香港終於有 BL 劇喇！
2018年嘅 BL 日劇《大叔的愛》大受歡迎，當年破晒收視紀錄，結局仲成為 twitter 全球話題榜冠軍。本台當時都同各位街坊進行過深入探討，睇吓如果拍港版應該搵邊個做，最後一錘定音，得出「許廷鏗 ♥︎ 劉丹」呢對CP拍《叉燒炳的愛》，另外亦有秦沛、徐錦江、廖啟智、吳岱融、秦煌等選項，簡直係銀髮族放題，令人花多眼亂！
今日有報道指 ViuTV 向日本買入原著版權，今個月會開拍港版《大叔的愛》！到處留情嘅男主角「春田田」，由 Mirror 嘅搞笑擔當 Edan 飾演，而暗戀春田田嘅 roommate「阿牧」，就由隊友 Anson Lo 飾演。日本原版角色設定上，阿牧雖則童顏，但卻擁有巨根，唔知 Anson Lo 點睇呢個「霹靂大肉腸」設定呢？嗯，對白我都幫 Edan 諗埋：「過嚟俾朕 check 吓有幾巨先…」
至於大叔「部長」一角，一直有傳係「掩面界KOL」陶大宇飾演，不過最後由 57 歲 man 爆嘅德斌哥哥跑出！佢接受訪問時承認傾緊，但未落實，話等 ViuTV 公布消息。劇入面，部長絕對係痴心情長劍，可以樣樣嘢都為晒春田田去做，咁樣做對於德斌部長嚟講，會唔會係侮辱佢嘅智慧係戇居呢？只能夠講句… LM 等煲劇。
#我記得有個角色好似小儀
#強尼係必須有㗎喎唔可以無
吳岱融 在 63歲吳岱融慘遭虐待被曝光，當場下跪求饒畫面洩露看哭眾人 的八卦
商務郵箱：[email protected]歡迎訂閱娛記太太，簡單看娛樂，開心每一天！歡迎觀看我們近期的精彩視頻77歲葉振棠近照暴瘦， ... ... <看更多>