半年前的一天, 到了屯門, 時間還早, 食個TEA.
信步至屯門市廣場, 入太興.
好FULL, 侍應問: '介意搭檯嗎?'
心想, 一個TEA罷了, 連說可以.
我被帶到一張桌子, 坐著一個婆婆.
禮貌問聲: '婆婆, 我坐呢度得唔得呀?'
'坐啦, 無人架, 你唔介意同婆婆坐就得啦!'
就座, 看著TEA-SET餐牌, 覺得食太興都唔平, 一個TEA都要幾十元.
嗌了想吃的, 等待中.
望下婆婆, 她也在看我.
婆婆笑, 問我: '咁晏未食飯咩?'
我答道: '食咗啦, 又肚餓番, 又要食下午茶啦!'
婆婆見我肯與她攀談, 很高興, 開始自動波說自己的事:
'我日日係度食架, 食完就去湊孫放學啦!'
'咁你有幾多個孫呀?'
'十幾個孫, 有個曾孫!'
嘩, 我心想, 佢個家族d人都幾productive!
我說: '你就好啦, 婆婆, 我仲未結婚添架!'
婆婆於是問我幾歲, 我說快40了.
她一臉驚訝, 我滿以為她會說'你這麼年青, 真看不出來'等等的話, 怎知她言:
'我十幾歲就結了, 你40仲未結, 陰公囉!'
然後便是老人一臉的悲天憫人及同情.
我覺得婆婆心地很好, 便問她為何這麼早便結婚生育.
她說那時候人人都是如此, 秉承有仔襯嫩生的傳統......
聽著, 竟然知悉她一些事, 卻偏是出格不傳統:
'我老公, 是窮家子呀, 那時我是富家女, 為了她, 和家鬧翻了!'
我心裡喊勁, 聽得饒有趣味, 為助談興, 便問:
'那麼你老公一定很錫你啦!'
婆婆說: '不是的. 他結婚第一晚, 就去咗叫雞!'
!!
她續道: '佢經常徹夜不歸不特止, 出面又包二奶, 仲有D野更衰既野呀......'
我心諗, 佢老公唔係攪埋基掛? 又基又雞又奶, 好複雜......
婆婆說: '佢仲成日打我呀! 有一次, 佢用衣架打我, 個衣架打到彎咗, 我仲跌埋落地下喊添呀!'
我聽到熱血沸騰, 心想:
娶一個女人回家, 男人便應愛她;
若不愛她, 又何必娶她?
更何況, 這個女人為他放棄了一切, 家人, 名譽......
那個男的, 卻不感恩, 更在外另有別室, 尋花問柳?
我問婆婆: '你被老公打, 咁你點對付佢呀?'
她說: '一個字: 忍! 忍足幾十年了!'
唉, 這個忍字, 背後有多少的辛酸苦難,
現在的人, 動輒分離, 有誰做到?
以刃加心, 痛苦之極矣.
但百忍, 又是否真能成金?
婆婆的故事, 確是百忍成金.
她續說:
'我後來自己在石硤尾開了第一間茶餐廳, 慢慢再開多3, 4間, 生活好多了.
現在子女各負責一間, 我弄孫為樂! 一陣湊果個係曾孫......佢成日瀨屎!'
啊, 龍隱隱於市, 原來是餐廳婆婆老闆呢.
臨走時, 我忍不住問:
'那麼, 你老公現在還有沒有打你?'
'沒有了, 子女大了, 都不容許佢再打我啦.還有......
他中風了, 癱了.'
婆婆說:
'我現在, 每天都在照顧他, 直到他走吧.'
離開太興, 我心中想的, 是那個在床上躺著的男人:
你知道每天仍默默為你抹身體, 清理大小二便, 助你轉身的人是誰嗎?
就是為你放棄了一切,
被你毒打,
忍你在外包二奶叫雞的妻子!
你的子女都恨你, 只有老妻守在你旁!
女人, 很多時被男人傷害, 利用, 欺騙,
但只要內心是向著你, 她始終會對你不離不棄.
你覺得這是蠢? 是愛? 是等? 是忍?
我只知道, 這是一個我食TEA時親耳從婆婆聽來的故事.
如心廣場餐廳 在 荃灣如心廣場美食推介-山見台式火鍋| 90分鐘食到飽 - YouTube 的八卦
今集店鋪推介：山見台式火鍋】 地址： 楊屋道8號 如心廣場 1期1樓126-127號舖營業時間： 星期一至日: 11:30 - 23:00 地鐵：荃灣西站E1出口， ... ... <看更多>