話說英國最近都慢慢重新解封，一眾食肆一係露天擺檯在街上食、一係就在室內桌與桌之間兩米距離再加塊版，再唔係就做外賣。
人妻先生早排生日，咁就去左China town諗住買榴連慶祝（大家有睇我post就知道榴連有幾貴，唔係生日都唔捨得買），行行下又肚餓，唔知點解好想食叉燒燒肉飯，於是鬼迷心竅去文興買左盒飯。然後問題就來了— 間野淨係做外賣，我買完點食呀？！
結果呢... 我餐生日飯係坐在路邊食 😂😂😂 佢啲燒肉ok都仲脆皮，但叉燒真係有啲乾同埋瘦，不過算啦，好又一餐唔好都係一餐，疫情問題大家生意唔好，燒味掛久了乾一點也沒辦法，當係支持一下就好。
我又唔覺得有咩問題，畢竟又唔係日日都在街邊食，加上天氣好、條街都算靜同埋乾淨（很多鋪頭還沒開）偶爾為之覺得有點「很特別」。不過，我下次都係會正正經經搵間露天餐廳食飯就算，因為可能老人家年紀大，咁樣將啲飯菜放在膝上食，真係食到條腰有啲痛😂😂😂
但我真係要講句，如果你食嘅嘢有汁，真係好易食到自己成身係，我都滴左一滴豉油落我條褲🙈🙈🙈所以如果打算在街邊食飯的香港人讀者，我強烈不推薦食任何有湯有汁的東西，真係會食到自己好污糟🙈🙈🙈
食完之後，我去左食抹茶新地，呢間係可以在室內食，在街邊食完飯盒後再回到堂食的甜品世界，似乎幸福感會數倍提升。
不過，我都覺得英國政府待我們不薄，衰極我都叫做可以揀在街邊食、或是在餐廳室內/外食，如果我在香港的話，一諗到要買盒燒味飯去郊野公園食，都真係背脊骨落了...
#結果買左件伯爵茶餅返屋企食
#呢間唔係「你啲M」
#我唔會食人地啲M架
#人血蛋糕play
#但真係好好食
#沖壺靚茶自私食
#飲飲食食最開心
