唔只係sorry囉的八卦，Yahoo名人娛樂都在討論

我都唔想UP得咁密，不過今日遇到極品。

我：Good afternoon! This is XXX, How.......（未講完）
Member姐：喂！我係你地XXX MEMBER黎！
話說我地老板有其他餐廳，咁個Membership其實係屬另一個Club House。但我地餐廳佢地只係有10% off同埋無任何特別。

我：啊！有咩幫到你。
Member姐：我要訂星期六7:30PM 8位！private corner 喎。
我：唔好意思呀小姐。我地星期六分兩段時間，你可以簡6PM－8PM或者8:30之後。
Member姐：下！我MEMBER黎嫁喎！
我：係呀！MEMBER都有限時嫁。
Member姐：下！我覺得你地真係好唔得囉！作為一間高級餐廳！都限時，好離譜囉。
我：小姐，我地唔係高級餐廳黎，中價姐。
Member姐：下！你地D價錢比得起尖沙咀D餐廳囉！收咁貴！
我：當然啦！尖沙咀有咁多餐廳，不過我絕對相信我地係中價，未屬於好貴好FANCY既餐廳。我地都係行CASUAL DINING姐。
Member姐：哈哈！whatever啦！真係要同"XX"（Club house一經理）傾下你地D問題囉！又限時又唔俾人簡時間。
我：可以呀。咁小姐你想幾點？
Member姐：8點半啦！我會早黎嫁！我唔想企係度等！你好早D READY俾我。
我：如果你唔想企係度等，小姐不如唔好早黎啦。或者去CLUBHOUSE度等，我地READY先打俾你。
Member姐：得啦！同埋！我要用兩張＄500 COUPON！姐係＄1000。
我：小姐, COUPON只係可以一次用一張。
Member姐：又要限時！又要唔俾用兩張。有無搞錯呀！你地D服務真係好差囉！俾得人就預左人用嫁啦！又要分兩次！我特登又要約人黎過呀？？！！
我：UM⋯⋯其實小姐張COUPON有寫到明每次只可以用一張。
Member姐：咁咪當我分兩張台囉！我一定要用哂兩張！我要同"XX"投訴你地囉！離哂大譜！
我：小姐你唔洗勞氣，冷靜少少，等我搵經理幫下你啦。

Anyway, 我經理都唔撚想SHOW 9佢。人地落緊場，真係煩嗨屎忽精。

Member姐：而家唔係錢既問題，又唔係扣成＄2000! 用＄1000都咁多要求！
經理：小姐，唔好意思！我地都係按公司規距辦事。如果令你唔高興唔好意思。今次⋯⋯
（總之俾條仆街嘈得掂啦，俾佢破例用。）
Member姐：係囉！我都唔係麻煩客，都唔想勞煩你地！我會同阿XX講，叫你地改善下嫁啦。

＊＊＊＊＊＊＊＊＊＊＊＊＊＊＊＊＊＊＊＊
屌你老母！你咁都唔撚係麻煩客呀？
你係唔"只"係麻煩客。
你仲係CHEAP 中之霸，嗨太后祖先，鳩UP族族長，窮撚到＄100-200(according to openrice)價位餐廳都話高級餐廳既無知婦人。

真係聽完個電話。真係立即脫苦海。
把聲又尖又嘈，第一句話自己係MEMBER已經FEEL到無好野。
又用COUPON又乜又柒。仲要話唔想勞煩我地！唔係錢既問題。笑到我真係GAPGAP聲。點會唔係錢既問題姐。而家就係唔俾你用COUPON扣錢，你條CHEAP嗨先發脾氣炸嗎。真係唔係錢既問題？？？？？？？？？？

