唔介意嘅話我每日都有好多嘢想講的八卦，Yahoo名人娛樂都在討論

Happy 100 Days!
最後都係擺唔成先生期待嘅<龍珠>主題百日宴喇😒😂
不過我哋都渡過咗愉快嘅一日
由懷孕後期到初生三個月
半年我無拍過片無寫過任何深入分享
全天侯照顧 @harperllov
所以而家點都要長氣一下

呢一百日佢喊得多
我喊得仲多
由每分每秒都唔知佢喊乜
總之就日喊夜喊
一日嘔濕十幾套衫
鍾意就三日唔屙屎
到知道佢有肚風呀搓肚仔呀
人生目標短到淨係想你捱過一餐奶
唔好三個鐘頭全喊
見到你成條蟮咁fing嚟fing去
個肚一定好痛真係好陰功😢

到而家基本上係我幻想中嘅BB食玩瞓
真係萬水千山
為咗唔好嘈醒對方
總之諗得出嘅都試過晒
包括一個瞓一個匿喺㕑房抱住
因為㕑房最遠
最長試過十四五個鐘無離開過我心口
條頸同對手睇完醫師馬上又痛返
媽媽手已經唔理
係媽媽背媽媽膊媽媽全身
無數個夜晚抱住佢望住個天由黑變光
嗰種感覺真係難以形容
但係相信好多媽媽同我一樣
會覺得自己湊係值得
同埋就算有人幫嘅媽咪都唔會舒服太多
可以抱就抱因為佢大個就唔使你抱
望住佢初生細細粒到肥肥白白識笑
真係覺得好幸福

收到好多百日媽媽問我點算好
以前你問我暗瘡點算毛孔點算
我有10個方法比到你
新手媽媽嘅辛酸
我真係只可以同你攬住一齊喊
然後咬緊牙關繼續戰鬥

無論如何
知道好多朋友都係睇咗我嘅分享十多年
我都會繼續同大家分享
尤其今年媽媽們
其實所有人都係好難捱嘅一年
我哋一齊加油💪🏻

小型百日宴相片在這裏拍攝👇🏻
(舒適度真的10分滿分，10分推薦大家選擇這間酒店!!)
JW Marriott Hotel Hong Kong
香港JW萬豪酒店
百日聚會arranged by @prenatalhk
Photo by @littlefootprint.photography
Make up @eyemakeuphk
Hair @vincentshair
Dress @#IRISandINK @theoutnet

#其實我真係有咁長氣
#唔知有冇人會睇
#唔介意嘅話我每日都有好多嘢想講
#只係過去嗰半年無時間打

夜燈照，霓虹光，紅妝女郎樓下看，街上幾個人兒盪，紅車舉旗四處闖。鬧市的深夜如此耐人尋味，彷彿誰也殺不掉那生機。
日出而作者要不早已安睡；要不就如街上幾檔食肆般，洗洗刷刷，準備關門歸家。
日入而作者又豈止艷娘與司機，正如弼街這一家小店，才剛亮起了燈。
招牌上的射燈保持晦暗，隱約見到是深棕色雲石底配以「金華冰廳」四個金燦大字，
這個色樣顯然是老舊款式，對了，這是一家有四十六年歷史的老店。
越過前方賣麵包的小檔口，穿過舊式的玻璃雙門，又是一片漆黑，這裏似乎是小店的食廳，
還未來得及察看，後方盡頭處便傳來鏗然之音，只見有兩至三名男人於該處搬來弄去，揉揉眼睛細看，
他們手執的正是一疊生鐵焗盤，一股溫熱，正瀰漫着整間冰廳。

