有個HR同我講，舊同事辭職嗰陣話身體唔好，要take個break抖下，隔咗3個星期後收到另一間公司要求reference check，原來呢位舊同事搵到新工，所以佢好嬲豬：「點解佢要講大話，辭職咪辭職囉！」
我唔係要企喺員工嗰邊，但法例冇規定要畀個真理由去辭職，正如勞工處都冇規定你見完人之後唔請，一定要向求職者解釋原因，如果佢用一個溫和嘅藉口去resign，當中只有兩個可能性：
1) 你班PK係玻璃心，淨係覺得自己公司最好，同你講都嘥9氣。
2) 對公司完全死心，死心到一個地步係想睇住你班PK死，費事教精你，等睇冧檔。
其實調轉嚟睇，呢位辭職嘅員工已經好有修養，佢畀緊落台階你哋，得3種情況係resign會講真正理由：
A) 好憎你間公司，但仲有一絲留戀，所以走得唔係咁情願。
B) 未必真係想走，純粹扭下屎忽花。
C) 對公司好有感情，只係現實唔走唔得，走咗都希望你哋好。
我都有朋友做到好勞氣而辭職，明明係五日工，但辛苦到星期六日都要喺屋企做公司嘢，身邊嘅同事好卸膊，上司同老細又扮睇唔到，結果佢走嘅時候求其話要讀書，我問佢點解唔將事實講出嚟，等佢哋知道有咩要改善，順便吐返一口烏氣。
佢答：「講咗都冇用，佢會氹你做住先，問長問短隨時走唔到，上面嗰班始終唔識管理又偏私，總之唔見棺材唔流眼淚，知道佢哋冧檔我就真係一吐烏氣喇。」
都啱嘅，好似我哋對朋友一樣，friend底先會講真心話，對住泛泛之交同埋討厭嘅人，hea你已經算好有修養。
同事辭職 在 [閒聊] 有沒有同事辭職和放長假的作品- 看板C_Chat 的八卦