既然尋日我出得街玩，就冇理由唔搵食嘅。粉嶺嗰度都好多選擇，有日本人開嘅 #爵士拉麵 啦，有 #群記豬手，兩間舖頭都門口排晒長龍，不過我唔失望，因為我今日一早已經瞄準目標，就係去有粉嶺Amigo之稱嘅Deluxe雅士餐廳。
幾經辛苦，搵到一個$320車位。因為我提早喺12點幾抵達，所以未係最多人嘅時段。入到去就有位坐，仲係窗邊位，外望咁啱又擺咗一盆翠綠嘅植物，春意盎然。
環顧四周，一切如舊，白色嘅牆，啡色嘅鐵窗，再加上天花上各種蔓藤，感覺良好，當然唔可以缺少嘅係因為疫情而要特別加裝，好將人分隔嘅透明浴簾！
望吓餐牌，最貴都唔過$90 ，平日仲唔使加一。已經包括湯、主菜、咖啡或茶或汽水或橙汁雜飲。對於我哋呢啲喺中環食慣晏嘅人，呢度簡直係天堂。
食物上枱，傳統羅宋湯，無懈可擊。接住係夏威夷豬扒，大大塊有兩件，白飯滿滿，芡汁厚厚。咁好唔好食呢？係好好食，嗰個芡汁好似叉燒汁咁，豬扒係有骨嘅，如果以平日正常嘅我來講，我應該食唔晒啲飯同埋豬扒，結果係我全部掃清，連嗰啲七彩雜豆都唔放過！如果真係要彈，杯咖啡差咗少少，但係總括來講，以咁嘅價錢，再加埋啲回憶感情分，我會俾人90分。
食飽飽喺周圍行一圈，非常滿足。更開心係，返去攞車嘅時候，冇牛肉乾。又係嘅，都食到咁飽，仲點食得落牛肉乾呢，更何況我喺香港都唔食牛嘅！
#何嘉麗callmegaga #何嘉麗 #出街玩
#粉嶺 #聯和墟 #為食路上
#雅士餐廳 #DeluxeRestaurant
#我喺香港唔食牛
#唔好問我攞地址亦都唔好問我點去Google下啦
唔好問我攞地址亦都唔好問我點去google下啦 在 《區區有女神》十優麥明詩返女拔教師妹做「撞完」 - YouTube 的八卦
唔係呀講真㗎因為嗰時唔扮靚所以細個嗰時讀書 唔好 扮咁靚啲男仔會追你 ... 香港小姐你好呀喂香港小姐呀影幅相先香港小姐 都唔 影幅相先呀當然唔得啦我拉 ... ... <看更多>