老舊的巧手
這是一間長方小店，前鋪為外賣麵包檔及食廳；後鋪為水吧、廚房及麵包工場。凌晨兩時，幾位師傅正在工場內準備製作麵包。工場地方不大，僅僅容得下三位師傅，裏面只有一張偌大的搓粉桌，銀鐵色的雪櫃以及裏邊殘舊的大焗爐，唯一的機器就是大攪拌機。工場內較為主導的，是一位已在此工作十數年的老師傅，他邊把攪拌機整理好，邊謂：「我哋嘅麵包用舊式做法，盡量用人手製作，好多準備功夫㗎。」以「我們」稱呼小店，可見其歸屬感之大，對於自己所做的麵包，他十分自豪，尤其是接下來要製作的菠蘿包。
小店習慣用老方法製作，不加化學劑，他先倒入麵粉，這是來自香港的九龍麵粉廠的麵粉，本地有名，再加入糖及豬油。他把豬油遞上，見豬油呈雪白色，指目前最好的豬油，來自荷蘭，豬油對麵包而言十分重要，質量次一點都已經大有不同，坊間很多麵包店都用台灣豬油，做出來的味道及鬆化度都不理想。接着，又加入雞蛋及奶，多用些雞蛋的話，麵包會更鬆軟美味，千萬不要吝嗇材料，不然就不好吃了，這是老師傅的原則。
待機器把材料攪拌成一個麵糰，師傅即撒一把麵粉於桌子上，再把麵糰放上。除了機器做麵糰，其餘步驟都要以人手做。三位師傅並排於桌前，先把麵糰捏成長條，再分成幾份搓成一個個圓形，三人一個勁兒地搓，不消一會兒就將圓麵糰整齊地放在盤上，好讓它們發大，這個過程就是發酵。發酵需時一至兩小時，發酵不足的麵包會又硬又實；發酵太久麵包又會如同空氣般，沒有質感。他把一根指頭壓下去麵糰上，只見它立即回彈至圓形，他解釋，倘若麵包用料不足便會塌下去；若加入添加劑的話，麵糰同樣會扁塌。
麵糰發酵期間，老師傅又開始製作菠蘿皮。加入麵粉、豬油、奶粉、雞蛋及砂糖，僅此而已。攪好的皮料偏黃色，不如麵糰般有彈性。將皮料用鈍刀壓成皮狀，薄不好，厚不好，均勻就最好，這就講求手感及經驗。於發大了的麵糰上噴上開水，好讓菠蘿皮黏附於麵包上，接着塗上蛋漿讓麵包能更好地上色，便將一盤盤的麵包推入焗爐，焗十八至二十分鐘，其間要轉爐。菠蘿包顏色要呈金黃，皮裂適當，不能過多，不然一咬下去表皮就會碎掉。
待麵包出爐之時，師傅就要開始製作酥皮蛋撻，這是小店最難做的食品，很多功夫。首先要把酥皮打起，白色的是酥皮，較有彈性，材料十分簡單，就只有豬油及麵粉這兩種食材。黃色的則是水皮，材料有雞蛋及奶粉，質感較軟。酥皮及水皮疊起來，就是一層層酥軟的效果。師傅先於桌上放上酥皮，將之用「酥槌」壓成長扁狀，再放上水皮，把酥皮包着水皮後再摺疊，重複至整塊酥皮都按壓均勻，分佈平均。
見老師傅動作輕柔，看着覺得輕鬆，其實十分辛苦，所有的手力都用陰力，他邊搥打邊訴苦：「呢個酥槌用咗十幾二十年，好重㗎！有幾磅重，一天打幾十次，好攰㗎！」語畢，把打好的酥皮切成四份，放到雪櫃中。待其變硬後，又再取出搥打，即可倒模。倒模後，要將酥皮平均地按壓於鐵模上，再倒入用雞蛋、糖及奶所製成的蛋漿，只要分量適當，蛋漿就會滑。完成後放入焗爐焗一焗，同樣是焗至金黃色。打開焗爐，酥香頓時撲鼻而來，同時告知時已六時半，麵包準時發售。