申請MEMBER既人，十個鳩個都係貪小便宜既人。
大部份都真係好撚麻煩！！！！！！！！
黎親又唔BOOK台，無位又黑面。呀老世！你張MEMBER CARD係CLUBHOUSE唔係LEE度嫁。仲有呀！星期5, 6 日D日子用個死人腦諗撚清楚有無餐廳會專登HOLD台俾你黎？
滿撚哂都走入黎話：『 MEMBER，4個。』
我：『HI，SORRY，而家FULLHOUSE。』
又重覆：『我喎！MEMBER喎！』
我：『係呀！你呀！MEMBER先生！而家無位呀。』
你老尾，滿就滿撚左嫁啦！唔通我大叫，你地班仆街街客！我有MEMBER 4位！快撚D起身讓位俾我個食好撚少野，又老馮唔BOOK台，有折都從來唔俾TIPS，又無禮貌夾睇唔起人，又大支野既最最最最最專貴隔離CLUBHOUSE既MEMEBR坐！人地MEMBER黎嫁！！！MEMBER黎嫁！！！！！！！！MEMBER黎嫁！！！！！！！

《老伯仆街了　之　其實對自己嚴格嘅民族真係好辛苦》
　
我每次去日本都總會比日本人嚇親我，嚇親我嘅除左係佢地嘅創意，仲有佢地對人嘅態度.....
話說，有一日我行街掃完好多貨，喺其中一個地鐵站行樓梯上地面，行行下嘅時候，尾隨我嘅一個日本老伯，佢都係拎住兩袋野，一不小心，老伯仆街了，佢其中一袋野跌地前掟左去我後腳，我就發出「唉呀」一聲。(其實佢袋野只係揩到我，冇kick 低我。)
　
老伯仆街仆得好應，但佢比我想像中快好多爬返起身.....
原來佢咁快起身，係因為佢知道佢袋野掟到我，佢要趕起身同我講「哥咩啦西」，原來喺佢眼中，say sorry 係重要過睇下自己跌得有幾傷。
　
我真係覺得日本人對自己好嚴謹，對自己嘅品德要求好高，小小嘅過錯，都唔會輕易放過自己......
　
日本人嘅嚴謹，你係可以由佢地嘅服務業中，深深感受到....
上次去日本嘅時候，我book左去剪頭同染髮，佢係每個step 都講解同準確地完成，剪完頭仲送你出門口講byebye。試過日本嘅服務，再對比香港嘅服務，你會明白咩係物超所值。今次我去日本book 左做指甲，真係做得好仔細，而且佢竟然每隻手指同你按摩，令你明白到咩叫服務極致。
　
我唔係想話：香港嘅服務真係差啦，真係冇得同日本嘅服務比...
我係想話，每次我去日本，都會諗「日本嘅打工仔真係好大壓力」，唔只係佢地嘅boss，佢成個社會嘅要求都咁高，打工嘅人喺唔可以俾個社會摒棄嘅情況下，都唔可以得過且過，冇得hea 做，唔只要維持一貫嘅水平，仲要將個水平愈扯愈高。
　
然後我會諗.....日本一個咁嚴謹嘅民族，對住咁多咁唔守規則嘅外國人，會唔會好燥底？
有一日我去museum，入場首先要排隊搭lift，入lift 之後，個museum 職員舉牌，個牌係以英文，韓文同中文寫住「出lift 之後要買飛入場，請各位跟返排隊搭lift嘅次序，排隊買飛」，日本人係連呢D 咁細緻嘅位都諗到公平嘅問題，唔想大家出lift 爭先恐後買飛，於是未出lift 就remind 你。(亦可能係，日本人眼中理所當然嘅規則，外國人都做唔到，於是要專登整個牌出來remind 你)
　
問題係，唔係個個外國人都服從日本人嘅規則。
唔可以蝕嘅強國人，係唔會理你嘅規則，佢會首先扮睇唔到規則牌，你指出佢不是嘅時候，佢再扮冇知，話唔知有規則。
　
聰明嘅人係最怕蠢人，守規則嘅人，係最怕唔守規則嘅無賴。我諗對日本人來講，每事嚴謹，應該唔難，佢地早已習慣。要忍受冇佢地咁嚴格，咁守規則嘅人，先係最支力。佢地作為一個有禮貌嘅民族，又唔可以show 到bad feeling 喺面上，真係好辛苦。亦所以，我明白點解中港唔可以融合，因為水準高嘅人對住水準低嘅人，你係時刻都燥底架。
　
PS. 日本來講，我覺得去玩就爽囉，如果調轉個身份，我做日本打工仔我就覺得唔過癮囉。下次去日本，好想book 做facial 擠黑頭，以佢地咁嚴格嘅服務，擠黑頭一定擠得好徹底架。

