和老婆結婚將近一年了.
對於如何維繫男女雙方的感情, 我也只是摸著石頭過河而已.
但期間, 也揣摩了一些男女相處的心得, 覺得可以和大家(尤其是男性)分享, 希望大家不吝賜正.
若果, 當中任何一點能歪打歪著啟發了你, 也算是一種功德吧.
1. 說話公仔
眾所周知, 我有一隻奸夫公仔.
吵架時, 男女雙方互不理睬, 見你前面憎你後面.
因此, 一隻識講嘢嘅公仔, 至為重要!
呢個時候, 將隻公仔擺係女友面前, 郁埋公仔D手腳, 做埋騎呢動作, 便很易逗得女方哈哈大笑.
然後, 配上你的怪聲, 將想講嘅對白, 透過公仔講出, 女方會更易接受.
即使唔係嗌交, 就算平時有咩要求, 用公仔表達, 成功率都會大得多.
更有甚者, 用公仔把聲, 講粗口都會好好笑!
幻想下以下情景:
係老婆面前, 奸夫手舞足蹈, 配音說:
‘你就原諒下張欣欣呢條X街啦!’
老婆, 一定原諒!
2. 定時失憶
女人有樣嘢好衰嘅, 就係間唔中會問下你以前嘅女友係點.
我地又唔怪得佢地, 因為女人是好奇的動物!
為了引男方中計, 女人會美化佢地嘅問題, 例如:
‘我都係想了解你多D姐.’
‘我都係想做你女友做得好D.’
拿拿拿, 男人如果不虞有詐, 將以前嘅情史講出黎, 你將陷入萬劫不復的境地!
因為女人, 喜歡比較, 不欲與前度看齊!
例如, 你提及你同EX去過邊, 以後你倆一旦到同樣的地方, 女友/老婆就會好介意, 覺得你在回塵往事!
尤其是嗌交期間, 呢D嘢更隨時會被搬出黎講!
所以, 女友/老婆問你以前同EX嘅嘢, 記住一句:
老虎蟹都唔記得!
當然老婆會追問你點會唔記得?!
咁點算?
你就用轉易視線的方法, 例如:
‘真的不記得了, 自從有了你之後, 我心中眼中只有你! 以前的, 唔記得晒, 因為一切已無意義!’
女方聽到, 甜在心頭, 覺得有種贏晒你所有EX的成功感;
你也能化危為機!
3. 老婆最正
行街期間, 有女途人在你倆面前走過.
身邊的女友/老婆, 有時會問你:
‘果面果個著綠色衫個女仔好靚喎!’
呢個時候, 無論你覺得個女仔有幾靚幾正都好, 一定唔好如實回答話係!
相反, 你要表現出莫大的冷漠, 反問:
‘邊度有女仔好靚呀?’
女友/老婆會指住話:
‘企係燈柱側邊果個喎, 唔靚咩?’
你就話:
‘下, 咁都叫靚, 佢個樣普通都無朋友!’
係, 你係講大話, 但頂多夜晚先靜雞雞同神懺悔!
因為, 一旦你讚過那個女途人, 那麼女友/妻子將心事重重, 以後對街上類似的女人充滿防範性, 覺得你沒有給她充足的安全感!
原來, 女人的安全感, 端視你懂不懂說話的技巧!
同樣道理, 女友/老婆突然提及她的女性友人, 你也要懂得應對!
例如:
‘你覺得我個Fd KAREN個樣靚唔靚?’
呢個時候, 可能KAREN的倩影及樣貌已在你心中浮現, 但男人千萬別大流口水, 大呼記得!
你要佯裝迷糊, 問:
‘邊個KAREN呀?’
老婆聽你沒什印象, 會好放心, 但她們會解釋:
‘即係上次食飯坐我地對面果個女仔呀, 佢仲話鍾意滑雪果個呢!’
你要’苦煞思量’一番, 然後說:
‘真係無咩印象啦, 你唔提我都唔記得佢叫KAREN, 佢邊忽靚呀, 無你3成咁靚!’
平時, 你無記性, 女友/老婆會怨你;
但信我, 呢D嘢你無記性,
佢會LIKE爆你!