昔日的苦頭
踏出工場，水吧、廚房以及食廳已經亮了燈。兩三位樓面阿姐已經穿戴好圍裙就位。「睇住啊！菠蘿包出爐啦！睇住啊！」一位短髮阿姐高舉雙手，將一盤新鮮熱辣的菠蘿包托在頭頂上，由工場步出玻璃門外的麵包檔。只見麵包檔前站着一位束髻端莊的婦人，看其架勢就知是老闆娘，人稱「陳太」。既然員工眾多，為何尚要堅持每日到店裏親力親為？她邊把出爐麵包整齊放到門口的麵包櫃內，邊笑說：「每日我返工都有呢個感覺，希望透過呢度，令人感覺到仲有個有人情味嘅地方，大家互守互望。」有此想法，就是源自老闆陳生開店的一個概念。
老店於一九七三年開辦，當時大牌檔開始漸少，演變成偏向輕食的冰室盛行，其實就是茶餐廳形式。陳生及陳太生活並不貧苦，開此冰廳，就是因為陳生一個好客的性格，他希望有一個地方，能經常讓朋友來坐坐聊聊天，聚一聚腳喝杯茶，於是想到開間冰室，並提出取客廳之意，改名為冰廳。小店當年因為牌照問題，不能大動爐火，故此都是賣些普羅大眾的輕食，西餅蛋糕、雞批、叉燒酥等，略為飽肚的都只有麵食。好賣的食物，就是至今仍然街知巷聞的菠蘿包及酥皮蛋撻。隨時代改變，小店的外貌及座位依然保持一樣，大部分食物也不變，只是為滿足客人而加插了飯類以及小炒，反正都以快為主。
畢竟是四十多年前，總有些不一樣。陳太說起當年，竟是一肚子辛酸。當年，全店都沒有女工，員工全是男人，甚至光顧的客人都以男性為主，其他食肆亦然。她以前也是一個全職主婦，不止如此，來自保守的家庭的陳太，到店裏工作前，因為父母不允許，故從來都沒有外出工作。至一九九七年後，兒女都送去英國讀書，不用湊仔的她因為無聊，就來店裏來幫忙。對她而言，着實是一個很大的轉變。到店裏來，方發覺原來與人相處十分困難，她翻了翻白眼：「我直情以四個字形容，啞口無言，我從來未接觸過咁多人，雙眼從未見過咁多嘢，人哋講乜我都唔知佢有咩意思。」起初數年，根本沒有員工會聽她說話。她請員工做事，他們則認為其毫無知識，甚至着他們下班前先把地掃乾淨，也沒有人願意。她笑言：「佢哋唔做，我做囉！我忍耐力都幾高㗎。」
其實，不止忍耐力，陳太本是有主見之人，她來這裏第一件事就是改賣麵包形式。她見無論客人買多少個麵包，員工都只用一個膠袋盛着，結果客人吃麵包時，要用手指夾着麵包，她認為不體面，於是提出一個麵包用一個袋子的做法。起初員工都不接受，她惟有站在外面看着，員工不按指示，她即開口阻止，堅持了數年，又得客人讚賞，故現已經成了習慣。遇到這些問題，陳太不會跟老公打小報告，她不屑：「我唔會，我一個人要打理一個家庭，一樣需要堅強，我鍾意人除咗用手，仲要用心去做，由我做起囉。」日久見人心，員工現時對她十分尊重，相處愉快，好些員工都跟隨她十年以上。
她自覺幸運，在此，學懂了很多東西，最大的改變，就是懂得去關心別人，她漾起笑意：「冇人教我，但我喺度感覺到客人好關心我，我唔舒服佢哋會知道，我自己感動，所以我先學識咗去關心人。」她終於了解，有些東西要在生活中磨練。
然而，她學懂了，人情卻漸消逝。以前客人間十分和睦，沒有人介意搭枱，一起坐後就會互相對答，但這些畫面漸漸在她眼中消失，她嘆口氣道：「講吓講吓，連早晨都唔想講啦。」這份人情不知何時失落了。只是，人情去，光陰同是。年紀漸老，很多事情都由不得她去主宰。事實上，她意識到自己不應該再工作了，腰痠背痛。但累積了四十多年的客人，跟在她身邊多年的員工，真的捨不得。日子一天一天地過，她沒有後悔把時間都投放在此，這家小店對她而言，是其成長的地方，彷彿這是她的家，只要每天立於家門前，守護着這份舊情，足矣。


採訪：黃寶琳
攝影：胡浩賢﹑謝本華

金華冰廳
地址：太子弼街47號
電話：2392 6830
營業時間：6:30am-11pm
詳情： http://bit.ly/2TUq00E

========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)

《傳統三大智慧》這次賣書《李根興的生意哲學》對你做生意的啟示

希望你唔好覺得我好「吋」，在玩嘢...! 我只想真心同你分享我的思維。

中國人有什麼傳統三大智慧，在這次賣書過程都好有用?

