【香港設計可重用飲管】Green One壹卷飲管/壹對飲管
#自費 #非廣告 #非推介 #純分享 #用後感
即係咁，
我從來都唔係一個講究環保嘅人。
但係都想買返支可以重用嘅飲筒帶出街用，
皆因我真係好撚憎用紙飲筒。
一直都無買，因為覺得佢哋好難洗得乾淨。
無意中上網見到一間叫Green One嘅香港設計工作室
出嘅呢兩支可拆式飲筒就買嚟試下。
講明先，
雖然係香港設計仲攞埋外國嘅設計獎，
不過佢哋係中國製嘅。
飲筒有兩款，
一支係壹卷飲管，
捲合式設計可以想像為將圓管開邊咁攤開。
佢用嘅膠都幾硬淨，
所以就算攤得開都唔好諗住佢好軟身逐吋都畀你用手指捽得到。
另一支叫壹對飲管，
構造係可拆式嘅用兩邊扣住，
摸落比捲合式嗰支更厚更硬身，
亦更加難塞隻手指落去捽。
所以兩支就算都係拆得出嚟洗，
但係都係用水沖，
又或者要自備好細嘅刷嚟洗。
不過佢哋拆得開，
所以亦好清楚睇到先乾淨未。
兩支筒都好硬淨，
用嚟攪嘢飲完全無問題，
開合位都做得好好，
飲嘢無漏風，
兩支都夠長可以用喺一般瘋狂搖搖杯嘅大杯size，
不過兩支個頭都唔尖，
如果用嚟直接拮開啲用膠膜封嘅杯要夠衝力，
仲有可能插到一地都係。
可拆式嗰支個窿好細而且似長方形，
啜唔到配料。
捲合式嗰支個窿大啲，
勉強啜到愛玉，
蘆薈啜到啲啜唔到啲，
珍珠細粒啲嘅有機會啜到，
大啲嘅都會塞，
所以基本上好似係預你用喺啲無配料嘅飲品度，
有料嗰啲都唔係下下用得著。
而家出去食飯都會試下拎嚟用，
用咗一陣已經試過唔小心畀人收走咗，
因為飲完杯嘢傾多幾句先起身，
咁未起身之前人哋執枱我哋又無留意咁就畀人收走咗，
好彩人哋醒目拎返轉頭，
如果唔係我哋應該返咗屋企都唔撚知。
對我嚟講有少少雞肋，
希望之後搵到拆得嚟洗又粗啲嘅，
咁飲埋瘋狂搖搖杯都無難度。
如果你聽完都係想買嘅，
FYI我喺官網買，
壹卷飲管HK$40，
壹對飲管HK$45，
未包運費。
如果二揀一，
我覺得壹卷飲管好啲，
個窿大啲啜得爽啲又無咁易塞。
不過，
呢篇真係唔係推介文嚟，
唔好誤會。
壹對飲管 在 One Bubble Straw 壹卷飲管(珍珠版) - YouTube 的八卦
「壹系列」可重用飲管的「壹對飲管」、「壹卷飲管」和「壹卷飲管(珍珠版)」打破傳統飲管的局限，容易清洗、方便攜帶。Green One 相信透過創新、可持續 ... ... <看更多>