讀過幼稚園小學中學同埋考大學，我真係第一個自殺身亡.....
今日先同一個朋友講起，歐美好多國家決定將細路仔入學嘅年齡推後，其實太細個嘅小朋友根本係唔需要學習同死記啲艱深嘅知識。但係香港係一個非常奇怪嘅地方，小朋友入學嘅年紀愈推愈前，以前唔需要上n班唔需要上playgroup，而家人人都要上未夠兩歲就讀書。我覺得第一個推出要上n班同推出要上playgroup嘅人，應該拉去打靶，佢哋係將個要求越推越高，直接將啲細路推去懸崖邊。
唔知今日贏左嘅幼稚園細路會唔會開心呢？我諗只有佢老豆老母有快感，我覺得根本要拉主辦單位入獄，根本係集體虐兒。
幼兒心理學大學 在 幼兒與家庭教育學系畢業出路 - 藥局地圖 的八卦
藥局地圖，兒童心理學出路- 幼兒與家庭教育學系畢業出路列表：大學網統計各校系學生歷年的畢業工作，列舉出幼兒與家庭教育學系學生最常應徵的工作職缺， ... ... <看更多>