想預訂我親筆簽名的新書《李根興的生意哲學》，可以whatsapp我(＋852) 90361143。

內容包括(1) 創業勵志故事，(2) 生意理論，(3) 商舖知識，(4) 創業隨筆。三百多頁，定價HK$198，2020年第二季出版。

P.S. 我只whatsapp 回覆至新書No. 854，其他會未來一兩日內會回覆。俾我一家人放下假先?

#賣書的傳統三大智慧
。。。。。。。。。。。。。。。。。

錄影日期2020年1月30日星期四 at Lake Tahoe
全文內容:

首先希望大家在香港保重，身體健康。 我而家嚟咗Lake Tahoe 呢度同外母一家人趁農曆新年滑雪，到處走走。

嚟緊第二季我會出本書叫做【李根興的生意哲學】， 內容包括好多勵志故事，生意理論，商舖知識同埋創業隨筆。基本上就係我過去18年創業的經驗同理論炒埋一碟。 我爸爸，亦都係我偶像，會幫我寫個「序」，總括佢1973年大陸落嚟香港兩手空空對我嘅創業忠告。 我三個女幫我用手畫緊個封面， 唔知係乜，佢哋話事，可能係個月球，可能係隻烏龜，whatever they think it's right. 到時你睇到。我仲已經搵咗多位商界名人，每人幫我寫三至五個創業原則同謬誤。全書約三四百頁。2020年第二季出街。定價港幣$198。

本來我都冇諗過突然賣書， 只係飛嚟嘅時候冇嘢做繼續要proof-read 本書，機上 wifi 有人問我幾時可以預訂，我畀咗個whatsapp number，就馬上收到好多order，兩三日內就賣了過千本。I have lost count, 未有時間數。So far 千四五左右掛。我唔係靠賣書搵食，not sure .....

我目的唔係想show off，反而係賣書過程入面有啲中國人嘅傳統智慧對我有三大啟發， 肺炎疫情總會過去, 可能到時對你做生意都有幫助。

(1) 「物以罕為貴」。

Whatever you sell, try to make it limited edition (限量版). 普通一本書印十萬本都得，但如果十萬本都一模一樣，就唔珍貴。 我自己頭嗰1000本就講到明有編號， 蓋章，簽名，加個人化的message，一千本之後就無 number 。

你做間茶餐廳都係一樣，每日都要推出啲特別限量餐，要講到明限幾多份，不斷update 剩幾多，咁人客先會覺得緊張，好嘢才爭住買。 亦都因為咁，你有冇留意到airlines網上嗰啲訂位，永遠都係得 few seats left for this price，幾個坐位剩，之後可能都只係加幾十蚊又有位啦， 但啲人客見到 few seats left for this price 就緊張好多，馬上訂位。

(2) 「瘦田冇人耕，耕開有人爭!」

之前啲人訂書，都係一本一本咁訂，whatsapp 覆到我手軟。 後來啲人就馬上平均訂書數目飆升咗兩三倍，點解? 因為我加咗句，限量每人五本，再後來改做每人限三本。 咁啲人可能覺得:「嘩，限三本，咁梗係好嘢!」，馬上個個都訂兩三本。 馬上賣得好快。

記唔記得我同你講過, 美國人好鍾意飲金寶湯。 超級市場想賣多啲金寶湯嘅方法唔單止係減價，根據1998年美國 Journal of Marketing Research 三位教授研究咗86間超級市場指出，佢哋發現如果純粹減價，由每罐美金89仙減至79仙， 平均每個人會買3.3罐。 行過買嘅機會率係7%。但如果擺個sign 喺度 Limit 12 Cans per Person, 每人限買12罐， 咁啲人睇到 limit 12罐，一定係好嘢啦， 個個係咁買，咁樣平均每人買就會由3.3罐提升至7罐。 行過買嘅機會率亦都會由7%提升至9%。 咁.... 總生意額就可以升咗165%。

你盤生意， 又有冇咩係可以唔單止限總數，仲要每人限量呢? 每人限食兩個特色漢堡包? 每人限飲三杯特色 milshake? 「瘦田冇人耕，耕開有人爭!」，中國人幾千年嘅智慧有佢嘅道理。

(3) 「小財唔出，大財唔入」

有冇留意到，我話部分靚嘅number我會出錢以倍數價錢回購。我回購咗1，2，10，18，111等，仲有其他我出咗錢，買家唔肯賣俾我。

It's not about money! 我做咗個 test， 當我話用作慈善用途，個個都賣比我，但如果我話我自己日後可賣貴啲，就個個都唔肯俾我。Why?

