話說作為一個專業師奶仔，我好似好耐冇同大家講買餸經，呢期不務正業真係唔好意思。
尋日天氣凍兼且落雨，我就留返喺室內，去左一間專係做餐飲業批發的「超市」掃貨。
唔好講笑，作為批發商，呢度所有野比起大家在外面買到的，通常平大約三至四成，不過一買就要係以批發的形式買。所以黎呢啲地方，一定要帶埋三宮六院，不，我的意思是帶多幾個朋友一齊黎買，買完後再分就會平好多。當然，如果你平日係一箱箱咁食零食嘅話，就當我咩都冇講過啦下～
除了零食外，呢度嘅罐頭都好平，某午餐肉界KOL議員黎到呢度一定會好開心，六罐餐肉大約一舊水港紙，非常方便佢計數。呢隻罐頭蕃茄係好ok的，在冬天無晒靚蕃茄時，最適合用來整意粉和羅宋湯，比起在超市買平了近一半。
我買左一盒雜餅，遲啲屋企開派對又可以用黎整finger food，賣相好睇之餘，一口一件最易處理。
另外，由於呢度做餐廳批發，所以亦都有唔同嘅食材，而價格係真心平到嚇人。例如某些劣食雜誌好鍾意喪推嘅芝士，賣點係「極邪惡」嗰啲呢～ 你見到好多芝士、以為對方落重本？黎黎黎～ 港紙五十蚊左右賣緊五公斤，即係五蚊一磅芝士，你食得幾多？洋腸三十幾蚊五十條，你又如何食得到「翻本」？乳酪嘛，呢個最喪盡天良，七十蚊港紙十公斤，買返屋企可以當啞鈴舉，夠成條村食了。
所以，真係唔好再諗住「翻本」去食飯，如果可以真係最好連平價放題或自助餐都少啲食，因為人地食材成本就係呢啲價，你點食都唔會回到本，仲要製造大量浪費，何必呢？
#去呢啲地方先會知道人地廚房點運作
#買到很多古怪的食材
#我想講桶乳酪超級重
#呢啲組隊都係挑唔贏
#每人分兩公斤乳酪都死啦
#誰需要那麼多蛋白質啊
#賣蛋白質的小男孩
#咦
#好像哪裡怪怪的
補充：
呢個批發市場係行會員制，大家如果想去，首先要成立一間公司先🙈🙈😂
哪裡 有 賣 午餐肉 在 [問卦] 午餐肉在台灣乏人問津的原因是啥？ - 看板Gossiping 的八卦