藝人黃澤鋒年初宣布 52 歲嘅太太高齡懷孕，黃太呢胎真係陀得唔容易，陀緊嗰陣出現妊娠濕疹，仲比部分網民抨擊佢做高齡產婦，佢早前受訪就話收到網友黑心詛咒留言，身心受創超慘！
不過黃太終於捱過，佢地宣布囡囡「小黃妃」終於出世喇！不過黃澤鋒就 hashtag「生死一瞬間」，佢接受訪問話，原來開刀嗰陣出現意外，黃太血壓急升，出現妊娠毒血，有中風機會，嚇到黃澤鋒話個心都離一離。產後，母女要入 ICU 休養，經過一個禮拜，琴日終於健健康康出院！所以澤鋒都安心公布囡囡消息。
「小黃妃」好多頭髮呀，黃生黃太今次真係唔容易，辛苦晒！
#2019娛樂圈出生登記冊：
1月：
#囡囡Hosanna（父母：Epaphras、Anjaylia）（所屬組織：邦民財務）
2月：
#囝囝Rafael（父母：鄭嘉穎、陳凱琳）（所屬組織：少婦聯盟）
#謝婷婷囡囡（父母：？、謝婷婷）（所屬組織：謝家）
3月：
#囝囝Jacob（父母：強強、岑麗香）（所屬組織：索爆人妻團【前稱：處女黨】）
#囡囡Raina（父母：飛機師、何嘉莉）（所屬組織：前英皇三小花）
#囡囡Emma（父母：永安太子爺、Miki）（所屬組織：Cookies without Kary）
4月：
#囡囡二寶（父母：郭富城、方媛）（所屬組織：四大天王）
#囡囡小豬比（父母：陳展鵬、單文柔）（所屬組織：新．時裝三巨頭）
#囝囝Hunter（父母：食品大亨、樂基兒）（所屬組織：天王ex聯盟）
5月：
#囡囡Hannah（父母：金融才俊、張嘉兒）（所屬組織：慧妍雅集）
6月：
#囡囡笑咪咪（父母：髮型屋老板、張美妮）（所屬組織：閃電傳真機）
#囡囡Camellia（父母：內地老公、馬賽）（所屬組織：法國甲組足球聯賽）
7月：
#囝囝Ryan（父母：李乘德、胡杏兒）（所屬組織：胡說八道會）
#囡囡小黃妃（父母：黃澤鋒、陳麗麗）（所屬組織：高齡媽媽）
待產中：
何超盈（所屬組織：四房）
蔡少芬（所屬組織：洪欣聯盟）
吳雨霏（所屬組織：Cookies without Miki）
岑麗香 在 岑麗香兩子 熱愛音樂 喜聽MIRROR作品 ｜Viu1 娛樂新聞 的八卦
岑麗香 兩子 熱愛音樂 喜聽MIRROR作品 ｜Viu1 娛樂新聞靚媽 岑麗香 今日出席聖誕亮燈儀式，笑問香香係咪開工輕鬆過湊仔，佢就識做咁話各有 ... ... <看更多>