有線（1097）供股易主呀可？睇吓報價機，高低位都著晒燈，有線作為「非妖股系」股份，能夠同一日，創一年低位再炒返上一個月高位，果然名副其實係一個「奇妙電視」。
更奇妙嘅係，當邱達昌俾記者質問，今次供股方案令好多人拎好多碎股，邱達昌竟然講，「#碎股又唔係我發明。」呢啲，就係霸氣。
好啦，咁隻股點解升？咁要睇睇有線記招講過咩…削支、節流…仲有裁員一成。即係咁，有線2000個員工，一成即係200個。咁炒咩人呢？佢冇講，但佢講咗一個Point，就係「TVB有24小時新聞，（TVB）新聞有300人，據我所知，有線有500人。」相差，岩岩遇著剛剛，就係200個。
公佈「炒魷200」之後，股價就由午收前0.53元炒返上去，收市升16.4%報0.71元；兩個價代表咩？代表公司市值喺公佈裁員計劃之後，市值多咗3.6億元，即係呢200個即將壯烈犧牲嘅員工，每個值181萬元！
佢會炒咩員工，我唔知。但我只知道，有線新聞的確好出色，如果話因為同隔離台比，「人哋少啲人，即係少啲人都做到。」咁好明顯邱達昌忽視咗有線新聞嘅質素同口碑。係呀，今日隻股係升返呀，但可以好肯定嘅係，一個好嘅新聞台，對社會嘅價值，一定遠超3.6億呢個銀碼。
Sorry，社會價值？邊個會理？
by千頌C@堆填區
http://fb.com/winbigwok
奇妙電視76台 在 【4月1日】 香港開電視正式啟用大氣電波廣播 - YouTube 的八卦
【 隆重宣布 】 #香港開 電視 上大氣電波喇各位鄉親父老、觀眾、波友！小編隆重宣布 香港開 電視 77台及香港國際財經台 76台 於4月1日正式啟用大氣電波 ... ... <看更多>