Samuel Lock：唔少大公司，立場都好親中。而大公司嘅仔女，又會去留洋讀書。仲喺香港，未出國嘅，會讀國際學校。學費天價（貴過大學），學校講英文；返到屋企，除非屋企人完全唔識講，否則都全英語溝通。名校收生條件，說穿了就只有一點：要屋企很有錢。
教育，唔係一個脫貧嘅機會。相反，教育已經演變成上層社會，繼續壓榨下層嘅手段。你喺下層，讀普通嘅學校。教育局同學校會聯手，巧立名目，製造好多評估啊、考試之類嘅畀你。美其名要個學生讀好書，其實係要扼殺佢哋學習嘅機會。
乜都唔好講，只講英文科。國際學校係點讀㗎各位？基本上係睇故事書。每日睇。功課、默書、測驗、評估，基本上無，就算有，都係象徵式嘅；就算有，都唔會出得深到個個溫完書都仲會唔合格！重點，係睇故事書，半鼓勵、半強逼。學生放咗學，睇下故事書，之後嘅時間就係自己嘅。童年，係愉快嘅；返學，係開心嘅。知識？與日俱增。前途？無可限量。
另一邊廂呢？讀普通學校嘅小朋友，每日要應付：功課、默書、評估、測驗、考試。將所有精神、時間、心機，花咗喺呢啲嘢上面，結果係點啊各位？結果，你比我更加清楚：好似乜都無學過咁 — 英文繼續唔識講、grammar 繼續錯。我咁講好武斷？唔武斷，我有證據嘅。到咗18歲，個個去考公開考試，超過一半人唔合格；合格嘅，又唔見好多人高分；高分嘅，又唔見到個個都可以流利咁同洋人溝通……甚至，連睇套卡通片都唔明。十幾年書，彷彿白讀了。
你英文差，從來都唔係因為你唔勤力。啱啱相反，係因為你好勤力地用錯嘅方法去學。點解你會用錯方法？我講咗，係因為「教育已經演變成上層社會，繼續壓榨下層嘅手段」。學校唔會用正確、正常嘅方法教你。學校唔會畀機會你正常地學習、連休息嘅時間都唔會畀你。一日返6、7個鐘頭學都未夠，放學仲要迫你做4、5個鐘頭其實做嚟都無用嘅功課。唔做？記你缺點、罰你留堂、鬧你唔勤力。
普通學校，可唔可以用國際學校嘅方法教書？可以，不過佢哋唔會咁做。學校，唔係作育英才嘅地方；學校，只係愚民嘅基地。
上層社會要繼續壓榨下層，唔畀下層反擊，上層，一定要為下層製造無力感。咩叫無力感？你努力咗、付出咗，佢永遠唔會畀你得到應有嘅收穫。佢甚至令你唔敢反問一句：「其實個考試過深。佢考嘅嘢，根本就無教過」；你只會認命，你會同自己講：「係，係我廢、係我無用」。你哋唔知道，你呢十幾年嘅付出，從不比同你同齡，而家去咗英國讀牛津、劍橋嘅同學仔少。你只知道：「我係廢柴，讀極都係咁蠢」。
我想講：唔係你真係廢，只係個社會話你廢、個考試制度話你廢。如果你真係覺得自己廢，你就中正上層嘅圈套。你從此，只可喺午餐時間，一頭栽進那兜叉燒飯，做狗做牛做馬，做個卑微嘅打工仔。
我唔係話學英文好容易，我無咁講過。我只想帶出一點：一個讀國際學校大嘅小朋友，被逼好、自願好，到佢18歲，佢可能已經睇咗最少一百幾十本英文書；讀普通學校嘅呢？半本都未睇過。點解人哋英文會好？就係咁解。
大公司高層，立場親中，不過佢哋嘅仔女，都係讀番書大嘅。香港嘅學校，服務好好，畀好多功課考試測驗評估你做，學校做咁多嘢，學費幾錢？十幾年免費教育。你想好似國際學校咁，*無*功課考試測驗評估？得，畀錢，畀天價，仲要唔一定畀你讀。香港呢個大都會，真係好幽默。而我，我唔識笑，我只係覺得每朝著住套校服返學嘅小朋友好慘。當然，香港人，都好慘。
最後，越貧越貧，越富越富。
Background: https://www.instagram.com/i_m_not_kai/
＃長期讀者 ＃同我秒like
＃否則蒼生無救
＃今次好似無講粗口
＃適合些牙畀你啲朋友睇
＃你啲偽善嘅朋友
學費天價貴 在 天價學費嚇跑人！育達高職更名為"普林斯頓國際學校"傳一學期 ... 的八卦
https://sndn.link/TALKSHOW 【政發生】PODCAST~ 政論精彩片段用聽的~➲新聞HD直播三立LIVE新聞https://youtu.be/4ZVUmEUFwaY➲前進新台灣前進哩來 ... ... <看更多>