有位後生女，由佢讀大學時期，我已經認識佢。
有次佢嚟到診所睇病，佢話我知：「我終於做咗Designer啦…」，之後佢嘆咗口氣～
我：「做咩咁嘅樣呀？你之前讀design唔係一直都恨入呢行嘅咩？」
佢：「以前係嘅，以前好憧憬可以喺呢行發圍㗎，而家我知咩叫現實啦，現實就係無論你讀書時做到幾好，出到嚟都係俾人係咁踩，設計根本唔係你想做咩就做咩…就算我幾投入，做到飯都唔記得食，OT O到夜一夜，都唔會有人話『做得好，繼續努力做呀！你得㗎』」
我：「咁…你諗住唔做啦？」
佢：「唔係喎，就算全公司ban我，我都仲有個宇宙最強嘅人俾動力我撐落去，我仲有少少火㗎！」
我：「男朋友呀？」
佢：「我阿媽呀，我阿媽日日都煮定飯俾我，我成十一二點返到屋企一打開微波爐就會見到佢留俾我嘅飯。你知唔知會煮啲咩呀？」
我笑笑：「係咪雞翼雞翼同雞翼？」
佢 （帶有不屑眼神）：「話明宇宙最強囉，係有東坡肉啦，豉油王雞肶啦，牛肋條呀，連叉燒都自己整呀佢！」
我已經自動腦補有音樂播緊 『世上只有媽媽好～🎤🎵🎶🎼』睇佢不停講媽媽煮嘅嘢有幾勁有幾好味，我今日都好想返屋企食媽媽煮嘅嘢～我媽煮嘢食都好好味㗎～
#淘大 #釀愛嘗溫 #別再讓愛待涼了 #唔係宇宙最強的我都撐你
