尋日去三哥屋企
再一次深深體驗到 Local 加拿大人既生活係好簡樸但高質素
簡樸係佢地唔會點出街食飯唔會點花錢娛樂
就算我地山長水遠黎到
都係餐餐係屋企食 亦無話有邊個要因為我地返黎要請我地出去食餐飯或者點 餐餐都屋企煮又或者最多叫下pizza外賣
三哥一家係非常普通人家
佢係政府做 好普通收入 老婆都係做份牙醫診所登記姐姐
強哥話佢地扣左交稅後 應該賺三萬幾港紙
一家四口 兩個小朋友 一個八歲一個六歲
係香港搵呢個薪金應該好困難 供樓或租樓都無左一半 都無計學費同興趣班補習班
仲有 以前成日話係加拿大出街食飯好貴
但我想講而家係香港出去食飯都好貴
平常如翠華晚餐都要$98未計凍飲加兩蚊
如果加多個油菜 兩個人就二百幾蚊埋單 which is only 茶餐廳食物質素和服務質素
如果好少少去outback 食個扒或意粉 一家四口無五六百蚊都唔使走 仲要係計住計住咁叫野 飲品都唔敢叫果種
而奈何大部分香港人一星期差不多一半時間出去食係超平常既事
大家望下佢地間屋 真係靚到喊
係既 出邊無勁多大商場shopping 但好多大草地樹林比你喪跑
的確 佢地既小朋友無我地既咁十項全能
尋日八歲姪女Lili同我講 “Auntie Saron, let me play you a song!”
然後我就好自然問佢 嘩 你識彈琴咁叻女
佢話 係呀Daddy係我生日買左部鋼琴比我 我日日係youtube度學點彈 我識彈好多歌 但成日唔記得 不過唔緊要 媽咪話唔記得就再上youtube睇 我不停睇跟住彈 我而家識彈啦！上youtube學琴？
係香港有邊個小朋友學琴無私人老師？
然後佢好開心咁show比我睇佢既一字神功式既彈琴技術
佢呀爸呀媽無好似香港呀媽咁「彈比姨姨聽啦！表演下啦！」我姪女亦無好似香港小朋友咁好無奈地話「唔啦！唔想彈！」
相反，我姪女係超興奮超proud咁大騷佢既一指神功鋼琴技術我聽，可能佢真係拍馬都追唔上香港八歲既另一個妹妹，但果種自學既精神同對部琴既熱愛，令我相信it’s really doesn’t matter in this age as long as they are happy !
因為童年真係好短
唔好再幫佢地短短既童年縮到更所剩無幾...
