早排我哋個page畀人出言侮辱，我講真㗎！
大約3個星期前，有個客想搵辦公室日報落廣告，同事報價後聽到呢句：「咁貴？你哋唔值喎！我quote過一啲follower多過你嘅page，平你一半有多，呢個咩時勢呀，搵食咁艱難，平啲啦！有job好過冇job呀，你哋自己諗諗。」
同事嬲到震，然後嘗試用呢個客嘅產品hashtag去搵，究竟係邊個page嘅follower多我哋好多，然後又平我哋一半呢？哦，原來係嗰啲內容農場，百幾二百萬個followers，但係每個post得十幾個like嗰啲，明白晒！
首先講下我出廣告嘅價格係點樣釐定，呢個page第一單廣告係收3000，因為呢行冇公會，亦冇人願意教你，根本冇標準，貴定平靠自己摸索，如果啲job瘋狂咁嚟，即係反映你太平，若然冇job，即係你個價有啲離地，而我開3000之後，就收到好多無厘頭嘅產品同埋品牌，倫敦金公司都quote過我，一來唔想同呢啲奇怪客打交道，二來亂接job只會拉低個page嘅質素，自己仲會忙到身體狀況都好差，慢慢調整返價格之後，總算拎返個平衡。
其實就好似搵工盡量唔好underpaid一樣，你嘅能力既然值呢嚿錢，自降身價唔會有人多謝你，更加會做死你，再影響埋將來叫價同發展，想重回正軌就難上加難。
我接廣告唔會發錢寒亂咁接，作為一個page，要對讀者負責任，簡單舉一個例，有位客人叫One Health 同健，佢隻健脾化濕沖劑當日搵辦公室日報落廣告嘅時候，我有詳細了解過係咪有用？然後發現呢隻唔駛煲嘅去濕茶的確幫到手，令我冇咁易攰，唔會成日冇胃口，更加唔會面腫腫，因為濕重係會影響免疫力，我相信大家嘅工作壓力絕對唔會細過我，呢隻廣告發放嘅資訊既然有用，產品又幫到人，咁咪接job囉，我唔會因為錢就咁拎住件產品大嗌：「嘩！好勁呀！好掂呀！」然後胡混過關袋袋平安，對得住自己個平台，都要對得住讀者。
產品真材實料好重要，特別point out同健呢個客出嚟講，係因為得到佢哋一直以嚟嘅信任同埋尊重，印象中幾乎唔會改我啲稿，早排佢哋更加表示：「好多謝辦公室日報嘅讀者支持。」所以我想藉住呢個機會轉達畀大家知。
同健上年4月15號第一次搵我出廣告，有幸成為佢哋第一個採用嘅fb page當然係開心啦，期間除咗介紹過佢哋嘅皇牌健脾化濕沖劑之外，仲有其他產品，回頭job已經好幾次喇，最近知道同健初登電視舞台，搵埋ViuTV幫手宣傳，見到一個新品牌不斷去尋求進步，推出更多新產品，同時亦提醒咗我唔好滿足於現狀，應該要更加努力去回報支持自己嘅人。
至於嗰啲唔識欣賞我哋嘅客，仲有唔壓你價就唔安樂嘅人，Let it go啦！何必為咗少少利益去犧牲寶貴時間同埋好心情呢？希望大家搵工嗰陣都一樣，千祈唔好懷疑自己嘅能力同埋價值。
順手幫同健推廣下先，即日起至 7月 31日，同健健脾化濕沖劑由原價$168，減至$138，萬寧、華潤堂、HKTVMall有售，仲有以下呢條link可以直接購買
HKTVMall購買🔗：http://bit.ly/38Cd3yO
#唔駛煲嘅去濕茶 #同健 #同健健脾化濕沖劑 #onehealth
同健健脾化濕沖劑 在 中藥去濕茶2022-精選在臉書/Facebook/Dcard上的焦點新聞和 ... 的八卦
早前我出過同健 健脾化濕沖劑嘅短片介紹 今次就用文字再介紹多少少啦✓ 夏天天氣炎熱 不知不覺食多咗好多生冷野，飲凍野，食甜嘢， 甚至原來喺 ... ... <看更多>