聽講最近興肥仔出好歌，有陳詠謙 Chan Wing Him 既「告白」啦，仲有 @kb_kevinboy 既「我是肥仔」，宜家輪到朕出歌為肥肥一族爭光啦！
FatKing 同 @yamankeung 既首隻#HKEDM - "Another Day" MV尋日終於出左啦！
Yaman & FatKing - Another Day (Original Mix)
http://youtu.be/k0TUQjCf2iM
係度我想再次多謝所有人。
首先多謝好兄弟Yaman邀請我一齊搞呢隻歌，佢係 #AnotherDay 既媽媽，係佢生出黎既，我最多只係老豆，負責射D idea同個Lead連歌詞去美化佢，日後佢一定可以成為一位好出色既DJ/Producer！
同時要多謝昔日beatbox冠軍轉行吉他手既@dollverycool 同超氣質靚女型Vocal @gladys.li 。佢地係呢首歌既靈魂，首歌既Emotion同個feel最主要係靠佢地去表達！估唔到多年後我地竟然唔係夾Vocalmic而係夾EDM 哈哈！
多謝好兄弟兼偉大既導演「火都泥」創作室 小智！永遠一講拍攝我第一個就諗到既人！拍野靚到痴線既精靈訓練員！以友情價到一個地步差唔多係饋錢咁去Support我呢個project，百忙之中都特登抽時間出黎，通宵拍攝，為呢個MV仆心仆命，仲要差D爆埋個鏡頭... 個MV鬼死咁靚真係因為小智既偉大貢獻！請大家多多支持 #火都泥！
多謝三位女神 易劉 YickLau, Ruby Close, @yannaho 既演出！我為呢首歌寫故仔既時候，成個腦都係易劉個易，我仲質問緊自己當時係咪暗戀緊你，但心諗你咁衰屈我鍾意little twin star無奶油啊！講笑就認真感謝啦... 個人覺得呢隻歌個女主角"非啊易不可"！我認為係我認識既人裡面無一個人可以比你表達得更好！由自閉、迷失、害怕、發狂 到 陽光、希望、活潑 都表現的淋漓盡致！真心好多謝你願意應承做我女主角！如果唔係我就頭痛啦... 心裏根本無二號人選
最後最後好多謝各界兄弟姐妹朋友既支持，同時希望可以有更多人繼續支持！我自己毫無樂理常識，亦無學過咩樂器，只係單憑感覺同經驗去做。唔好理其他人點樣打擊你，話你呢樣唔得果樣唔得，只要自己鍾意就去做！做歌、拍片、玩音樂唔係為搵錢、為比人聽去做，而係單純為自己、為興趣、為想分享去做。理鬼得首歌搵唔搵到錢，多唔多view，鍾意就去做！要既係創作既過程同完成後既成功感，有人欣賞係bonus，並唔係應有！這才是藝術真正需要的心態。
