想買樓前請認真睇睇。
#手動轉
有好多朋友唔明，點解林鄭放寬按揭成數必然會推高樓價，係呢度簡單講解下。
首先大家要先了解一下，香港依家平均既樓價係16000-17000蚊呎，大西北、市中心、豪宅另計。
而對普遍一家三口黎講，一個單位兩房400呎既生活空間係好基本既需求。心水清既你，屈指一算，就大概得知，要買一間住到一家三口既單位 ($16000 or $17000 X 400 呎)= 六百四至六百八十萬既預算係好保守。
根據舊制下，六百萬以上既樓，最多只可以借六成。680萬既樓計埋印花稅、經紀佣金、律師費等等雜費，我當你完全唔裝修就住入去，你都最少需要300萬既首期。
對呢班人黎講，就算佢地收入同積蓄可以借9成買400萬既樓，或者借8成買600萬以下既樓，佢地都未必會買，因為買完都唔夠住，放租咩? 又怕用完首置之後真係樓市跌啦，佢又唔可以即刻換樓因為要比雙倍印花稅。咁咪唯有租住先，萬七八蚊一個月都冇辦法。
好啦，新政策放寬按揭成數，依家買680萬既樓只需要一成既首期，計埋所有印花稅、經紀佣金、律師費等等雜費，150萬唔使已經可以上車唔使再幫人供樓，你係呢一家三口，你會點做?
本身只夠買400-500萬樓既人會走去睇600-700萬樓，喂大佬一成首期咋喎，我咁比心機月儲5000蚊再加上DADDY MUMMY比既60萬已經可以成功上車啦，仲使用4球買劏房咩? 所以細價樓會好短暫跌一跌，市場供求首當其衝升既會係600-700萬呢啲。
多人比得起首期業主就梗係坐地起價，你唔買就算一陣仲有3，4個買家等緊睇樓。好自然地，本身680萬左右既樓會升到去800萬。
啲人開始冇得揀，就會逼於無奈去返買400-500萬樓，於是400-500萬樓升上6球。
然後發展商見到廿三十年樓齡300呎樓都賣到8球，你估佢仲會唔會比啲500呎兩房單位開8-9球賣樓花?會既，機率大概同誠哥突然決定要回饋社會將全副身家平均捐比所有香港人差唔多高。
結果，當然係全港樓價gogogo ，直到下一個金融海嘯來臨，可能係5年內，亦可能係十年內。
you never know.
但呢五年十年，你要結婚生仔既，始終都係要住。你會否承擔到5-10年樓價租金暴升白白幫人供十幾年樓既風險？
最最最撚癲嗰種野係，為左防範樓市泡沫，舊制既壓力測試係新制下不復存在。只要你肯比多啲按揭保費，就唔使理如果呢30年內真係加息而你人工跟唔上供唔起樓既風險，照樣比你蒙頭入閘。政府係環球市場預期經濟衰退既情況下，荒死你樓市泡沫唔夠大，爆起上黎死得唔夠多人咁推呢個新政策。明顯地，只係為左短暫呢一刻既維穩。
呢幾個月既反送中運動好多中產都支持，佢呢個政策一出，多左人做樓奴，多左人比佢綁上賊船，就少左人支持攬炒。再有重大示威影響到經濟就會多好多樓奴為左自己利益而撐政府，長遠就達到好撚維穩既結果。因為呢班樓奴，已經簽左30年既賣身契。
有人睇到呢度可能會問，咁新制度出台，真係幫到多左人上車喎。
係呀，我真係恭喜你可以上車呀，不過唔該你每個月要供多啲，年期供長啲，然後呢三十年求神拜佛健健康康唔好有病有痛，經濟唔可以變差否則一個唔該變負資產。唔可以有裁員，否則你飯都冇得食不突止仲要訓街。成世人就乖乖地做港豬唔好再諗反政府反中共。
至於年青人呢?
本身畢業左幾年，揸住筆辛辛苦苦儲落既積蓄，你仲幻想過多幾年，升埋職，只要樓市唔好升咁急，你就可以買間細兩房，同女朋友求婚，第日生一個小朋友都仲可以有間房比佢。
但sorry，新政一出，好快你見到既地產廣告就會係: 超抵! 一房開放式單位只售800萬。
八球野只係夠買上車盤咋 DNLM。