根據哈佛行為經濟學教授 Francesca Gino，呢個叫 Endowment Effect (禀赋效應)。人無嘅時候，就唔介意繼續無。但一擁有咗，就唔想無。 除非知道係畀另一個人，比佢更加差，能夠令佢好返少少，咁佢又唔介意再無喎。 即係等於做慈善，個個都ok，接受我個價。

但如果要令到佢由有變無，目的係令到另一個人更加好，比自己仲好的話，佢又唔制喎。 因此我話我想回購再賣高啲價，個個都唔肯賣畀我。

但賣唔賣畀我，唔重要。最重要嘅係，佢接受咗我嘅價錢，佢開心收到多啲錢，肯定周圍同人講。 即使唔接受， 都已經覺得自己賺咗， 肯定更加珍惜本書， 都係周圍同人講。變相免費 word of mouth marketing (口碑宣傳) 亦都係最有效的marketing. 有限錢，最緊要大家happy.

你做生意都係，「小財唔出，大財唔入!」。 開緊茶餐廳，試下每個碟有個number， 到某個幸運數字嘅時候，就請個人食餐飯。或者同佢講，佢可以選擇免費，捐咗個餐錢去做善事積福。

你食物成本最多幾十蚊，每日送十個、一百個都好呀，有限錢，但肯定 word of mouth 嘅 marketing effect 好大， 餐廳一定大排長龍。 我都會落嚟幫你宣傳送你啲「良心餐」出街。 好過為咗省成本，社運/肺炎，逆市白交租，拍烏蠅。

總之，「物以罕為貴」，「瘦田冇人耕，耕開有人爭」，「小財唔出，大財唔入」， 做茶餐廳，做牙醫，做運輸同樣道理。中國人幾千年的傳統智慧有佢嘅料到。我唔係靠賣書搵食， 都係兩三日單靠facebook 賣千幾本。 對我自己做商舖基金都好大啟發。你呢?

It's a good book，我畢生智慧係晒入面，想有我親筆簽名，whatsapp me at +852 9036 1143。出街時通知你點攞書。如果你 message mark 住以上「三大智慧」其中一個， 我會親筆係本書入面「第四個智慧」特登 Blank 咗嗰頁寫埋畀你 ? 其他人無㗎，大家香港保重!

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享https://www.youtube.com/channel/UCEN66AnLghXESgCDIsz-3Nw

INSEAD 知識分享【做生意如打仗 - 尋找 Blue Ocean 的六條新路】

如果你的競爭對手比你更強，你應該如何打勝這場仗呢? 根據 Blue Ocean Strategy 藍海策略之父 W. Chan Kim，有六條路「打勝」這場仗。你應如何應用?

聯絡李根興 WhatsApp (+852) 90361143

全文內容:

做生意好似打仗咁， 如果你嘅敵人好強，你同佢正面交鋒 ，即使你贏，你都只係慘勝。 你會好傷。

你同個強過你的競爭對手鬥平 鬥靚，就等如係同佢係正面交鋒。 呢個係一個紅海， 互相廝殺，血染大海。咁點呢?

我星期六經常同唔同嘅朋友交流下做生意心得， 4位，人少少方便傾計， 如果你有興趣參加，可以whatsapp你張卡片畀我助手 Suki 5566 1335， 免費，我請食飯, 大家交個朋友。

前排就同其中一做開手袋嘅朋友Brainstorm 下佢盤生意點可以突破。 始終牽涉私隱，唔好開佢公司或人名啦。Let's call him Peter.

