今日嗰位男仔喺民間記者會講咗一樣喺連登見過嘅說話：
記者問萬一真係出解放軍咁點？
個男仔隔住個口罩都見到佢笑住咁答：返屋企瞓覺。
你以為佢9答，但其實呢個係好多人嘅model answer。
而家唔係雨傘，冇佔領金鐘；
又唔係六四，冇佔領天安門。
簡單啲講，就係冇場需要清。
當你唔係靠嚇，當你真係出解放軍，
市民自然就識返屋企瞓返一晚好覺。
所以發展到尋日咁嘅形勢，天真的我以為政府要讓步了。
點知，佢哋繼續撐。
人人有眼見，而家大家黑社會又唔驚，解放軍又唔驚。
最後政府又淨係識搵警察頂喺前面。
係，其實政府仲有一招一路用緊，就係濫捕。
出一個拉一個，拉到冇人為止。
但你見到，抗爭者越來越be water，
你想濫捕都會越來越少機會。
都未講有好多勇敢嘅民航處/機場控制塔職員隨時罷工。
回到起點，政府仲想用咩招數？
仲玩五年前日日開記者會諗住玩民意？
香港人連民間記者會都出埋了。
點解仲唔選擇回應訴求？
你早啲回應，仲可以揀應承其中一兩樣訴求嚟分化市民；
而家已經好難講；
再遲啲先回應，只會越賭越大，難以收拾殘局。
我蠢，真係諗唔明佢哋及佢哋背後嘅人想點。
唔驚 在 譚新強︰AI會鍾意人類咪話唔驚！人工智能同基因研究一樣要 ... 的八卦
譚新強︰AI會鍾意人類咪話 唔驚 ！人工智能同基因研究一樣要監管？白領比藍領更易取代IT人隨時冇得撈｜ChatGPT4.0｜百度｜Python｜美股｜Microsoft【經 ... ... <看更多>