無懼八號風球的淫威，受到李氏力場嚴密保護的豐澤仍然開門做生意。
懷著極度負面情緒的我，腳步沉重的走入銅鑼灣那家店，一想起那個租客在電話裏頭的語氣就火起。
「你次次叫你秘書應酬我，其實你有冇誠意租間屋畀我？」無論一個人是多麼的風流倜儻，都會因為有個變態租客而被弄得死死氣去親自幫他買雪櫃。「我要左邊開門唔係右邊開門嗰隻呀，你係咪蝦我老嘢以為我唔記得同你講過？」阿老嘢，咁你真係冇講過嘛，我好想反駁。「舊嗰個又唔幫我攞走，新嗰個又買錯，想點啫你？」每次都呼呼喝喝，但因為佢畀緊比市價高兩成嘅租，不忍不忍還需忍。
想不到，我的 very bad day，竟然會因為一位訓練有素的豐澤 top sales，而變成 a very lovely day。
聽起來好 hard sell，但其實是真心 sell。
這位姓吳的小姐，服務誠懇，態度殷切，又諗計幫我免運費，又度橋幫我收走舊雪櫃，仲要提我用張乜嘢信用卡有一百蚊回贈，不過好戲還在後頭。
「先生，有冇興趣撐下香港醫護？」詳細不記得了，總之買滿唔知幾多錢再加幾多錢就可以買個暖壺，然後豐澤每賣出唔知幾多個暖壺又唔知會捐幾多錢畀香港醫護。
「撐，一定撐。」
「代表香港醫護多謝你先，我哋有五個款 (定係四個) ，「愛」啦、「希望」啦、「成功」啦......」
「要愛，唔該。」
搞完一輪，放在盒子裏的暖壺擺了在我面前，當我給她信用卡之後，top sales 雙眼發光的說：「其實呢，呢批貨可能變絕版㗎喇，先生會唔會想買多幾個？」
「絕版？」
「係呀，」她指著盒子說，「你睇吓。」
睇咗，唔明。
「Made in Hong Kong 喎，」她說。
「咁又點？」
「遲啲就，吓，你明㗎啦。」
「真係唔明。」
「遲啲就 Made in Hong Kong China 㗎喇！」
我那刻的笑容是由內到外再去番內：笑是笑自己蠢，也是笑她有多聰明，竟然由客人的少少舉動可以判斷到客人的顏色。
就這樣，吳小姐做多咗三個暖壺嘅生意。
下至 top sales 上至打工皇帝，誠哥能夠大大力幫香港人，其實也是有賴集團全球二萬多位員工的智慧。
姓吳的皇帝 在 吳姓-姓氏起源 - YouTube 的八卦
吳姓- 姓氏 起源. 176 views · 6 months ago ...more. みかん生活. 30 ... 她是大漢奇女子，還是恐怖女 皇帝 ？讓劉邦穩住漢家江山的，竟是心狠手辣的 ... ... <看更多>