《致飛天哥的信》
相信你發夢都冇諗過，你圍毆追打別人時，竟然係你心臟病發。
如果，你早十分鐘係一片混亂撕殺時心臟病發，你班好兄弟冇一個救到你。同時因警黑合作，選擇性唔執法，現場都冇警察幫你施基本急救。
更諷刺的，是因為被你地打傷嘅市民要叫救護車協助，救護員到達現場時就遇著你心臟病發，才能立刻幫你進行心外壓，用體外除顫器電擊心臟，並提供氧氣給你嘅腦袋，平安送你到醫院。若果不及時用電擊，每一分鐘你嘅死亡率就會增加10%。
到醫院，一班醫護人員亦快速地幫你用藥，急救，做通波仔手術，救返你一命。
其實，呢班前線醫護人員同救護員極有可能嫉惡如仇，而且極度鄙視你嘅作為。佢地嘅工作係保護別人生命，而你卻係相反。不過，因為佢地尊重『專業』同使命，所以能夠拋開個人情感同批判，做好救人嘅基本職責。
世事有時就係咁奇妙。
我唔知係咩驅使你同一班兄弟衝入地鐵站無差別地打傷人同製造恐慌。利益？江湖義氣？英雄主義？「保家衛國」？更可能係致命嘅仇恨。相信你內心亦知道，在場除了有你眼中的「暴徒」，亦有男女老幼普通市民不幸被無辜傷及。
係我工作生涯中，急救過無數嘅病人，能夠像你這樣奇蹟生還，而且完全清醒，係極少數。我相信因果報應，行善積得，但多行不義必自斃。希望你重生後，好好珍惜生命，不要再重行舊路，甚至帶來正面改變。
祝安康
一位公立醫院急症室醫生上
基本急救 在 基本救命術 的相關結果
急救 之重要觀念. 5. ○確認環境安全. ○有效CPR可提供冠狀動脈及腦部的血流. 供應，增加電擊救回的成功率。 ○腦部缺氧4-6分鐘即可能腦死. ○基本救命術（BLS）：4 ... ... <看更多>