【我女朋友係護士】

繼續係農曆新年期間嘅事。

初二晚初三凌晨，車公廟一帶車水馬龍。生活過得愈差、愈無力，靠向神明嘅人就愈多。遇到嘅難題日益沉重，也許寄託虛無縹緲嘅神祇，已經係能力範圍內最有效嘅解決方法。

上車嘅男人拎住誇張嘅大風車，去威爾斯親王醫院。我唔敢亂比反應，「哦」咗一聲就開車。「辛苦你地喇司機，新年流流都仲開工幫手。」男乘客忽然提起我自問不配嘅讚美，我連聲否認。「真係㗎，我好明白，我而家都係去接我女朋友收工。又無人想開，又始終有人要開，辛苦你地。」

「你女朋友係做⋯⋯」我探聽一下，先有得討論。
「我女朋友係護士。」男乘客有氣無力咁話。
「嘩，咁咪好辛苦？你就佢都唔容易喎。」啱啱轉黃燈，反正乘客唔趕，我收慢無衝，停喺河畔燈位。

「司機你識啲嘢，我啲白痴朋友一知我女朋友做護士，淨係識話好羨慕，有制服玩。」原來，男乘客啲朋友一聽到護士就AV上腦，淨係諗到白衫白裙白絲襪，可惜電影與現實有段遙不可及嘅差距。「香港護士裝，設計樣衰都算，工作制服最緊要方便，但係成日都有漬㗎，血漬屎漬嘔漬，啱啱一齊我都有ff過，直到我女朋友話套嘢有人嘔過，洗乾淨咗嘅，我想玩佢唔介意着住，即刻鳩都縮啦。」

突然，左轉嘅綠燈亮起，隔離直去線部車竟然郁，我一手拍落個安度，鄉事會路右轉嘅頭車亦同樣響安，總算令隔離部車及時停下，只露出半個龜頭。

「好彩無撞到啫，」乘客鬆一口氣，「如果撞咗，我女朋友又要再遲啲收工。」「撞咗反而唔使等咁耐，一係佢地炒埋嚟我地一齊入醫院，一係無事，我地就去錄口供，都係有排搞。」逃過一劫後，又可以輕鬆吹水。

「我真係好憎呢啲非必要事故，一個柒頭就要連累我女朋友遲收工，多壓力，累到我俾人鬧，鬧完仲要我開解返佢，就係因為呢啲柒頭發雞盲。再有愛心有耐性嘅女人，都俾呢份工作量壓到刻薄無情。」開車之後，男乘客繼續發勞蘇。「咁都無辦法嘅，條路自己揀，你咪俾啲心機幫下佢囉。」「啱呀，我咪去車公裝注香，買個風車幫佢轉運，仲求咗支籤俾佢，希望嚟緊會無咁多客啦。」

去到醫院，乘客找錢預備落車時，兩個大媽已捉住車門。「司機你就掂啦，貨如輪轉呀。」我望一望兩個大媽嘅衣着打扮，輕嘆：「都好睇咩貨嘅。」果然旗都未起，大媽們已心急上車：「去誰喘搲邨。Cry。」「Sorry，我急屎，你等下先。」然後就趕返兩個大媽落地吹風。

假如車公有靈，希望佢會直接解決問題根源，而唔只係透過籤文點出問題所在。明白的人從來都清醒地受苦，邊個唔知香港走上畫餅充飢嘅死路？大概只有畫餅的人了。