Peter 好成功， 紅褲仔出身，廿年前由東南亞 OEM (Original Equipment Manufacturer) 做起， 即係幫人哋嘅品牌生產手袋。 前幾年就建立埋自己嘅品牌， 有埋自己十間八間嘅專門店， 賣到全世界都有佢嘅袋。 (為保障佢私隱，上面有啲內容我修改咗些少。)

表面上好成功，但老實說，佢都話做得好辛苦， 俾大品牌挨住嚟打。肺炎疫情更加唔洗講，基本上每個月蝕住做。

我同佢講， 佢就好似正面地同強過自己嘅敵人打仗咁， 敵人就係 LV，Chanel，Gucci，Prada 等， 佢哋永遠都喺度， 鬥平或者鬥靚，即使打贏場硬仗，好大機會即使打贏，自己都只會受重傷，慘勝。

要打佢，就應該從側邊打。 攻佢一啲佢唔為意嘅地方。 吸嗰啲根本唔會幫襯佢或就嚟發想想再幫襯佢嘅客人。吸佢嘅 Non-Customers。

你諗下，如果喺街上面問一百個人， 佢哋有冇買LV/Gucci 手袋，99個都可能答你「無買」 或唔打算「再買」。 只係得一個有。 咁你同佢打就唔應該搶嗰一個客，而係應該target嗰99個 non-customers。而嗰99個non-customers 入面，只要有一個願意幫襯你，你嘅市場佔有率就係50%，有兩個幫襯你，你嘅市佔率係66%。

你係要target嗰啲「買袋 for those do not enjoy 買袋嘅客人」。

點搵? 根據Blue Ocean Strategy 藍海策略之父 W. Chan Kim 有六條路， 唔需要條條行曬，行通一條已經足夠。

(1) Across alternative industries 跨越另一選擇行業, (2) Across strategic groups 跨越策略性群組, (3) Across chain of buyers 跨越買家決策鏈, (4) Across complementary services or products 跨越協同效應服務或產品, (5) Across functional-emotional appeal 跨越功能及情感的吸引力, (6) Across time and trend 跨越時間及趨勢. 

我同Peter講， 你做手袋可唔可以試下以上六條路。

(1) Across alternative industries 跨越另一選擇行業， 例如我做商舖基金，就係跨越咗兩個行業 - 商舖及基金。 啲人覺得買舖好煩嘅，就會買我嘅商舖基金。一樣係「買舖 for those do not enjoy 買舖。」

當時我哋食緊飯，我同Peter講:「咁你又可唔可以考慮將手袋 cross 另一個行業呢? 好似我哋而家食完飯，成枱都係餸，你又可唔可以推出一啲名牌專打包外賣嘅手袋賣俾餐廳? 環保啲、保溫好啲、 款式多啲，咁餐廳可以轉售畀個客人圖利， 咁就唔會直接同 LV / Gucci 競爭， 咁會唔會吸到嗰99％嘅non-customers， 用手袋 cross Catering 餐飲，又會唔會殺出條血路呢?

(2) Across strategic groups 跨越策略性群組。 一個手袋，可以買亦可以租。係兩個Strategic Groups。既然係咁，可唔可以推出一啲月租計劃， 月費500蚊，預繳每年6000蚊，就每個月無上限，只要個客寄返個袋返嚟，就換個新袋畀佢用呢? 甚至乎搵個形象顧問，幫個客度埋嗰個月嘅新形象，畀啲surprise個客。 咁嘅話，會唔會吸引咗好多老公，幫老婆買個plan送俾佢呢? 咁老公唔使煩，老婆又有surprises。 咁係唔係「買手袋 for those do not enjoy 買手袋? 」 LV / Gucci 嘅 non-customers?

(3) Across chain of buyers 跨越買家決策鏈。 買手袋，有 users 用家 (可能係個阿太)，payers 俾錢嗰個 (可能係個老公)，influencers 具影響力嘅人 (可能係啲KOL，佢側邊啲阿太朋友或者仔女)，critics 評論者 (可能係啲雜誌/網上專家)， 上面咁多人，其實每一層都可能影響咗成個買袋嘅過程。 你想賣多啲袋，rather than 好似LV/Gucci 咁狂賣廣告， 不如可唔可以洗啲錢喺唔同層次上面影響個買家呢? 例如專門 target 啲孝順仔女， 唔知你點樣設計個手袋法， 但畀啲仔女感覺到話想阿媽用了個袋後就會「健康」啲，「青春」啲? 或者專門送啲手袋畀KOL (Key Opinion Leaders)，俾啲阿太見到，佢哋又跟住買呢?

(4) Across complementary services and products 跨越協同效應服務或產品, 好似外國嘅IKEA， 通常都有個 Child Care Center， 比啲阿媽免費放低個仔女幾個鐘? 入面免費有嘢食，有嘢玩。點解? 佢呢就可以有時間入去 IKEA shopping。放低十次唔買，第十一次，冇嘢做，行下行下自然會買。 買一次就能賺返曬返嚟。

我同佢講:「咁你做手袋專門店， 又可唔可以試下提供一啲免費嘅協同效應服務，例如， 修甲、吹頭、 即場享用嘅修身飲品，whatever， 總之就吸咗個客入嚟舖頭先，十次唔幫襯，第十一次自然會買個袋。 有冇留意到坊間有好多品牌其實都已經做緊同樣嘅嘢，皇后大道中嘅 Mercedes 餐廳，銅鑼灣嘅Leica Cafe 等。

我自己日日拍片畀你免費睇，其實都係行緊呢條 Complementary 路，你睇下睇下， 睇咗100條，1000條，遲早有一日你會買返間舖。 到時第一個搵邊個? 你都可能會考慮下我。

(5) Across functional-emotional appeal 跨越功能及情感的吸引力。 要贏人，就唔好淨係鬥價或者質量。 等如買部手機咁， 唔係function勁就贏曬。 蘋果手機好多嘢都過人，但硬係有好多蘋果迷， 情感上就係要買蘋果。 佢哋多啲錢，都要願意買啲渣啲嘅產品。 呢個就係 Emotion 大過 Function.

包括我在內，點解人地幫我買舖? 可能睇咗我300條片之後，覺得呢條粉腸李根興，日睇舖晚睇舖， 講埋啲乜鬼個人道理/故事，放埋佢老婆仔女上網，感覺呃人都呃極有個譜 ， 唔介意畀啲錢佢賺下。

我同Peter 講，你背後又有咩故事同人分享呢? 你盤生意呢?人哋feel唔feel到你呢? 你有乜嘢去 drive emotion 呢?

(6) Across time and trend 跨越時間及趨勢.  隨著時間同埋趨勢/科技嘅改變， 今時今日先有機會有 Deliveroo / Food Panda 等叫外賣應用程式， 網絡速度快才能做到。 以前網絡好慢嘅時候，根本做唔到。我同Peter 講，手袋一樣，有無可能推出一啲袋， 每日可以 track 住佢去邊度，提出消費建議。又或者佢唔使拎銀包出嚟就方便畀到/收到錢呢? Whatever ...

目的就係吸引嗰班 LV/Gucci 嘅 Non-Customers。 只要你吸到1％，你就有50％ market share. 唔需要六條路行曬，行通一條已經可以不得了。

我同Peter佢講，there is nothing wrong with what you are doimg now. 正面交鋒，鬥平鬥靚， 養活咗99％中小企。 不過佢哋大部分都只係繼續浮浮沉沉， 要突破嘅話，就係要搵到你嘅藍海。

藍海唔係喺Customers 道搵，而係喺 Non-Customers 道搵。 唔係要去爭，而係要做大個餅。Not Compete, but to Create.

如果我買賣舖，下下都要鬥平 鬥靚，根本無錢賺。 論身家，大把舖王多我幾百倍。但點解過幾年， 係市場嚟買賣賺錢嘅街舖 ，按宗數我哋能夠佔超過五成嘅市佔率? 就係因為我哋吸咗嗰1％嘅 non-customers。

「買舖 for those do not enjoy 買舖。」 我哋搵到我哋嘅藍海。

你呢? 你有無更強嘅競爭對手? 你又係咪同人鬥平鬥靚緊? 係咪正面交鋒到好攰呢? 試下用上面六種嘅方法， 從你嘅敵人側邊打佢， 唔需要條條行得通，只要行啱一條， 希望你盤生意之後長遠亦有所突破。

「做生意如打仗。遇上更強的敵人，要避免正面交鋒。 應從側面六條路，打他們唔為意的地方。」李根興

。。。。。。。。。

星期六我經常會搞下 Brainstorning-for-4 早餐/午餐會，大家交個朋友???? 互相俾下意見睇下盤生意有乜可以做好啲。

地點是中環。約3小時。

對象: 管理層/生意經營者/創業者

有興趣參加的話，請 whatsapp 你的名片給 Suki (我助手) 5566 1335。她會再聯絡你。

免費 (我不是靠這行搵食?)。我請食飯 ? Be friends ..... 多謝! 李根興 Edwin

www.edwinlee.com.hk